Galati 6:16 - Nau Brah Ndu Ngơi 2023

¹⁶ Dăn nau đăp mpăn jêh ri nau yô̆ nđach jŭr ma lĕ rngôch mbu nơm ƀư tĭng nau vay nây, jêh ri ta phung Israel Brah Ndu đŏng!

Bunong Bible Latin Script Cambodian dialect

¹⁶ Dăn Kôranh Brah ăn nau đăp mpăn, ndrel ma nau yô̆ nđach ma bu moh i ndjôt tâng nau rêh mhe i nây, nđâp ma dâng lĕ phung i jêng ƀon lan Kôranh Brah nơm ngăn.

Bunong

¹⁶ ទាន់​កោរាញ​ឞ្រាស​អ៝ន់​នាវ​ដាប់​មពាន់ នទ្រែល​មា​នាវ​យោៈ​នអាច​មា​ឞូ​ម៝ស​អី​ញអោត​តឹង​នាវ​រេស​មហែ​អី​នៃ នអ៝ប់​មា​ទឹង​លែៈ​ផូង​អី​ជេង​ប៝ន​លាន​កោរាញ​ឞ្រាស​នើម​ងាន់។

Galati 6:16 ပူးပေါင်းရင်းမြစ်များ

I Nau Rêh Jêng 12:18

Nôk nây, Huêng Brah nkŭm Y-Amasai, jêng kôranh ma phung pe jât bunuyh nây, ƀư ăn ma păng lah: “Hơi Y-Đavit, hên jêng phung may; Hơi kon bu klâu Y-Yêsê, hên gŭ mpeh ma may! Nau đăp mpăn, nau đăp mpăn ma may; Nau đăp mpăn ma phung kơl may! Yorlah Brah Ndu may kơl may!” Pônây Y-Đavit rom khân păng jêh ri njêng khân păng chiă uănh ma phung tahan păng.

Nau Mprơ Ơm 73:1

Nanê̆ Brah Ndu jêng ueh ngăn ma phung Israel, Nây jêng phung geh nuih n'hâm kloh rsang.

Êsai 45:25

Ƀiălah tâm Brah Yêhôva, lĕ rngôch kon sau Israel Mra dơi kơp sŏng srăng jêh ri geh nau chrêk rmah.

Ndrom Samƀŭt bơh Ôsê 1:10

“Ƀiălah rnoh kơp phung kon sau Israel mra âk nâm bu choih dak mƀŭt, mâu dơi nhueh, mâu lĕ dơi kơp ôh. Ta ntŭk khân păng tăng bu lah: ‘Khân may mâu di phung ƀon lan Gâp,’ mra tăng đŏng: ‘Khân may jêng kon Brah Ndu gŭ rêh mro mrăng.’

Yôhan 1:47

Brah Yêsu saơ Y-Nathanel văch ta Păng, Păng lah ma Y-Nathanel pô aơ: “Aơ jêng du huê bunuyh Israel ngăn, tâm păng mâu geh nau mƀruh nchơt ôh.”

Yôhan 14:27

Gâp lơi nau đăp mpăn ma khân may. Gâp ăn nau đăp mpăn ma khân may. Nau đăp mpăn Gâp ăn ma khân may mâu geh kơt neh ntu ăn ôh. Lơi dĭng ăn nuih n'hâm khân may uh ah jêh ri lơi klach ôh.

Yôhan 16:33

Gâp lah lĕ nau aơ ma khân may, gay ma khân may geh nau đăp mpăn tâm Gâp. Khân may mra geh nau rêh ni tâm neh ntu, ƀiălah khân may nâp hom nuih n'hâm, Gâp hŏ dơi jêh đah neh ntu.”

Samƀŭt Pôl Njuăl Ăn Ma Phung Nsing Ta Ƀon Rôm 1:7

Gâp dăn njuăl ma lĕ rngôch phung Brah Ndu rŏng tâm ƀon Rôm, phung Brah Ndu kuăl jêh ăn jêng phung kloh ueh. Dăn Brah Ndu, Mbơ̆ he, jêh ri Kôranh Brah jêng Kôranh Yêsu Krist ăn ma nau yô̆ jêh ri nau đăp mpăn ma khân ay may.

Samƀŭt Pôl Njuăl Ăn Ma Phung Nsing Ta Ƀon Rôm 4:12

jêh ri păng jêng mbơ̆ ma phung koh ntâu, jêng phung nây mâu di knŏng koh ntâu dơm, ƀiălah hôm hăn tĭng têl nau chroh Y-Abraham, chô yau he, hŏ geh lor ma păng koh ntâu.

Galati 1:3

Mbơh sơm dăn Brah Ndu, Mbơ̆ he, jêh ri Kôranh Brah jêng Brah Yêsu Krist ăn ma nau yô̆ jêh ri nau đăp mpăn ma khân may.

Galati 3:29

Tơlah khân may jêng phung Brah Krist khân may jêng ndŭl mpôl Y-Abraham tâm ban lĕ, jêng phung dơi ndơn drăp tĭng nâm nau ton jêh.

Galati 5:16

Pôri gâp lah, nhuat hăn hom tĭng nâm Brah Huêng Ueh, lơi mpay lĕ nau nglay săk ŭch.

Galati 5:25

Tơlah he gŭ rêh tă bơh Brah Huêng Ueh, hăn tĭng hom Brah Huêng Ueh.

Êphêsô 6:23

Dăn nau đăp mpăn, nau rŏng jêh ri nau chroh tă bơh Brah Ndu jêng Mbơ̆, jêh ri tă bơh Kôranh Brah jêng Brah Yêsu Krist, gŭ ndrel phung oh nâu.

Philip 3:16

Nđâp lah kơt nĕ, ta moh keh he dơi tât, nhuat hăn hom kơt nây.

Philip 3:3

Yorlah he yơh jêng phung koh ntâu ngăn, phung bunuyh pah kan ma Brah Ndu tă bơh ma Brah Huêng Ueh, khư tâm Brah Yêsu Krist, jêh ri mâu mâp rnơm nsing ma nglay săk ôh.

Philip 4:7

Nau đăp mpăn Brah Ndu, rlau lơn ma lĕ rngôch nau blau mĭn, mra mât mray nuih n'hâm jêh ri nau mĭn khân may tâm Brah Yêsu Krist.

I Pêtrôs 1:3

Mât ton ma Brah Ndu, Mbơ̆ Kôranh Brah he jêng Brah Yêsu Krist! Yor nuih n'hâm yô̆ nđach rmeh ler tă bơh Păng, phung he dơi deh mhe tay gay geh nau kâp gân rêh, yor nau dâk rêh tay Brah Yêsu Krist tă bơh nau khĭt,

Yuđas 1:2

Mbơh sơm dăn nau yô̆ nđach, nau đăp mpăn jêh ri nau rŏng lơ hô âk râk ma khân may.