Galati 6:12 - Nau Brah Ndu Ngơi 2023

¹² Lĕ bunuyh ŭch ƀư maak tĭng nâm nglay săk, srôih nchâp khân may dơn nau koh ntâu. Khân păng ƀư kơt nây gay ma khân păng mâu dơn nau bu ƀư mhĭk yor si tâm rkăng Brah Krist yơh.

Bunong Bible Latin Script Cambodian dialect

¹² Mpôl bunuyh phung Israel i nchâp khân ay may koh ntô tâng nau vay Môsê, khân păng ŭch bu lư ma khân păng nơm, khân păng man ma jan kơt nây gay ma lơi ăn phung Israel jan jêr dơm, yor ma nti lĕ rklaih jêh tă bơh nsing ma Brah Krist i khât ta si tâm rkăng, mâu ôh khăch jan du ntil ndơ a êng jât.

Bunong

¹² មពោល​ឞូនុយ្ស​ផូង​អីឆ្រាអែល  ​អី​ញច៝ប់​ខាន់​អៃ​មៃ​ក៝ស​នតោ​តឹង​នាវ​វៃ​មោឆេ  ខាន់​ពាង់​អុច​ឞូ​លឺ​មា​ខាន់​ពាង់​នើម ខាន់​ពាង់​មាន​មា​ជាន​កើត​នៃ​គៃ​មា​លើយ​អ៝ន់​ផូង​អីឆ្រាអែល  ​ជាន​ជេរ​ទើម យ៝រ​មា​នតី​លែៈ​រាក្លាយ្ស​ជេស​តាៈ​ឞើស​ញឆីង​មា​ឞ្រាស​ក្រីស  ​អី​ខឹត​តា​ឆី​តឹម​រាកាង់ មោ​អោស​ខាច់​ជាន​ទូ​នតីល​នទើ​អា​អេង​ជឹត។

Galati 6:12 ပူးပေါင်းရင်းမြစ်များ

Mathay 23:27

Rêh ni yơh ma khân may, hơi phung kôranh nchih samƀŭt jêh ri phung Pharisi jêng phung nuih n'hâm nklă! Yorlah khân may nâm bu lĕ môch mhĭng klo nglang, padih uănh ueh ngăn, ƀiălah tâm trôm bêng nting bunuyh khĭt jêh ri đah ăp ntil ƀơ̆ ƀơch.

Mathay 23:28

Khân may tâm ban lĕ, padih ƀư sŏng srăng tanăp bunuyh, ƀiălah tâm trôm khân may bêng ma nau djơh mhĭk jêh ri nuih n'hâm nklă.

Mathay 23:5

Lĕ kan khân păng ƀư yorlah ŭch ma bu saơ. Yor ri, khân păng ƀư lĕ dŭng dĭ prăp nau vay, ntrŭnh grong ao ma jong;

Mathay 5:10

Ueh maak ngăn ma phung bu ƀư mhĭk yor nau sŏng srăng, Yorlah ƀon bri hađăch klơ trôk prăp ma khân păng!

Mathay 6:16

Tơlah khân may ât sông sa, lơi ƀư ôh muh măt rngot nâm bu phung bunuyh geh nuih n'hâm nklă, yorlah khân păng jan ƀư muh măt rngot gay lĕ rngôch bunuyh gĭt ma khân păng ât sông sa. Nanê̆, Gâp lah ma khân may, phung nây hŏ dơn jêh nau nkhôm ma khân păng.

Mathay 6:2

Pôri, tơlah may ƀư kan nau ăn ndơ yô̆, lơi uh nŭng tra năp may ôh nâm bu phung bunuyh nuih n'hâm nklă ƀư tâm ngih rƀŭn jêh ri rŏ trong sâng gay ma bu rnê. Nanê̆, Gâp lah ma khân may, phung nây hŏ dơn jêh nau nkhôm ma khân păng.

Mathay 6:5

Tơlah khân may mbơh sơm, lơi jêng ôh nâm bu phung bunuyh nuih n'hâm nklă; yorlah khân păng ŭch dâk mbơh sơm tâm ngih rƀŭn jêh ri ta meng trong gay ma bu saơ. Nanê̆, Gâp lah ma khân may, phung nây khân păng hŏ dơn jêh nau nkhôm ma khân păng.

