Galati 4:19 - Nau Brah Ndu Ngơi 2023

¹⁹ Hơi phung kon gâp, yor phung khân may gâp tuy dơn nau nđêh nji tâm ban ma nau ji deh kon kŏ tât nôk Brah Krist jêng tâm khân may!

Bunong Bible Latin Script Cambodian dialect

¹⁹ Ơ oh nô ta nau nsing i tâm ban ma kon sau gâp nơm, nau gâp leo khân ay may sât nsing ma Brah Krist nơh, tâm ban ma nau gŭ oh, aƀaơ dja gâp geh nau jêr ma khân ay may du tơ̆ jât, tâm ban ma nau gŭ oh ma khân ay may du tơ̆ jât, n'ho ma tât Brah Krist jêng kôranh ta nau rêh khân ay may ngăn.

Bunong

¹⁹ អើ​អ៝ស​នោ​តា​នាវ​ញឆីង​អី​តឹម​ឞាន​មា​ក៝ន​ឆៅ​គ៝ប់​នើម នាវ​គ៝ប់​លែវ​ខាន់​អៃ​មៃ​ឆឹត​ញឆីង​មា​ឞ្រាស​ក្រីស  ​នើស តឹម​ឞាន​មា​នាវ​គុ​អ៝ស អាបៃ​អ្យា​គ៝ប់​គែស​នាវ​ជេរ​មា​ខាន់​អៃ​មៃ​ទូ​តឹ​ជឹត តឹម​ឞាន​មា​នាវ​គុ​អ៝ស​មា​ខាន់​អៃ​មៃ​ទូ​តឹ​ជឹត នហ៝​មា​ត៝ត់​ឞ្រាស​ក្រីស  ​ជេង​កោរាញ​តា​នាវ​រេស​ខាន់​អៃ​មៃ​ងាន់។

Galati 4:19 ပူးပေါင်းရင်းမြစ်များ

Êsai 53:11

Tă bơh nau rêh ni huêng Păng, Păng mra saơ play kao jêh ri maak. Oh mon sŏng srăng Gâp mra sŏk nau gĭt rbăng păng nơm Ƀư ăn âk bunuyh dơi kơp sŏng srăng, Yorlah Păng tuy nau tih khân păng.

Luka 22:44

Tâm nau rngot rvê dŭt hâu, Păng mbơh sơm dŭt n'hâm ngăn, dak rhal Păng jêng tâm ban ma mham lĕ truh ta neh.

Samƀŭt Pôl Njuăl Ăn Ma Phung Nsing Ta Ƀon Rôm 13:14

Ƀiălah ăn khân may nsoh hom Kôranh Brah jêng Brah Yêsu Krist, lơi joi nau ƀư mpay ma lĕ nau kơnh ŭch nglay săk.

Samƀŭt Pôl Njuăl Ăn Ma Phung Nsing Ta Ƀon Rôm 8:29

Yorlah phung bunuyh Păng gĭt năl jêh bơh lor, Păng tâm nal jêh ma khân păng plơ̆ jêng tâm ban ma rup Kon Păng, gay ma Kon nây jêng Kon bôk rah ma âk oh nâu.

II Kôrintô 12:14

Aơ jêng tơ̆ rơh pe gâp rơm ndrăp hăn chop khâl ma khân may; gâp mâu mra ƀư jâk khân may ôh, yorlah gâp mâu joi drăp ndơ khân may ôh, ƀiălah joi khân may yơh. N'hêl nanê̆ ngăn, mâu di phung kon ôh bun prăp drăp ndơ ma mbơ̆ mê̆, ƀiălah mê̆ mbơ̆ bun prăp drăp ndơ ma phung kon.

Êphêsô 4:13

kŏ tât nôk lĕ rngôch phung he dơi geh nau tâm rnglăp tâm nau chroh jêh ri tâm nau gĭt năl Kon Brah Ndu, gay plơ̆ jêng bunuyh văch ma toyh, dơi ăn nŭm nau dăng ktang tâm ban ma Brah Krist nơm.

Êphêsô 4:24

jêh ri nsoh bunuyh mhe, jêng bunuyh dơi rhăk njêng jêh tĭng rup Brah Ndu tâm nau ngăn sŏng srăng jêh ri nau kloh ueh.

Philip 1:8

Yorlah Brah Ndu mbơh nkoch ma gâp pô aơ gâp rŏng ngăn ngên ma lĕ rngôch khân may ma nau rŏng tă bơh Brah Yêsu Krist.

