Galati 2:11 - Nau Brah Ndu Ngơi 2023

¹¹ Ƀiălah dôl Y-Sêphas tât ta ƀon Antiôs, gâp mpơl lĕ tâm rdâng đah păng yorlah păng khư nduyh.

Bunong Bible Latin Script Cambodian dialect

¹¹ Yơn ma nôk Pêtrôs hăn tât ta ƀon Ŏntiyôk bri Siri, gâp tâm rdâng đah păng ta nklang bu băl, yorlah păng lĕ jan tih.

Bunong

¹¹ យើន​មា​នោក​ពេត្រោស  ​ហាន់​ត៝ត់​តា​ប៝ន​អ៝ន់តីយោក  ​ឞ្រី​ឆីរី  គ៝ប់​តឹម​រាទ៝ង់​ដាស​ពាង់​តា​ងក្លាង​ឞូ​ឞាល់ យ៝រ​លាស​ពាង់​លែៈ​ជាន​តីស។

Galati 2:11 ပူးပေါင်းရင်းမြစ်များ

Yêrêmi 1:17

Ƀiălah du huê kon, vân hom rse bŭt jêh ri gơnh ro ngơi đah khân păng ăp ntil nau Gâp ntăm jêh ăn may. Lơi ta klach krit ôh khân păng klach lah Gâp nơm yơh ƀư ăn may klach krit tanăp măt khân păng.

Yônais 1:3

Ƀiălah Y-Yôna dâk hăn du pôn ma bri Tarsis gay der bơh panăp măt Brah Yêhôva. Păng hăn jŭr ta ƀon Jôpa mâp du mlâm kumpăn hăn ma bri Tarsis. Y-Yôna ăn prăk ncho jêh ri jŭr kumpăn hăn Tarsis ndrel khân păng gay der bơh panăp Brah Yêhôva.

Yônais 4:9

Ƀiălah Brah Ndu lah ma Y-Yôna: “Tơlah may nuih yor tơm rpŭng aơ, di lĕ?” Păng lah: “May ji nuih kŏ tât khĭt ăt di đŏng.”

Nau Kơp Bunuyh 20:12

Ƀiălah Brah Yêhôva lah ma Y-Môis jêh ri Y-Arôn: “Yorlah khân may mâu rnơm ma Gâp gay yơk ma nau kloh ueh Gâp tanăp măt phung ƀon lan Israel, yor nây khân may mâu mra njŭn phung tâm rƀŭn aơ lăp tâm n'gor Gâp ăn jêh ma khân păng.”

Mathay 16:23

Ƀiălah Brah Yêsu rle măt uănh ta Y-Pêtrôs jêh ri lah: “Hơi Satan, rŭch plơ̆ hom pakơi Gâp! May ŭch ƀư tŭp Gâp; yorlah may mâu mĭn ma kan Brah Ndu, ƀiălah knŏng mĭn ma kan kon bunuyh.”

Yôhan 1:42

Păng njŭn leo Y-Simôn văch ta Brah Yêsu. Brah Yêsu uănh Y-Simôn jêh ri lah: “May jêng Y-Simôn, kon Y-Yôhan, bu mra amoh may Y-Sêphas,” nâm bu ntĭt Y-Pêtrôs.

Kôranh Oh Mon 11:19

Nôk nây, phung bunuyh hŏ chah rai jêh yor nau ƀư mhĭk ntơm bơh nau Y-Êtiên hăn tât ta n'gor Phênisi, ta kôdak Syprơ jêh ri ta ƀon Antiôs, ƀiălah khân păng knŏng mbơh nkoch nau ngơi Nau Brah Ndu Ngơi ma phung Yuđa dơm.

Kôranh Oh Mon 11:20

Ƀiălah, bar pe nuyh tâm phung khân păng tă bơh kôdak Syprơ jêh ri bơh ƀon Siren tât ta ƀon Antiôs, nti lah đŏng Nau Mhe Mhan Ueh ma phung Grek, nkoch mbơh Kôranh Brah jêng Brah Yêsu ma khân păng.

Kôranh Oh Mon 11:22

Tăng lư nau nây, Phung Ngih Brah Ndu tâm ƀon Yêrusalem njuăl hăn Y-Ƀarnaƀas tât ta ƀon Antiôs.

