Galati 5:22 - Nau Brah Ndu Ngơi 2023

²² Ƀiălah play bơh Brah Huêng Ueh jêng: Nau rŏng, nau maak, nau đăp mpăn, nau srôih, nau ueh, nau blau ƀư ueh, nau răp jăp, nau rdơ̆ rbăn, nau di keh.

Bunong Bible Latin Script Cambodian dialect

²² Yơn ma play i tă bơh Brah Huêng Ueh ta nây geh kơt nđa: Nau rŏng ma bu, nau răm maak, nau đăp mpăn, nau blao ăt nuih, nuih n'hâm lŏng, nuih n'hâm ueh, nuih n'hâm răp jăp,

Bunong

²² យើន​មា​ព្លៃ​អី​តាៈ​ឞើស​ឞ្រាស​ហ្វេង​អ្វែស​តា​នៃ​គែស​កើត​នអា៖ នាវ​រ៝ង់​មា​ឞូ នាវ​រាម់​មអាក នាវ​ដាប់​មពាន់ នាវ​ឞ្លាវ​អ៝ត់​នូយ្ស នូយ្ស​នហ៝ម់​ល៝ង់ នូយ្ស​នហ៝ម់​អ្វែស នូយ្ស​នហ៝ម់​រាប់​ជាប់‌

Galati 5:22 ပူးပေါင်းရင်းမြစ်များ

Nau Mprơ Ơm 1:3

Bunuyh nây mra jêng nâm bu tơm si tăm dăch n'hor dak, Luh kao play di yan di khay, N'ha păng mâu blau nhop kro ôh. Lĕ nau păng ƀư dơi jêng da dê.

Nau Mprơ Ơm 92:14

Nđâp tơlah tât ranh, khân păng mra hôm e luh kao play, Chăt jêng jêh ri ndrêh ueh.

Nơm Nti 7:8

Nglĕ dŭt du ntil kan ueh lơn ntơm saơm kan nây; Nau nsrôih ueh lơn ma nau sưr.

Yêrêmi 33:6

Ƀiălah, Gâp mra ăn tay n'hâm suan jêh ri nau ƀư bah ma ƀon nây. Gâp mra ƀư bah ăn ma phung ƀon lan khân păng, mra tâm mpơl ma khân păng saơ nau chăt jêng rmeh ler jêh ri đăp rmên jŏ jong.

Ndrom Samƀŭt bơh Ôsê 14:8

Hơi Êphraim, mâm Gâp dơi dơh dăch đah lĕ rup brah? Gâp yơh hŏ mplơ̆ lah jêh ri mra uănh treng păng. Gâp mra jêng nâm bu tơm si chiprơ ndrêh ueh; Tă bơh Gâp yơh may luh kao play âk.”

Mathay 12:33

“Mâu lah tơm si ueh play păng ueh tâm ban lĕ, mâu lah tơm si mhĭk play păng mhĭk lĕ; yorlah bu dơi gĭt năl tơm si ta play păng.

Luka 13:9

Klăp lah pakơi taơ păng mra geh play; lah mâu geh, may mra kăl lơi păng.’ ”

Yôhan 15:16

Mâu di khân may ôh săch Gâp, ƀiălah Gâp săch jêh khân may jêh ri njuăl khân may, gay khân may hăn, geh play âk, jêh ri play khân may ăt hôm ƀaƀơ; pôri moh nau khân may mra dăn ma Mbơ̆ tâm amoh Gâp, Păng mra ăn nau nây ma khân may.

Yôhan 15:2

Moh n'gĭng tâm Gâp mâu geh play, Păng koh mƀăr lơi, jêh ri lĕ n'gĭng geh play, Păng ƀư ueh, gay ma păng play âk lơn đŏng.

Yôhan 15:5

Gâp jêng tơm krăk ƀâu, khân may jêng n'gĭng. Mbu nơm gŭ tâm Gâp, jêh ri Gâp gŭ tâm păng, păng nây geh play âk ngăn, yorlah mâu geh Gâp khân may mâu dơi ƀư du ntil ndơ ôh.

Samƀŭt Pôl Njuăl Ăn Ma Phung Nsing Ta Ƀon Rôm 14:17

Yorlah ƀon bri hađăch Brah Ndu mâu di jêng nau sông sa nhêt ôh, ƀiălah jêng nau sŏng srăng, nau đăp mpăn, nau răm maak tâm Brah Huêng Ueh.

Samƀŭt Pôl Njuăl Ăn Ma Phung Nsing Ta Ƀon Rôm 15:14

Hơi phung oh nâu, gâp mĭn khân may geh jêh nuih n'hâm bêng nau rŏng bu, bêng nau gĭt rbăng, jêh ri geh nau blau nti nkah ndrăng khân may nơm.

Samƀŭt Pôl Njuăl Ăn Ma Phung Nsing Ta Ƀon Rôm 15:3

Yorlah Brah Krist mâu mâp ƀư maak ma Păng nơm, tâm ban geh nau nchih: “Nau suai rak tă bơh phung mưch rmot ma May, tŭp jêh ta gâp.”

