Galati 4:6 - Nau Brah Ndu Ngơi 2023

⁶ Yorlah khân may jêng kon, pôri Brah Ndu hŏ njuăl Brah Huêng Ueh Kon Păng gŭ tâm nuih n'hâm he, kuăl: “Aƀa! Mbơ̆!”

Bunong Bible Latin Script Cambodian dialect

⁶ Yor ma khân ay may lĕ jêng kon Kôranh Brah ngăn, Păng lĕ njŭn jêh Brah Huêng Ueh Brah Krist Kon Păng nơm gŭ ta nuih n'hâm khân ay may, ndri bân blao kuăl Păng: ‘Bơ̆’.

Bunong

⁶ យ៝រ​មា​ខាន់​អៃ​មៃ​លែៈ​ជេង​ក៝ន​កោរាញ​ឞ្រាស​ងាន់ ពាង់​លែៈ​ញជុន​ជេស​ឞ្រាស​ហ្វេង​អ្វែស​ឞ្រាស​ក្រីស  ​ក៝ន​ពាង់​នើម​គុ​តា​នូយ្ស​នហ៝ម់​ខាន់​អៃ​មៃ នទ្រី​ឞ៝ន់​ឞ្លាវ​ក្វាល់​ពាង់៖ «ឞឹ»។

Galati 4:6 ပူးပေါင်းရင်းမြစ်များ

Yêrêmi 3:19

Gâp hŏ lah: ‘Mâm ƀư gay njŭn may lăp ta phung kon Gâp, Jêh ri ăn ma may du ntŭk bri ueh ngăn. Drăp ndơn khlay lơn ta nklang ndŭl mpôl bunuyh. Gâp hŏ lah: May mra kuăl Gâp jêng “Mbơ̆ gâp.” Jêh ri mâu mra ndôn kơi chalơi Gâp.

Yêrêmi 3:4

Mâu di hĕ ntơm bơh kăl e may hŏ kuăl Gâp: ‘Ơ Mbơ̆ gâp, May jêng mĭt jiăng gâp ntơm bơh nôk ndăm,

Markôs 14:36

Păng ơh: “Aƀa, ơ Mbơ̆, lĕ rngôch nau Mbơ̆ dơi ƀư da dê. Dăn Mbơ̆ sŏk lơi kachok aơ bơh Gâp, ƀiălah mâu di tĭng nau Gâp ŭch ôh, ƀiălah tĭng nâm nau Mbơ̆ nơm ŭch.”

Luka 11:13

Kơt nây, tơlah khân may jêng bunuyh mhĭk hôm gĭt ăn lĕ ndơ ueh ma phung kon khân may nơm, rlau lơn ma Mbơ̆ gŭ klơ trôk mâu mra ăn Brah Huêng Ueh ma mbu nơm dăn ma Păng!”

Luka 11:2

Păng lah ma khân păng: “Tơlah khân may mbơh sơm, lah hom: ‘Ơ Mbơ̆! Dăn Amoh Mbơ̆ dơi yơk nau kloh ueh. Ƀon bri hađăch Mbơ̆ dơi tât.

Yôhan 14:16

Gâp mra dăn ma Mbơ̆, Păng mra ăn ma khân may du huê Nơm Bonh Leng êng gŭ ndrel ma khân may n'ho ro,

Yôhan 15:26

Ƀiălah dôl Nơm Bonh Leng văch, jêng Nơm Gâp mra njuăl văch ma khân may tă bơh Mbơ̆, jêng Brah Nau Ngăn luh tă bơh Mbơ̆, Păng yơh mra mbơh ma Gâp.

Yôhan 16:7

Nđâp lah pônây, Gâp lah ngăn ma khân may: Gâp du sĭt jêng khlay lơn ma khân may. Lah Gâp mâu du sĭt, Nơm Bonh Leng mâu mra văch ma khân may ôh. Ƀiălah lah Gâp sĭt, Gâp mra njuăl Păng ma khân may.

Yôhan 3:34

Yorlah Nơm Brah Ndu hŏ njuăl văch jêh mbơh knoch nau ngơi Brah Ndu, yorlah Brah Ndu ăn Brah Huêng Ueh ma Păng mâu geh dŭt.

Yôhan 7:39

Păng lah nau aơ nchŏng ma Brah Huêng Ueh, lĕ phung bunuyh chroh ma Păng mra sŏk dơn; yorlah Brah Huêng Ueh ê hŏ jŭr, yorlah Brah Yêsu ê hŏ geh nau tâm rnê.

