Galati 4:14 - Nau Brah Ndu Ngơi 2023

¹⁴ nđâp tơlah nglay săk gâp jêng du nau rlong uănh ma khân may, khân may mâu đŏng mưch rmot mâu lah dun gâp ôh, ƀiălah khân may vơt rom gâp nâm bu du tông mpăr Brah Ndu, nâm bu vơt rom Brah Yêsu Krist nơm.

Bunong Bible Latin Script Cambodian dialect

¹⁴ Bol lah nau ji gâp i nây jan ăn khân ay may geh nau jêr jŏt kađôi, hôm khân ay may mâu mƀăr gâp, mâu uănh ƀơ̆ gâp đŏng, yơn ma khân ay may rom gâp tâm ban ma rom tông păr Kôranh Brah nơm, mâu lah tâm ban ma rom Brah Krist Yêsu ngăn.

Bunong

¹⁴ ឞ៝ល​លាស​នាវ​ជី​គ៝ប់​អី​នៃ​ជាន​អ៝ន់​ខាន់​អៃ​មៃ​គែស​នាវ​ជេរ​ជ៝ត់​កាដោយ ហោម​ខាន់​អៃ​មៃ​មោ​មអារ់​គ៝ប់ មោ​អ្វាញ់​បឹ​គ៝ប់​ដ៝ង់ យើន​មា​ខាន់​អៃ​មៃ​រ៝ម​គ៝ប់​តឹម​ឞាន​មា​រ៝ម​តោង​ពារ់​កោរាញ​ឞ្រាស​នើម មោ​លាស​តឹម​ឞាន​មា​រ៝ម​ឞ្រាស​ក្រីស​យេឆូ  ​ងាន់។

Galati 4:14 ပူးပေါင်းရင်းမြစ်များ

II Samuel 14:17

Pônây, oh mon bu ur hađăch hŏ mĭn: ‘Nau ngơi hađăch, jêng kôranh gâp, mra ăn gâp gŭ đăp mpăn; yorlah hađăch, jêng kôranh gâp, mâu lĕ lĭn du huê tông mpăr Brah Ndu, gĭt sek uănh nau ueh jêh ri nau mhĭk.’ Dăn ma Yêhôva Brah Ndu hađăch gŭ ndrel hađăch!”

II Samuel 19:27

Ƀiălah păng nchơt nau gâp ngơi ma hađăch jêng kôranh gâp. Ƀiălah, hađăch jêng kôranh gâp nâm bu tông mpăr Brah Ndu, ƀư hom moh nau may mĭn ueh.

Ndrom Samƀŭt bơh Yôp 12:5

Bunuyh lap tâm rmot ma bunuyh rêh ni. Nơm mbĭr jâng hôm ma nklơ̆ ăn prah.

Nau Mprơ Ơm 119:141

Gâp jêng jê̆, bu mưch rmot Ƀiălah gâp mâu chuêl ôh nau May ntăm.

Nơm Nti 9:16

Pônây, gâp ngơi pô aơ: “Nau blau mĭn ueh lơn suan ktang, ƀiălah nau blau mĭn bunuyh o ach bu mưch rmot, jêh ri nau ngơi nơm nây bu mâu geh iăt ôh.”

Sakari 12:8

Tâm nar nây, Brah Yêhôva mra ƀư Nơm king n'gang ma phung gŭ ta ƀon Yêrusalem. Nôk nây, phung ra ai ngăn tâm phung khân păng mra jêng nâm bu Y-Đavit; ngih Y-Đavit mra jêng nâm bu Brah Ndu, jêh ri mra jêng nâm bu tông mpăr Brah Yêhôva hăn lor panăp khân păng.

Malachi 2:7

Yorlah bâr mbung phung kôranh ƀư brah djôt prăp nau gĭt rbăng, bu mra joi nau ntrŭnh tă bơh trôm mbung păng, yorlah păng jêng nơm ntuh bâr Brah Yêhôva ma phung tahan.