Kôranh Oh Mon 11:27

Tâm lĕ nar nây, geh ƀaƀă nơm mbơh lor tă bơh ƀon Yêrusalem jŭr ta ƀon Antiôs.

Kôranh Oh Mon 15:1

Geh ƀaƀă bunuyh văch tă bơh n'gor Yuđa nti ma phung oh nâu pô aơ: “Tơlah khân may mâu koh ntâu tĭng nâm nau vay Y-Môis, khân may mâu dơi geh nau tâm rklaih ôh.”

Kôranh Oh Mon 15:5

Ƀiălah geh ƀaƀă tâm phung chroh tâm mpôl Pharisi dâk jêh ri lah: “Ăn koh ntâu ma phung bu năch, jêh ri ntăm ma khân păng djôt prăp nau vay Y-Môis.”

II Kôrintô 11:5

Gâp mĭn, gâp mâu jêng jê̆ lơn ma phung kôranh oh mon dŭt toyh nây ôh.

II Kôrintô 12:11

Gâp jêng bunuyh brŭt moih! Khân may nchâp gâp kơt nĕ. Di lah ăn khân may tâm rnê ma gâp; yorlah gâp jêng dơm dam, gâp mâu đŏng jê̆ lơn ma phung kôranh oh mon dŭt toyh ri.

II Kôrintô 5:16

Yor nây, ntơm aƀaơ hên mâu hôm sek uănh du huê bunuyh tĭng nâm nglay săk ôh, nđâp tơlah hên hŏ tă sek uănh jêh Brah Krist tĭng nâm nglay săk, ƀiălah aƀaơ aơ he mâu hôm sek uănh Păng tĭng nâm nau nây ôh.

Galati 1:18

Pe năm pakơi, gâp hăn ta ƀon Yêrusalem gay ƀư bên đah Y-Sêphas jêh ri gŭ ndrel ma păng jât ma prăm nar;

Galati 2:14

Dôl saơ khân păng mâu hăn sŏng tĭng nau ngăn bơh Nau Mhe Mhan Ueh, gâp lah ma Y-Sêphas tanăp lĕ rngôch bunuyh pô aơ: “Tơlah may jêng bunuyh Yuđa, ƀiălah gŭ rêh tĭng nau phung bu năch, mâu kơt nâm bu phung Yuđa ôh, mâm ƀư may nchâp phung bu năch gŭ rêh tĭng nâm nau phung Yuđa?”

Galati 2:5

Hên mâu ăn nuih n'hâm ma khân păng du ƀât lât, gay ma nau ngăn bơh Nau Mhe Mhan Ueh gŭ nâp ngăn ngên tâm khân may.

Galati 2:7

Pô ri, tơlah khân păng saơ nau mbơh nkoch Nau Mhe Mhan Ueh ma phung mâu koh ntâu jao jêh ma gâp, nâm bu nau mbơh nkoch jêh Nau Mhe Mhan Ueh ma phung koh ntâu jao jêh ma Y-Pêtrôs —

Galati 2:9

jêh ri tơlah gĭt năl jêh nau yô̆ ăn jêh ma gâp, Y-Yakơ, Y-Sêphas jêh ri Y-Yôhan, phung bu yơk jêng meh n'gâng, khân păng jao ti pa ma tâm nkol ma Y-Ƀarnaƀas jêh ri ma gâp gay hên hăn tât ta phung bu năch, bi khân păng hăn tât ta phung koh ntâu.

I Timôthê 5:20

Mpơl hom nau nduyh ma phung bunuyh vay ƀư tih, gay ma phung êng klach đŏng.

Yakơ 3:2

Lĕ rngôch he tih da dê tâm âk ntil nau. Mbu nơm mâu tih ôh tâm nau ngơi, păng jêng bunuyh rĭng jêh, mra dơi chiă uănh lĕ săk jăn păng nơm.

Yuđas 1:3

Hơi phung gâp rŏng ơi, gâp ŭch ngăn nchih ma khân may ma nau tâm rklaih he geh ndrel; gâp mĭn ŭch nchih gay n'hao nuih n'hâm khân may tâm lơh yor nau chroh, jêng nau chroh ntăm jêh ma phung kloh ueh du tơ̆ rĭng jêh.