Êsther 9:4 - Nau Brah Ndu Ngơi 2023

⁴ Y-Môrdêkai geh nau dơi toyh tâm ngih hađăch, nau lư n'găr păng hăn lam lĕ rngôch n'gor; nau dơi Y-Môrdêkai lơ nar lơ hao toyh.

Êsther 9:4 ပူးပေါင်းရင်းမြစ်များ

II Samuel 3:1

Ngih Y-Đavit jêh ri ngih Y-Sôl tâm lơh mro jŏ năng nar; Y-Đavit lơ nar lơ ktang, bi ngih Y-Sôl lơ nar lơ huơi.

I Nau Rêh Jêng 11:9

Nau ktang Y-Đavit văch ma hao toyh lơn mro mrăng, yorlah Brah Yêhôva ma phung tahan gŭ ndrel ma păng.

I Nau Rêh Jêng 14:17

Nau lư n'găr Y-Đavit lam ăp ntŭk, jêh ri Brah Yêhôva ƀư ăn lĕ rngôch phung ntil mpôl bunuyh klach krit ma Y-Đavit.

Êsther 10:2

Lĕ rngôch kan nau dơi, nau ktang hađăch jêh ri nau hađăch n'hao jêh ma Y-Môrdêkai, mâu di hĕ lĕ rngôch nau n'hao nây bu nchih da dê tâm ndrom samƀŭt nau rêh jêng hađăch ma phung hađăch bri Mêdơ jêh ri Persi?

Nau Mprơ Ơm 1:3

Bunuyh nây mra jêng nâm bu tơm si tăm dăch n'hor dak, Luh kao play di yan di khay, N'ha păng mâu blau nhop kro ôh. Lĕ nau păng ƀư dơi jêng da dê.

Nau Mprơ Ơm 18:43

Kôranh Brah tâm rklaih jêh gâp bơh nau phung ƀon lan tâm rdâng; Ndâk gâp ƀư bôk lĕ bri dak; Du phung ƀon lan mâu gĭt năl mra pah kan ma gâp.

Nau Mprơ Ơm 92:13

Phung bu dơi tăm tâm ngih Brah Yêhôva Mra luh kao tâm nkual nhuang Brah Ndu hên.

Nau Ngluh Êjipt 11:3

Brah Yêhôva ăn phung ƀon lan geh nau yô̆ tanăp măt phung Êjipt. Khlay ngăn, tanăp măt phung oh mon Pharaôn tâm ban đŏng tanăp măt phung Êjipt, Y-Môis jêng nơm geh nau lư n'găr tâm n'gor Êjipt.

Nau Hôr 4:18

Ƀiălah trong phung sŏng srăng ang nâm bu nar nchrat ang, Nau ang lơ hâu kŏ tât nar nklang bôk.

Êsai 9:7

Kôranh Brah hŏ njuăl du nau ngơi tâm rdâng đah phung Yakôb, Jêh ri nau ngơi nây tŭp ta ngih phung Israel.

Sôphôni 3:19

Aơ, tâm nôk nây, Gâp mra tâm rdâng đah lĕ rngôch phung tŭn jot may; Gâp mra tâm rklaih ƀư bah phung kuet rvĕn, Kuăl rgum phung tă bu mprơh du, Gâp mra ƀư ma khân păng geh nau tâm rnê jêh ri nau lư n'găr Tâm ăp ntŭk bu hŏ ƀư bêk prêng jêh khân păng.

Mathay 4:24

Lư n'găr ma Păng lam n'gor Siri. Bu njŭn leo ma Păng lĕ phung bunuyh ji kuet, geh nau ji kuet êng êng, bunuyh brah mhĭk lơh, phung brŭt rluk, phung rvĕn, jêh ri Păng ƀư bah lĕ rngôch.

Yôsuê 6:27

Pônây Brah Yêhôva gŭ ndrel ma Y-Yôsuê, jêh ri păng geh nau lư n'găr lam bri.

I Samuel 2:30

Yor ri, Yêhôva Brah Ndu Israel lah: ‘Gâp hŏ tă lah jêh pô aơ ngih may jêh ri ngih mbơ̆ may mra n'ho ro pah kan tanăp măt Gâp.’ Ƀiălah aƀaơ Brah Yêhôva lah, nau nây mâu hôm geh tâm ban pônây ôh! Yorlah mbu nơm yơk ma Gâp, Gâp mra yơk ma păng, bi mbu tâm rmot ma Gâp, Gâp mra tâm rmot ma păng.