Kôranh Oh Mon 16:7

Nôk dăch tât ma n'gor Misi, khân păng srôih lăp tâm n'gor Bithini, ƀiălah Brah Huêng Ueh Brah Yêsu mâu ăn nau dơi

Samƀŭt Pôl Njuăl Ăn Ma Phung Nsing Ta Ƀon Rôm 5:5

jêh ri nau kâp gân mâu ƀư ăn ma he bêk prêng ôh, yorlah nau Brah Ndu rŏng hoch jêh tâm nuih n'hâm he ma Brah Huêng Ueh jêng Nơm ăn jêh ma he.

Samƀŭt Pôl Njuăl Ăn Ma Phung Nsing Ta Ƀon Rôm 8:9

Ƀiălah tơlah Brah Huêng Ueh Brah Ndu gŭ ngăn tâm khân may, khân may mâu gŭ rêh tĭng nâm nglay săk ôh, ƀiălah gŭ rêh tĭng nâm Brah Huêng Ueh; ƀiălah mbu nơm mâu geh Brah Huêng Ueh Brah Krist, păng mâu jêng phung Brah Krist ôh.

I Kôrintô 15:45

Nâm bu geh nau nchih: “Bunuyh lor lơn jêng Y-Ađam, hŏ plơ̆ jêng bunuyh rêh,” ƀiălah Y-Ađam nglĕ dŭt jêng brah ăn ma nau rêh.

II Kôrintô 1:22

Păng yơh tâp pŏng Păng ta klơ he, jêh ri ăn Brah Huêng Ueh Păng gŭ tâm nuih n'hâm he gay ƀư ndơ ma nau mbơh.

II Kôrintô 3:17

Kôranh Brah jêng Brah Huêng Ueh, moh ntŭk geh Brah Huêng Ueh Kôranh Brah gŭ, ntŭk nây geh nau kon me.

Êphêsô 1:13

Tâm Păng, khân may jêng phung tăng jêh nau ngơi ngăn, jêng Nau Mhe Mhan Ueh ma nau tâm rklaih khân may. Tâm Păng đŏng, khân may chroh jêh, jêh ri tâp pŏng jêh ma Brah Huêng Ueh nâm bu nau ton.

Êphêsô 2:18

Yorlah tă bơh Păng lĕ bar mpôl he dơi văch ta Brah Ndu Mbơ̆ tâm nguay Brah Huêng Ueh.

Êphêsô 4:30

Khân may lơi ƀư rngot Brah Huêng Ueh Brah Ndu; yor tâm Păng, khân may geh nau tâp pŏng tât ma nar tâm chuai.

Êphêsô 6:18

Dŏng ƀaƀơ nau mbơh sơm, vơh vơl, jêh ri mbơh sơm tâm Brah Huêng Ueh. Gay dơi geh nau ntrâng aơ, srôih hom, rngeh njrăng, jêh ri mbơh sơm ma lĕ rngôch phung kloh ueh.

Philip 1:19

Yorlah gâp gĭt tă bơh nau khân may mbơh sơm jêh ri tă bơh Brah Huêng Ueh Brah Yêsu Krist kơl, nau nây mra djôt tay nau tâm rklaih ma gâp.

I Têsalônik 4:8

Yor ri, mbu nơm dun nau hên ngơi, mâu di dun kon bunuyh ôh, ƀiălah jêng dun Brah Ndu, Nơm ăn jêh Brah Huêng Ueh Păng ma khân may.

I Pêtrôs 1:11

Khân păng sek uănh gay gĭt năl moh rnôk jêh ri mâm nau Brah Huêng Ueh Brah Krist tâm khân păng lĕ ntĭm jêh, dôl Păng mbơh lor ma nau rêh ni Brah Krist jêh ri nau chrêk rmah tĭng groi pakơi.

Yuđas 1:20

Hơi phung gâp rŏng, ndâk njêng hom khân may nơm ma nau chroh dŭt kloh ueh khân may. Mbơh sơm hom tâm Brah Huêng Ueh.

Nau Tâm Mpơl 19:10

Gâp chon mon ta jâng tông mpăr gay yơk mbah, ƀiălah tông mpăr lah: “Lơi ƀư kơt nây, gâp jêng mĭt jiăng pah kan ndrel ma may jêh ri ma phung oh nâu may, jêng phung bunuyh djôt prăp nau Brah Yêsu mbơh. Yơk mbah hom ma Brah Ndu. Yorlah nau mbơh nkoch ma Brah Yêsu jêng nau du nđơr tâm nau mbơh lor.”