Habakuk 1:11 - Nau Brah Ndu Ngơi 2023

¹¹ Rnôk nây, rduh ran tât jêh ri hăn ntrŭt nâm bu sial phŭt, Khân păng ƀư tih jru ngăn Yorlah uănh nau dăng khân păng nơm jêng brah.”

Habakuk 1:11 ပူးပေါင်းရင်းမြစ်များ

Ndrom Samƀŭt bơh Yôp 12:6

Vâl bok phung ntŭng geh nau đăp mpăn, Phung nsônh nau Brah Ndu ji nuih, Jêh ri phung ƀư sưr n'hao êng nơm dơi gŭ rêh mpăn rlêk.

Êsai 10:13

Yorlah hađăch Asiri lah pô aơ: ‘Gâp ƀư lĕ nau nây ma nau ktang tâm ti gâp Jêh ri ma nau blau mĭn gâp, yorlah gâp geh nau gĭt mĭn. Gâp lĕ ngroh lơi jêh n'har bri neh phung ndŭl mpôl bunuyh, Jêh ri pit in lĕ jay ndơ khlay khân păng. Tâm ban ma du huê janh ktang, Gâp hŏ n'glưh nsot phung hađăch

Yêrêmi 2:3

Israel jêng phung ƀon lan prăp êng kloh ueh ăn ma Brah Yêhôva, Jêng play dak bôk bơh kan Păng. Ma mbu nơm sa rvăn phung nây mra geh tih, Nau mhĭk mra nkhŭt tât ta klơ khân păng.’ ” Brah Yêhôva lah pônây.

Yêrêmi 9:22

May ngơi hom: “Brah Yêhôva lah pô aơ: ‘Săk jăn phung khĭt mra cha lôt Nâm bu buh nkhŭt ta lôk mir, Nâm bu nkong ba pakơi nơm rek Mâu geh nơm dônh khân păng ôh.’”

Daniel 4:27

Yor nây, ơ hađăch, ăn may dơn nau gâp sâm nchră, chalơi hom nau tih ƀư ma nau sŏng srăng, ƀư nau yô̆ ma phung o ach gay chuai lĕ nau mhĭk may ƀư. Pônây, rnôk chiă uănh geh nau đăp mpăn dơi ntop jong jŏ lơn.”

Daniel 5:20

Ƀiălah tơlah nuih n'hâm jêng sưr, nuih n'hâm dăng ktang, pôri păng ƀư ma nau brơl; yor nây bu n'glưh jêh păng bơh sưng hađăch jêh ri sŏk lơi nau chrêk rmah.

Habakuk 1:16

Yor nây, khân păng nhhơr mpa ƀư brah ma yŭ jal, Jêh ri su ndơ ƀâu kah ăn ma nhuăl; Yorlah ma yŭ jal khân păng geh ndơ sa lay rmŏng Jêh ri geh ndơ sông sa rmeh ler.