Habakuk 1:5 - Nau Brah Ndu Ngơi 2023

⁵ “Uănh hom ma lĕ bri dak jêh ri nklân kâp uănh, Hih rhâl hom jêh ri ndrŏt ndal! Yorlah Gâp mra ƀư du ntil kan tâm rnôk khân may, Nđâp tơlah bu nkoch bri, khân may mâu chroh đŏng ôh.

Habakuk 1:5 ပူးပေါင်းရင်းမြစ်များ

Êsai 29:14

Yor nây, Gâp mra thoi đŏng ƀư Lĕ nau kan khlay ngăn ngên ta nklang phung ƀon lan aơ, Nau kan êng ngăn kŏ tât nau gĭt mĭn ma phung blau mĭn khân păng mra jêng dơm dam, Nau gĭt rbăng ma phung gĭt rbăng mra nkŭm ndâp.”

Êsai 29:9

Ndrât hom jêh ri hih rhâl! Ƀư hom ma khân may nơm chieh măt jêh ri vĭr măt! Khân păng nhŭl, ƀiălah mâu di yor ndrănh ôh; Khân may ndĭt ndĭu ƀiălah mâu di yor ndrănh ktang ôh.

Yêrêmi 18:18

Khân păng lah: “Kay lŏng, he nchră hom nau tâm rdâng ma Y-Yêrêmi. Yorlah kôranh ƀư brah mâu kƀah nau vay, bunuyh blau mĭn mâu kƀah ôh nau nkah nti, phung nơm mbơh lor mâu kƀah ôh nau mbơh. Văch hom, he mra dŏng mbung mpiăt he ngơi đah păng, lơi ta mĭn ntreng ôh lĕ nau păng ngơi.”

Nau Nhĭm Vơl 4:12

Phung hađăch gŭ ta neh ntu mâu iăt ôh, Lĕ rngôch ntil mpôl bunuyh ta neh ntu mâu ntôn, Phung rlăng jêh ri tahan phung rlăng mra hăn lăp Lĕ mpông ƀon Yêrusalem.

Daniel 9:12

May ƀư ngăn jêh lĕ nau mbơh ma hên jêh ri lĕ phung kôranh phat dôih hŏ phat dôih jêh hên, nkhŭt nau rêh ni toyh ta klơ hên, nkrit toyh kŏ tât lam neh ntu mâu mâp geh ôh nau mhĭk tâm ban nau mhĭk hŏ ăn tât jêh ta klơ ƀon Yêrusalem.

Habakuk 3:2

Ơ Brah Yêhôva! Gâp tăng jêh nau bu nkoch lư n'găr amoh May, Yor ri gâp klach yơk ma May. Ơ Brah Yêhôva! Ta nklang năm khay mro mrăng, Dăn Kôranh Brah ăn njêng mhe tay nau kan May, jêh ri tâm mpơl ma lĕ rngôch bunuyh gĭt. Tâm nau ji nuih, dăn Kôranh Brah kah gĭt ma nau yô̆ nđach!

Sôphôni 1:2

Brah Yêhôva lah: “Gâp mra pih kloh lĕ rngôch ndơ tă bơh klơ neh ntu.

Nau Vay Nkah Tay 4:27

Brah Yêhôva mra tâm nkhah khân may ta nklang phung ndŭl mpôl bunuyh, knŏng hôm e djê̆ dơm tâm ăp bri dak, ntŭk Brah Yêhôva mra nsot khân may tât.