Galati 1:15 - Nau Brah Ndu Ngơi 2023

¹⁵ Ƀiălah tơlah Brah Ndu, Nơm prăp êng gâp bơh tâm ndŭl mê̆ jêh ri kuăl gâp ma nau yô̆,

Bunong Bible Latin Script Cambodian dialect

¹⁵ Yơn ma Kôranh Brah lĕ ơm kơih jêh gâp bơh trôm ndŭl me, jêh ri kuăl gâp tă bơh nau ueh Păng nơm. Tă bơh nau ueh i nây

Bunong

¹⁵ យើន​មា​កោរាញ​ឞ្រាស​លែៈ​អើម​កើយ្ស​ជេស​គ៝ប់​ឞើស​ត្រោម​នទុល​មែ ជេសរី​ក្វាល់​គ៝ប់​តាៈ​ឞើស​នាវ​អ្វែស​ពាង់​នើម។ តាៈ​ឞើស​នាវ​អ្វែស​អី​នៃ

Galati 1:15 ပူးပေါင်းရင်းမြစ်များ

Êsai 49:1

Ơ lĕ gôl dak mƀŭt, iăt hom gâp! Ơ phung ƀon lan gŭ ngai, rkêng hom tôr: Brah Yêhôva kuăl jêh gâp bơh ndŭl me, Păng nkah amoh gâp dôl gâp hôm tâm ndŭl me.

Êsai 49:5

Aƀaơ aơ, Brah Yêhôva, Nơm hŏ njêng jêh gâp jêng oh mon păng, bơh tâm ndŭl me, Gay ma gâp njŭn phung Yakôb plơ̆ sĭt ma Păng Jêh ri tâm rƀŭn phung Israel ma Păng; Yorlah gâp geh nau yơk tâm dâng măt Brah Yêhôva, Jêh ri Brah Ndu gâp jêng nau ktang gâp;

Yêrêmi 1:5

“Êlor rhăk njêng may tâm trôm ndŭl mê̆, Gâp hŏ gĭt jêh may, Êlor may deh, Gâp hŏ prăp êng may; Gâp hŏ ndâk may ƀư nơm mbơh lor ma lĕ bri dak.”

Mathay 11:26

Nanê̆, ơ Mbơ̆, yorlah nau aơ ƀư ueh nau mĭn Mbơ̆ ŭch.

Luka 10:21

Tâm mông nây, Brah Yêsu răm maak tâm Brah Huêng Ueh jêh ri lah: “Ơ Mbơ̆ jêng Kôranh Brah trôk jêh ri neh ntu! Gâp tâm rnê ma Mbơ̆ yorlah Mbơ̆ pôn jêh lĕ nau nây ma bunuyh blau mĭn jêh ri gĭt rbăng, ƀiălah tâm mpơl jêh ma phung kon se jê̆! N'hêl nanê̆ ngăn, ơ Mbơ̆, yorlah nau nây ƀư ueh nau mĭn Mbơ̆ ŭch.

Kôranh Oh Mon 13:2

Dôl khân păng yơk mbah ma Kôranh Brah jêh ri ât sông sa, Brah Huêng Ueh lah: “Prăp êng hom Y-Ƀarnaƀas jêh ri Y-Sôl ma kan Gâp hŏ kuăl khân păng.”

Kôranh Oh Mon 9:15

Ƀiălah Kôranh Brah lah: “Hăn hom, yorlah Gâp săch jêh nơm aơ jêng ndơ Gâp dŏng gay djôt leo amoh Gâp tât ma phung bu năch, phung hađăch, jêh ri phung kon Israel;

Samƀŭt Pôl Njuăl Ăn Ma Phung Nsing Ta Ƀon Rôm 1:1

Y-Pôl, oh mon Brah Yêsu Krist, Brah Ndu kuăl jêh ăn jêng kôranh oh mon jêh ri prăp êng ma Nau Mhe Mhan Ueh Brah Ndu,

Samƀŭt Pôl Njuăl Ăn Ma Phung Nsing Ta Ƀon Rôm 1:5

Yor ma Păng, hên hŏ dơn jêh nau yô̆ jêh ri nau pah kan kôranh oh mon, gay ma yor amoh Păng njŭn leo lĕ rngôch phung mpôl băl tông ma nau chroh.

Samƀŭt Pôl Njuăl Ăn Ma Phung Nsing Ta Ƀon Rôm 8:28

He gĭt lĕ rngôch nau rgum ƀư khlay ma phung rŏng ma Brah Ndu, nâm bu ntĭt ma phung bunuyh dơi kuăl tĭng nâm nau mĭn Păng ŭch.

