Galati 6:17 - Nau Brah Ndu Ngơi 2023

¹⁷ Ŭch ngăn ntơm bơh aƀaơ tât kăndơ̆, mâu geh mbu nơm ƀư rsuak gâp đŏng, yorlah gâp djôt lĕ têl Brah Yêsu ta klơ săk jăn gâp.

Bunong Bible Latin Script Cambodian dialect

¹⁷ Ntơm bơh dja jât năp, lơi ôh ăn bunuyh jan ăn gâp geh nau jêr jât tă bơh nau bu nti nklă, yorlah khap Brah Yêsu nơm lĕ geh ta săk gâp jêh, jêng nau bu rpăt mbang ma gâp.

Bunong

¹⁷ នតើម​ឞើស​អ្យា​ជឹត​នាប់ លើយ​អោស​អ៝ន់​ឞូនុយ្ស​ជាន​អ៝ន់​គ៝ប់​គែស​នាវ​ជេរ​ជឹត​តាៈ​ឞើស​នាវ​ឞូ​នតី​ងក្លាៈ យ៝រ​លាស​ខាប​ឞ្រាស​យេឆូ  ​នើម​លែៈ​គែស​តា​ឆាក់​គ៝ប់​ជេស ជេង​នាវ​ឞូ​រាពាត់​មឞាង​មា​គ៝ប់។

Galati 6:17 ပူးပေါင်းရင်းမြစ်များ

Êsai 44:5

Nơm aơ mra lah pô aơ: ‘Gâp jêng ndơ Brah Yêhôva;’ Nơm êng tâm amoh păng nơm ma amoh Yakôb, Nơm êng đŏng nchih ta ti păng nơm pô aơ: ‘Gâp jêng ndơ Yêhôva’ Jêh ri mbơh tâm amoh păng nơm ma amoh Y-Israel.”

Êsêkiêl 9:4

jêh ri lah: “Hăn hom rgăn lam ƀon, jêng ƀon Yêrusalem, jêh ri nchih nau mbên ta ndăr kleng phung bunuyh vơl nter, nhĭm nhhiăng ma lĕ rngôch nau mhĭk hŏ ƀư tih jêh nklang ƀon aơ.”

Kôranh Oh Mon 15:24

Yor hên tăng jêh geh bar pe nuyh tâm hên, nđâp lah mâu dơn nau ntĭnh tă bơh phung hên, hŏ lah lĕ nau ƀư vĭ jêh ri ƀư rsuak nau mĭn khân may.

II Kôrintô 1:5

Yorlah nâm bu nau rêh ni Brah Krist bêng ler tâm he, tâm ban lĕ ma Brah Krist nau tâm bonh leng nuih he jêng âk rmeh.

II Kôrintô 4:10

Hên djôt mro tâm săk jăn hên nau khĭt Brah Yêsu, gay ma nau rêh Brah Yêsu mra tâm mpơl lĕ tâm săk jăn hên.

Galati 1:7

Mâu geh nau mhe mhan ueh êng ôh, ƀiălah geh knŏng ƀaƀă bunuyh ƀư rsuak khân may jêh ri ŭch nsak nkhăng Nau Mhe Mhan Ueh Brah Krist.

Philip 3:10

gay ma gâp dơi gĭt năl Păng, nau brah bơh nau Păng dâk rêh tay, dơi tâm pă nau Păng rêh ni, jêh ri plơ̆ jêng tâm ban ma Păng tâm nau păng khĭt;

Kôlôh 1:24

Aƀaơ gâp răm maak tâm nau rêh ni yor khân may, jêh ri yor săk jăn Păng jêng Phung Ngih Brah Ndu, djôt leo săk jăn gâp nơm ƀư lôch jêh kô̆ hôm e tâm nau rêh ni Brah Krist.

ហេឞ្រើ 12:15

Njrăng hom klach lah khân may roh nau Brah Ndu yô̆, klach lah geh reh tăng hon, ƀư nau uh ah jêh ri ƀư ƀơ̆ ƀơch ma âk bunuyh tâm khân may.

Yôsuê 7:25

Y-Yôsuê lah: “Mâm ƀư may ăn nau uh ah ma phung he? Brah Yêhôva mra ăn tât nau uh ah ma may nar aơ.” Jêh nây lĕ rngôch phung Israel klŭp păng ma lŭ; khân păng su phung nây ma ŭnh jêh ri brôi lơi ma lŭ.

Nau Tâm Mpơl 13:16

Păng ƀư ăn lĕ rngôch bunuyh, phung jê̆ nđâp ma phung toyh, phung ndrŏng nđâp ma phung o ach, phung kon me nđâp ma phung dĭk sŏk dơn du ndơ mbên ta ti ma mâu lah ta ndăr kleng,

Nau Tâm Mpơl 13:17

gay ma mâu geh bunuyh dơi rvăt mâu lah tăch tơlah mâu geh ndơ mbên nây, nâm bu ntĭt amoh mpô mpa dŭt janh mâu lah mrô amoh păng.