Mathay 10:40

“Mbu nơm rom khân may jêng rom Gâp, mbu nơm rom Gâp jêng rom Nơm hŏ njuăl Gâp.

Mathay 18:5

Mbu nơm yor amoh Gâp rom du huê kon se jê̆ nâm bu pô aơ nâm bu ntĭt rom Gâp lĕ;

Mathay 25:40

Hađăch mra plơ̆ lah pô aơ: ‘Nanê̆, Gâp lah ma khân may, nôk khân may ƀư jêh nau aơ ma du huê jê̆ lơn tâm phung oh nâu Gâp, nâm bu ntĭt hŏ ƀư ma Gâp tâm ban lĕ.’

Luka 10:16

Mbu nơm iăt khân may, jêng iăt Gâp; mbu nơm dun khân may, jêng dun Gâp. Mbu dun Gâp, jêng dun Nơm hŏ njuăl Gâp.”

Yôhan 13:20

Nanê̆, Gâp lah ngăn ma khân may, mbu nơm rom bunuyh Gâp njuăl, jêng păng rom Gâp tâm ban lĕ; jêh ri mbu nơm rom Gâp, nâm bu ntĭt rom Nơm hŏ njuăl Gâp văch.”

I Kôrintô 1:28

Brah Ndu săch jêh lĕ nau dêh rhêt, nau bu gơm mưch tâm neh ntu, nđâp ma lĕ nau mâu geh, gay ƀư ma lĕ nau hŏ geh jêng dơm dam,

I Kôrintô 4:10

Hên jêng phung rluk yor ma Brah Krist, bi khân may geh nau blau mĭn tâm Brah Krist. Hên jêng rdja, bi khân may jêng ktang. Bu yơk ma khân may, bi hên bu mưch rmot.

II Kôrintô 5:20

Pôri, hên jêng nơm mbơh ma Brah Krist, Brah Ndu dŏng hên gay ntĭm nti. Hên vơl dăn ma khân may tâm amoh Brah Krist, ăn tâm nsĭr hom khân may đah Brah Ndu.

Galati 3:26

Yorlah tă bơh nau chroh tâm Brah Yêsu Krist, lĕ rngôch khân may jêng kon Brah Ndu.

Galati 3:28

Ta aơ mâu geh kơp rnglah êng phung Yuđa mâu lah phung Grek ôh, phung dĭk mâu lah phung kon me, phung bu klâu mâu lah phung bu ur ôh, yorlah lĕ rngôch khân may jêng nguay tâm Brah Yêsu Krist.

Galati 4:13

Khân may gĭt jêh tơ̆ lor lơn gâp tât mbơh nkoch Nau Mhe Mhan Ueh ma khân may đah du Nglay săk ji kuet;

Galati 4:15

Pônây mbah ntŭk nau ueh maak khân may geh? Yorlah gâp mbơh nkoch ma khân may pô aơ, tơlah dơi, khân may rvek găr măt khân may nơm ăn ma gâp.

I Têsalônik 2:13

Yor ri, hên lah ueh ma Brah Ndu mâu blau dŭt, yor nôk khân may tăng jêh ri sŏk dơn jêh nau ngơi Brah Ndu tă bơh hên, khân may mâu sŏk dơn nau ngơi nây tâm ban nau kon bunuyh ngơi, ƀiălah di ngăn jêng nau ngơi Brah Ndu, nau ngơi pah kan tâm khân may jêng phung chroh.

I Têsalônik 4:8

Yor ri, mbu nơm dun nau hên ngơi, mâu di dun kon bunuyh ôh, ƀiălah jêng dun Brah Ndu, Nơm ăn jêh Brah Huêng Ueh Păng ma khân may.

ហេឞ្រើ 13:2

Lơi chuêl mpơl nuih n'hâm gĭt rom bu năch, yorlah dôl ƀư nau nây, geh ƀaƀă rom jêh tông mpăr ƀiălah mâu gĭt năl khân păng ôh.