Galati 1:7 - Nau Brah Ndu Ngơi 2023

⁷ Mâu geh nau mhe mhan ueh êng ôh, ƀiălah geh knŏng ƀaƀă bunuyh ƀư rsuak khân may jêh ri ŭch nsak nkhăng Nau Mhe Mhan Ueh Brah Krist.

Bunong Bible Latin Script Cambodian dialect

⁷ Yơn ma mâu hôm ôh geh nau mhe mhan ueh a êng jât, geh bunuyh aƀă dơm jan ăn khân ay may geh nau vĭ, ŭch jan ndjơh lơi nau mhe mhan ueh Brah Krist.

Bunong

⁷ យើន​មា​មោ​ហោម​អោស​គែស​នាវ​មហែ​មហាន​អ្វែស​អា​អេង​ជឹត គែស​ឞូនុយ្ស​អាបាៈ​ទើម​ជាន​អ៝ន់​ខាន់​អៃ​មៃ​គែស​នាវ​វិ អុច​ជាន​ញអើស​លើយ​នាវ​មហែ​មហាន​អ្វែស​ឞ្រាស​ក្រីស  ។

Galati 1:7 ပူးပေါင်းရင်းမြစ်များ

Yêrêmi 23:26

Ndah jŏ lĕ phung mbơh lor mƀruh aơ hôm thoi đŏng sŏk đŏng nuih n'hâm mƀruh nchơt mbơh lor nklă mƀruh? Kŏ tât ndah jŏ khân păng ăt lah luh lĕ nau ngơi ndơm tă bơh nuih n'hâm khân păng?

Yêrêmi 23:36

Nôk nây, khân may mâu dơi ngơi tât, ‘nau ngơi bơh Brah Yêhôva ƀư jâk’ đŏng ôh; yorlah bu nơm ngơi jêng jâk ăn bunuyh nây, yorlah khân may hŏ nsak nkhăng nau Brah Ndu gŭ rêh mro mrăng, jêng Brah Yêhôva ma phung tahan, Brah Ndu he.

Mathay 24:24

Yorlah lĕ bunuyh nklă amoh Brah Krist jêh ri phung nơm mbơh lor nklă mra mpơl jêh ri ƀư lĕ nau mbên khlay, nau khlay ngăn toyh gay ndơm, jêh ri tơlah geh dơi ƀư, khân păng ndơm nđâp ma phung hŏ săch jêh.

Kôranh Oh Mon 13:10

“May jêng kon brah mhĭk, nơm rlăng ma lĕ nau sŏng, bêng ma ndơm jêh ri janh ƀai! May ƀư kue trong sŏng Kôranh Brah mro ƀơh?

Kôranh Oh Mon 15:24

Yor hên tăng jêh geh bar pe nuyh tâm hên, nđâp lah mâu dơn nau ntĭnh tă bơh phung hên, hŏ lah lĕ nau ƀư vĭ jêh ri ƀư rsuak nau mĭn khân may.

Kôranh Oh Mon 20:30

Tă bơh nklang phung oh nâu khân may mra dâk đŏng bunuyh nti lah âk nau tih mhĭk, gay ma ndơm phung oh mon tĭng ndô̆ khân păng.

II Kôrintô 11:13

Yorlah phung kơt nây jêng kôranh oh mon nklă, phung pah kan ndơm jan lah ƀư jêng tâm ban ma kôranh oh mon Brah Krist.

II Kôrintô 2:17

Yorlah, hên mâu tăch rgâl ma nau ngơi Brah Ndu nâm bu âk bunuyh êng. Ƀiălah jêng bunuyh Brah Ndu njuăl hăn, hên mbơh nkoch ma nuih n'hâm răp jăp tâm Brah Krist, tanăp Brah Ndu.

II Kôrintô 4:2

Hên dun jêh lĕ nau kan ndâp pôn jêh ri khư geh nau bêk prêng; hên mâu sŏk nau ndơm mâu lah nau nchơt nklă nau Brah Ndu ngơi ôh. Ƀiălah, hên rblang rah vah ma nau ngăn, hên ăn ma nuih n'hâm sŏng lĕ rngôch bunuyh tâm nal ma hên tanăp Brah Ndu.

Galati 1:6

Gâp hih rhâl ngăn dôl saơ khân may gơnh chalơi Nơm hŏ kuăl khân may tâm nau yô̆ bơh Brah Krist gay tĭng nau mhe mhan ueh êng.

Galati 2:4

Hên hŏ ƀư tâm ban lĕ yorlah geh ƀaƀă phung nklă jêng oh nâu, khân păng mŭt ntŭng tâm nklang hên, kâp uănh nau kon me hên geh jêh tâm Brah Yêsu Krist gay nhŭp hên ƀư dĭk.

Galati 4:17

Phung nây geh nau duh nđơr ma khân may mâu di yor ma geh nuih n'hâm ueh ôh, ƀiălah khân păng ŭch tâm nkhah tâm pă khân may đah hên gay khân may duh nđơr đah khân păng.

Galati 5:10

Tâm Kôranh Brah, gâp mĭn n'hêl nanê̆ khân may mâu mra mĭn rvê êng đah gâp; ƀiălah nơm ƀư rsuak khân may, moh ndơ păng jêng kđôi lĕ, mra dơn nau tâm rmal.