Luka 16:15

Păng lah ma khân păng: “Khân may ŭch jan sŏng srăng tanăp bunuyh, ƀiălah Brah Ndu gĭt năl nuih n'hâm khân may; yorlah nau bunuyh n'hao jêng nau mưch rmot tanăp Brah Ndu.

Luka 20:47

Khân păng jan rŏ nau mbơh sơm jŏ ƀiălah rvăn ngih phung bu ur ndrô. Khân păng mra dơn nau phat dôih jâk lơn.”

Yôhan 7:18

Mbu nơm nkoch tĭng nau păng nơm ŭch jêng joi nau chrêk rmah ma păng nơm, bi mbu nơm joi nau chrêk rmah ma Nơm hŏ njuăl păng jêng bunuyh nanê̆ ngăn, tâm bunuyh nây mâu geh ôh du ntil nau kue.

Kôranh Oh Mon 15:1

Geh ƀaƀă bunuyh văch tă bơh n'gor Yuđa nti ma phung oh nâu pô aơ: “Tơlah khân may mâu koh ntâu tĭng nâm nau vay Y-Môis, khân may mâu dơi geh nau tâm rklaih ôh.”

Kôranh Oh Mon 15:5

Ƀiălah geh ƀaƀă tâm phung chroh tâm mpôl Pharisi dâk jêh ri lah: “Ăn koh ntâu ma phung bu năch, jêh ri ntăm ma khân păng djôt prăp nau vay Y-Môis.”

II Kôrintô 10:12

Ngăn, hên mâu janh tâm rđĭl hên nơm mâu lah tâm rđĭl hên nơm đah phung n'hao êng ri ôh. Ƀiălah tơlah khân păng sŏk khân păng nơm veh đah khân păng nơm, mâu lah sŏk khân păng nơm gay tâm rđĭl khân păng nơm, ri mơ khân păng pưt nau gĭt mĭn.

II Kôrintô 11:13

Yorlah phung kơt nây jêng kôranh oh mon nklă, phung pah kan ndơm jan lah ƀư jêng tâm ban ma kôranh oh mon Brah Krist.

Galati 2:14

Dôl saơ khân păng mâu hăn sŏng tĭng nau ngăn bơh Nau Mhe Mhan Ueh, gâp lah ma Y-Sêphas tanăp lĕ rngôch bunuyh pô aơ: “Tơlah may jêng bunuyh Yuđa, ƀiălah gŭ rêh tĭng nau phung bu năch, mâu kơt nâm bu phung Yuđa ôh, mâm ƀư may nchâp phung bu năch gŭ rêh tĭng nâm nau phung Yuđa?”

Galati 2:3

Nđâp ma Y-Tit, nơm hăn ndrel ma gâp, nđâp tơlah phung Grek, bu mâu nchâp păng koh ntâu ôh.

Galati 5:11

Hơi phung oh nâu, bi gâp, tơlah gâp hôm mbơh nkoch nau koh ntâu, mâm ƀư bu ăt ƀư mhĭk ma gâp? Tơlah di nâm pônây, si tâm rkăng mâu di jêng nau khan king ôh.

Galati 6:13

Yorlah phung nây dơn nau koh ntâu jêh ƀiălah mâu djôt prăp nau vay ôh, ƀiălah khân păng ŭch ma khân may dơn nau koh ntâu gay ngơi hưn ma tâm nglay săk khân may.

Philip 1:15

Nanê̆ ngăn, geh ƀaƀă bunuyh mbơh nkoch Brah Krist yor ma nau keh nach jêh ri nau tâm pit, ƀiălah geh đŏng phung bunuyh yor ma nau mĭn ueh mbơh nkoch.

Philip 2:4

Ăp nơm tâm phung khân may lơi mĭn nau khlay ma păng nơm ôh, ƀiălah mĭn nau khlay ma bunuyh êng đŏng.

Philip 3:18

Yorlah gâp ngơi ƀaƀơ jêh nau nây ma khân may, aƀaơ aơ gâp nhĭm jêh ri ngơi đŏng: Geh âk bunuyh hŏ gŭ rêh tâm ban phung rlăng đah si tâm rkăng Brah Krist.

Kôlôh 2:23

Nanê̆ lĕ nau nây, uănh padih nâm bu blau mĭn yor yơk mbah tĭng nâm nau mĭn khân păng nơm, ndrel ma nau ntrŭnh he nơm jêh ri nau ƀư rêh ni ma săk jăn, ƀiălah mâu geh rnoh khlay ôh tâm nau nking ma nau kơnh nglay săk.