Philip 2:17

Nđâp tơlah mham gâp nkhŭt ta klơ ndơ nhhơr. jêh ri kan nau chroh khân may, gâp maak lĕ jêh ri maak ndrel ma khân may lĕ rngôch

Philip 2:5

Ăn khân may geh du nau mĭn tâm ban ma Brah Yêsu Krist hŏ geh jêh,

Kôlôh 1:27

Yor Brah Ndu ŭch khân may mpơl nau rmeh ler jêh ri nau chrêk rmah nau khlay ndâp nây ta nklang phung bu năch, nây jêng Brah Krist gŭ tâm khân may, jêng nau kâp gân ma nau chrêk rmah.

Kôlôh 2:1

N'hêl nanê̆ ngăn, gâp ŭch khân may gĭt gâp hŏ yor ma khân may, yor phung ta ƀon Laođisê jêh ri yor lĕ phung ê hŏ saơ muh măt gâp tâm săk jăn hŏ tâm lơh jêr jŏk,

Kôlôh 3:10

jêh ri nsoh bunuyh mhe, jêng bunuyh dơi rgâl mhe tâm nau gĭt năl, tĭng nâm rup Nơm rhăk bunuyh nây.

Kôlôh 4:12

Y-Êpapras, bunuyh ƀon ndrel khân may, du huê oh mon ma Yêsu Krist jô̆ khâl ma khân may; păng tâm lơh tâm nau mbơh sơm yor khân may; gay khân may plơ̆ jêng nŭm rĭng jêh ri ƀư lôch lĕ nau mĭn ŭch Brah Ndu.

I Têsalônik 2:7

Ƀiălah ta nklang khân may, hên hŏ gŭ ngao rdơ̆ rbăn nâm bu bunuyh sâm mpu mât rong phung kon păng nơm.

I Timôthê 1:2

nchih njuăl ma Y-Timôthê, kon gâp ngăn tâm nau chroh: Dăn Brah Ndu, Mbơ̆ he, jêh ri Brah Yêsu Krist, Kôranh Brah he, ăn nau yô̆, nau yô̆ nđach jêh ri nau đăp mpăn ma may!

Titus 1:4

Samƀŭt njuăl ma Y-Tit, kon gâp ngăn ndrel tâm nau chroh: Mbơh sơm dăn Brah Ndu jêng Mbơ̆ jêh ri Brah Yêsu Krist, Nơm Tâm Rklaih he, ăn nau yô̆ jêh ri nau đăp mpăn ma may!

ផីលេមោន 1:10

vơh vơl ma may kơl Y-Ônêsim, kon gâp, nơm gâp deh jêh tâm rse rvăk.

ផីលេមោន 1:19

Gâp nơm, Y-Pôl, nchih nau aơ ma ti gâp nơm, gâp mra mplơ̆ sĭt ma may. Ƀiălah gâp mâu ŭch nkah ma nau may iang rnon gâp ma săk jăn may nơm.

ហេឞ្រើ 5:7

Dôl hôm gŭ rêh tâm nglay săk, Brah Yêsu nter ktang tâm nau mbơh sơm jêh ri vơh vơl bêng dak măt, ma Nơm geh nau dơi tâm rklaih Păng nơm bơh nau khĭt; jêh ri yor nau Păng blau klach yơk, Păng geh nau bu dơn.

Yakơ 1:18

Păng hŏ dŏng nau ngơi ngăn deh he tĭng nâm nau Păng mĭn gay ma he jêng du ntil play bôk yan tâm lĕ rngôch ndơ Păng njêng.

I Yôhan 2:1

Hơi phung kon jê̆ lê̆ gâp, gâp nchih lĕ nau aơ ma khân may gay ma khân may mâu ƀư tih. Ƀiălah tơlah bu ƀư tih, he geh du huê Nơm tâm kơl đah Kôranh Brah Mbơ̆ jêng Brah Yêsu Krist, Nơm Sŏng Srăng.

I Yôhan 2:12

Hơi phung kon jê̆, gâp nchih ma khân may yor nau tih khân may geh nau yô̆ an jêh yor amoh Păng.

I Yôhan 5:21

Hơi phung kon jê̆, njrăng hom bơh rup brah!

III Yôhan 1:4

Mâu geh ôh moh nau ƀư ma gâp răm maak rlau lơn jêng tăng phung kon gâp chuat tĭng nau ngăn.