Êsther 9:5 - Nau Brah Ndu Ngơi 2023

⁵ Phung Yuđa sŏk đao lơh nkhĭt phung rlăng khân păng, nkhĭt lơi jêh ri ƀư rai lơi khân păng. Khân păng ƀư ma phung rmot khân păng tĭng nau mĭn khân păng ŭch.

Êsther 9:5 ပူးပေါင်းရင်းမြစ်များ

Nêhêmi 9:24

Pôri phung kon sau khân păng lăp sŏk chăm bri. May ƀư ăn phung tâm n'gor nây jêng phung Kanaan lăp gŭ tâm dâng khân păng, Jao phung nây jêh ri phung hađăch khân păng Nđâp ma lĕ ntil mpôl bunuyh êng tâm n'gor nây tâm ti khân păng, Gay ma khân păng dơi ƀư ma lĕ ntil mpôl bunuyh nây tĭng nâm nau mĭn khân păng ŭch.

Êsther 3:13

Khân păng njuăl samƀŭt ma phung njŭn ma lĕ rngôch n'gor bri hađăch, ntăm gay ŭch ƀư rai, nkhĭt lơi, jêh ri ƀư roh lĕ rngôch phung Yuđa mâu gĭt bu ranh, mom ndăm, bu ur nđâp kon se, tâm du nar nây, jêng nar jât ma pe, khay jât ma bar jêng khay Adar jêh ri pit in lĕ ndô ndơ khân păng.

Êsther 8:11

Tâm samƀŭt nây, hađăch ăn nau dơi ma phung Yuđa gŭ tâm ăp n'gor, ăp ƀon hađăch Y-Asuêrus tâm rƀŭn gay king n'gang nau rêh khân păng nơm, ƀư rai, nkhĭt lơi, rai yot lĕ phung djôt ndơ tâm lơh rduh lơh khân păng, mâu kơp moh phung ƀon lan, moh n'gor, bu ur mâu lah phung kon se jê̆ jêh ri sŏk pit drăp ndơ khân păng.

Êsther 9:6

Ta ƀon Susa, phung Yuđa lơh nkhĭt prăm rhiăng nuyh.

Nau Mprơ Ơm 92:12

Phung sŏng srăng mra hon nâm bu tơm tră, Jêh ri văch ma toyh nâm bu tơm si sêdar ta n'gor Liban.

Yêrêmi 18:21

Yor nây, dăn May jao kon sau khân păng ăn ma nau sât ji ngot, Jêh ri jao khân păng ma pêh đao. Phung bu ur mra roh kon jêh ri jêng ndrô, Phung bu klâu khĭt yor ji tưp, Phung mom ndăm cha lôt khĭt ma pêh đao ta nklang ntŭk tâm lơh.

II Têsalônik 1:6

Tĭng nau sŏng Brah Ndu, nanê̆ Păng mra sŏk nau rêh ni har plơng ma phung ƀư rêh ni ma khân may;