Galati 5:12

Ŭch ngăn ma phung ƀư rŭng ma khân may, koh char êng săk khân păng nơm jêng lơn!

Galati 6:17

Ŭch ngăn ntơm bơh aƀaơ tât kăndơ̆, mâu geh mbu nơm ƀư rsuak gâp đŏng, yorlah gâp djôt lĕ têl Brah Yêsu ta klơ săk jăn gâp.

II Timôthê 2:18

khân păng hăn teng bơh nau ngăn, lah khân păng ngơi nau dâk rêh tay lĕ rlau jêh. Khân păng ƀư rgâl ma nau chroh bunuyh ƀaƀă.

I Yôhan 2:26

Gâp nchih lĕ nau aơ ma khân may tât ma lĕ phung mƀruh ndơm khân may.

I Yôhan 4:1

Hơi phung gâp rŏng, lơi chroh ôh ma lĕ rngôch brah huêng, ƀiălah lŏng nâl uănh phung brah huêng nây, geh tât tă bơh Brah Ndu mâu lah mâu, yorlah geh âk nơm mbơh lor nklă mpơl jêh tâm neh ntu.

II Yôhan 1:10

Tơlah mbu nơm hăn ta khân may, ƀiălah mâu djôt leo nau nti aơ, lơi vơt rom bunuyh nây lăp tâm ngih khân may ôh jêh ri lơi tâm mbah ôp đah păng.

II Yôhan 1:7

Yor âk phung ndơm mƀruh văch jêh tâm neh ntu, jêng phung mâu dơn nanê̆ Brah Yêsu Krist văch jêh tâm nglay săk. Nây jêng nơm ndơm mƀruh jêh ri nơm tâm rdâng đah Brah Krist.

Yuđas 1:4

Yorlah geh ƀaƀă phung bunuyh mŭt ntŭng tâm nklang khân may, jêng phung kăl e hŏ tâm nal ma nau phat dôih, jêng phung mâu klach yơk, phung rgâl nau yô̆ Brah Ndu he jêng nau dơi ƀư tih, dun ma Nơm Chiă Uănh knŏng nguay jêh ri Kôranh Brah he jêng Brah Yêsu Krist.

Nau Tâm Mpơl 12:9

Bu klŭp mƀăr bêh nhŭk nhăk toyh jŭr ta neh, jêng bêh ơm, bu rnha jêng brah mhĭk mâu lah Satan, nơm ndơm mƀruh lĕ kon bunuyh. Bu klŭp păng jŭr ta neh ntu; phung mbơh păng bu klŭp mƀăr jŭr ndrel ma păng.

Nau Tâm Mpơl 13:14

Păng ndơm mƀruh phung gŭ ta neh ntu ma nau mbên khlay, bu ăn păng dơi vay ƀư tanăp mpô mpa dŭt janh; jêh ri đă ma khân păng ƀư rup trah mpô mpa geh ntŭk sôt rmanh ƀơh đao gưm ƀiălah ăt hôm rêh.

Nau Tâm Mpơl 19:20

Ƀiălah bu nhŭp jêh mpô mpa dŭt janh nây jêh ri nơm mbơh lor nklă — nơm ƀư jêh lĕ nau mbên khlay tanăp mpô mpa, gay ndơm mƀruh ma phung bunuyh dơn jêh nau mbên tă bơh mpô mpa jêh ri phung bunuyh yơk mbah ma rup păng — bu nhŭp đŏng. Lĕ bar hê khân păng bu mƀăr rêh jŭr tâm nglao ŭnh mô ŭnh dôl hit.

Nau Tâm Mpơl 2:2

‘Gâp gĭt năl lĕ kan may ƀư jêh, nau jâk jêr may, nau may srôih. Gâp gĭt may mâu dơi dơn phung mhĭk, jêh ri rlong uănh jêh phung kơp êng săk khân păng nơm jêng kôranh oh mon, ƀiălah mâu di jêng kôranh oh mon, jêh ri may gĭt năl jêh khân păng jêng phung ngơi mƀruh.

Nau Tâm Mpơl 2:20

Ƀiălah geh nau Gâp nduyh may, nây jêng may ăn ma H'Jêsêbel, bu ur kơp êng săk păng nơm jêng nơm mbơh lor, ntĭm nti jêh ri ndơm phung oh mon Gâp, gay ma khân păng ƀư tih nau văng tĭr jêh ri sa ndơ ƀư brah ma rup brah.

Nau Tâm Mpơl 2:6

Ƀiălah, may geh nau aơ: Nây jêng nau may tâm rmot ma lĕ kan mpôl Nikôlas, Gâp tâm rmot lĕ.’

Nau Tâm Mpơl 20:3

Tông mpăr klŭp păng jŭr tâm brŏng jru, nchăng mpông brŏng jru jêh ri ndâl tâp pŏng ta klơ mpông, gay ma păng mâu hôm ndơm mƀruh lĕ bri dak, kŏ tât lôch du rbăn năm nây. Pakơi nây, bu mra doh mƀơk Satan luh ƀât lât.