Samƀŭt Pôl Njuăl Ăn Ma Phung Nsing Ta Ƀon Rôm 15:30

Hơi phung oh nâu, yor ma Kôranh Brah he jêng Brah Yêsu Krist jêh ri ma nau rŏng bơh Brah Huêng Ueh, gâp vơh vơl ma khân may ndrel ma gâp tâm lơh tâm nau mbơh sơm ma Brah Ndu yor gâp,

Samƀŭt Pôl Njuăl Ăn Ma Phung Nsing Ta Ƀon Rôm 6:22

Ƀiălah aƀaơ khân may hŏ geh nau tâm rklaih jêh bơh nau tih jêh ri plơ̆ jêng ƀư dĭk ma Brah Ndu, khân may geh play kao jêng nau kloh ueh, jêh ri nglĕ dŭt geh nau rêh n'ho ro.

Samƀŭt Pôl Njuăl Ăn Ma Phung Nsing Ta Ƀon Rôm 7:4

Tâm ban lĕ, hơi phung oh nâu gâp, Tă bơh tâm săk jăn Brah Krist khân may khĭt jêh ma nau vay jêh ri nar aơ khân may jêng ndơ bu êng, jêng Nơm nây hŏ dâk rêh tay tă bơh nau khĭt, gay ma he geh play ma Brah Ndu.

Samƀŭt Pôl Njuăl Ăn Ma Phung Nsing Ta Ƀon Rôm 8:5

N'hêl nanê̆ yơh, mbu nơm rêh tĭng nâm nglay săk ŭch mĭn ma lĕ nau kan ma nglay săk; ƀiălah mbu nơm rêh tĭng nâm Brah Huêng Ueh ŭch mĭn lĕ nau kan ma Brah Huêng Ueh.

I Kôrintô 13:13

Aƀaơ aơ hôm geh pe ntil nau aơ: Nau chroh, nau kâp gân, nau rŏng; ƀiălah nau toyh lơn lĕ jêng nau rŏng.

Galati 5:13

Hơi phung oh nâu, bu kuăl jêh khân may gay dơn nau kon me; ƀiălah lơi dŏng nau kon me nây tâm ban du mông găl gay gŭ rêh ma nglay săk, ƀiălah sŏk hom nuih n'hâm rŏng gay pah kan ndrăng khân may nơm.

Êphêsô 4:23

tă bơh Brah Huêng Ueh rgâl mhe nau mĭn khân may,

Êphêsô 5:9

yorlah play nau ang jêng lĕ nau ueh, nau sŏng srăng jêh ri nau nanê̆ ngăn.

Philip 1:11

geh bêng ma play nau sŏng srăng bơh Yêsu Krist gay mât ton jêh ri nau tâm rnê ma Brah Ndu.

Kôlôh 1:10

gay gŭ rêh tâm di ma Kôranh Brah, ƀư ueh nuih n'hâm Păng tâm lĕ kan, geh play tâm lĕ rngôch nau ƀư ueh, jêh ri văch ma toyh tâm nau gĭt rbăng Brah Ndu.

II Têsalônik 3:2

jêh ri gay ma hên geh nau rklaih bơh phung bunuyh ƀai jêh ri djơh mhĭk; yorlah mâu di lĕ rngôch geh nau chroh da dê.

I Timôthê 3:11

Phung bu ur tâm ban lĕ, ăn gŭ ngao ueh, mâu ngơi mhĭk, ƀiălah di keh jêh ri gŭ răp jăp tâm lĕ rngôch ndơ.

I Timôthê 4:12

Lơi ăn bu rmot may yor may hôm druh ndăm, ƀiălah ăn may sŏk nau ngơi, nau gŭ ngao, nuih n'hâm rŏng, nau chroh jêh ri nau kloh rsang gay ma ƀư leo trong ma phung chroh.

I Pêtrôs 1:22

Yor tông bâr nau ngăn, khân may ƀư kloh jêh ma huêng khân may nơm gay geh nau rŏng ndrăng oh nâu. Ăn khân may tâm rŏng ndrăng nơm dŭt hâu ngăn ma lĕ nuih n'hâm.

I Pêtrôs 1:8

Nđâp tơlah ê hŏ saơ Păng, khân may ăt rŏng jêh ma Păng, nđâp tơlah ê hŏ tâm mâp đah Păng, khân may ăt chroh jêh ma Păng, jêh ri hâk răm tâm nau răm maak dŭt hâu ngăn, mâu blau rblang ôh;

I Pêtrôs 5:12

Gâp đă Y-Silvan, nơm gâp uănh nâm bu oh nâu răp jăp ngăn, nchih bar pe rplay gay n'hao nuih n'hâm jêh ri mbơh nkoch ma khân may gĭt, aơ jêng nau yô̆ ngăn bơh Brah Ndu. Gŭ nâp hom tâm nau yô̆ nây.