Samƀŭt Pôl Njuăl Ăn Ma Phung Nsing Ta Ƀon Rôm 8:30

Bi phung Păng tâm nal jêh, Păng lĕ kuăl jêh, phung Păng kuăl jêh Păng hŏ kơp sŏng srăng jêh, jêh ri phung Păng hŏ kơp sŏng srăng jêh, Păng hŏ ăn nau chrêk rmah ma khân păng đŏng.

Samƀŭt Pôl Njuăl Ăn Ma Phung Nsing Ta Ƀon Rôm 9:24

tâm nây geh he, jêng phung Păng kuăl jêh, mâu di knŏng bơh phung Yuđa dơm ôh, ƀiălah nđâp ma phung bu năch, mhâm hơh?

I Kôrintô 1:1

Y-Pôl, tă bơh nau Brah Ndu ơm mĭn, kuăl păng jêng kôranh oh mon Brah Yêsu Krist, ndrel ma Y-Sôsthen, oh nâu he,

I Kôrintô 1:21

Yor Brah Ndu, tă bơh nau blau mĭn Păng, hŏ ƀư ma neh ntu mâu dơi dŏng nau blau mĭn êng păng nơm gay gĭt vât Păng, yor ri Brah Ndu maak dŏng nau mbơh nkoch bu uănh ma he jêng brŭt ndrăng, gay tâm rklaih phung chroh.

I Kôrintô 1:24

Ƀiălah ma phung bunuyh dơi kuăl jêh, lĕ phung Yuđa nđâp phung Grek, Brah Krist jêng nau brah jêh ri nau blau mĭn Brah Ndu.

I Kôrintô 1:9

Brah Ndu jêng Nơm răp jăp; Nơm hŏ kuăl jêh khân may ma nau tâm rnglăp ndrel đah Kon Păng jêng Brah Yêsu Krist, Kôranh Brah he.

I Kôrintô 15:10

Ƀiălah yor ma nau yô̆ Brah Ndu gâp dơi jêng nâm bu nar aơ, jêh ri nau yô̆ Păng ăn ma gâp mâu di jêng dơm dam ôh. Ƀiălah, gâp pah kan âk lơn ma lĕ rngôch bunuyh êng; nau nây mâu di gâp, ƀiălah jêng nau yô̆ Brah Ndu gŭ ndrel ma gâp.

Galati 1:1

Y-Pôl, jêng kôranh oh mon mâu di bơh phung bunuyh mâu lah bơh du huê bunuyh, ƀiălah bơh Brah Yêsu Krist jêh ri Brah Ndu jêng Mbơ̆, Nơm ƀư ăn Păng dâk rêh tay tă bơh nau khĭt,

Galati 1:6

Gâp hih rhâl ngăn dôl saơ khân may gơnh chalơi Nơm hŏ kuăl khân may tâm nau yô̆ bơh Brah Krist gay tĭng nau mhe mhan ueh êng.

Êphêsô 1:5

Tâm nau rŏng, Păng tâm nal jêh ma he jêng kon mât rong Păng tă bơh Brah Yêsu Krist, tĭng nau ŭch ueh tâm nau mĭn Păng,

Êphêsô 1:9

Păng ƀư ăn he gĭt nau khlay ndâp tâm nau Păng ŭch, tĭng nâm nau ŭch ueh Păng hŏ nal jêh tâm Brah Krist,

Êphêsô 3:11

tĭng nau ŭch n'ho ro Păng hŏ ƀư lôch jêh tâm Brah Yêsu Krist, Kôranh Brah he.

II Timôthê 1:9

Brah Ndu tâm rklaih jêh he, kuăl jêh he ma nau kuăl kloh ueh, mâu di ôh yor nau he kan, ƀiălah tĭng nâm nau ŭch êng Păng jêh ri nau yô̆ Păng ăn jêh ma he ntơm bơh lor lĕ rngôch rnôk tâm Brah Yêsu Krist.

I Pêtrôs 5:10

Jêh ri lah jêh khân may dơn nau rêh ni ƀât lât, Brah Ndu ma lĕ nau yô̆, Nơm kuăl jêh khân may tât nau chrêk rmah n'ho ro tă bơh Păng tâm Yêsu Krist, Păng nơm mra njêng tay, ƀư ktang, ndâk njêng jêh ri ăn nau dăng ktang ma khân may.

I Samuel 12:22

Brah Yêhôva mâu mra chalơi ôh phung ƀon lan Păng, yor amoh toyh Păng, jêh ri yorlah Brah Yêhôva hŏ maak nuih n'hâm ăn ma khân may njêng du phung ƀon lan ma Păng nơm.