Êsther 9:27 - Nau Brah Ndu Ngơi 2023

²⁷ pôri phung Yuđa njêng ma khân păng nơm, ma phung kon sau khân păng jêh ri ma lĕ rngôch phung tâm rnglăp ndrel ma khân păng jêng du nau vay: Ăp năm djôt prăp bar nar di tĭng nâm samƀŭt, tâm mông hŏ nal jêh ăp năm, mâu dơi chalơi ôh.

Êsther 9:27 ပူးပေါင်းရင်းမြစ်များ

Êsther 8:17

Tâm ăp n'gor, tâm ăp rplay ƀon, ta ntŭk geh jêh nau ntăm jêh ri samƀŭt nau ntrŭnh bơh hađăch lĕ tât, pôri phung Yuđa răm maak jêh ri hâk răm ngăn, du nau nhêt sông toyh jêh ri sông sa tâm nau răm maak. Geh âk bunuyh tâm phung ntil mpôl bunuyh êng tâm n'gor chroh đŏng tĭng nâm phung Yuđa, yorlah khân păng klach krit ngăn ma phung Yuđa.

Êsther 9:20

Y-Môrdêkai nchih prăp lĕ nau nây jêh ri njuăl samƀŭt ma lĕ rngôch phung Yuđa gŭ tâm lĕ rngôch n'gor tâm bri Hađăch Asuêrus, dăch mâu lah ngai,

Êsther 9:21

gay ntĭnh khân păng djôt prăp nar jât ma puăn jêh ri nar jât ma prăm, khay Adar ăp năm.

Êsther 9:28

Ăn kah gĭt jêh ri prăp bar nar nây tâm ăp ndŭl mpôl, tâm ăp n'gor, tâm lĕ rngôch rô̆. Lĕ nar Purim aơ mâu mra dơi roh tâm phung Yuđa jêh ri nau rƀŭn ndray nây mâu roh ôh tâm phung kon sau khân păng.

Nau Mprơ Ơm 78:7

Gay ma kon sau khân păng geh nuih n'hâm rnơm nsing tâm Brah Ndu, Mâu chuêl ôh lĕ kan Păng, Ƀiălah djôt prăp lĕ nau vay Păng ntăm;

Êsai 2:3

Âk phung ƀon lan mra văch jêh ri lah: “Văch hom, ăn he hăn hao ta yôk Brah Yêhôva, Văch ta ngih Brah Ndu Yakôb. Păng mra sâm nti trong Păng ma he, He mra hăn tâm ăp trong Păng.” Yorlah nau vay mra luh bơh Siôn, Jêh ri nau Brah Yêhôva ngơi luh bơh Yêrusalem.

Êsai 56:3

Phung bu năch plơ̆ sĭt ma Brah Yêhôva lơi dĭng ngơi pô aơ: “Nanê̆ ngăn Brah Yêhôva mra tâm nkhah gâp bơh phung ƀon lan Păng.” Bunuyh bu char mâu lĕ dơi ngơi: “Aơ, gâp jêng du tơm si kro.”

Êsai 56:6

Phung bu năch plơ̆ sĭt ma Brah Yêhôva Gay pah kan ma Păng, rŏng ma amoh Brah Yêhôva, Jêh ri jêng phung oh mon Păng, Jêng lĕ rngôch phung djôt prăp nar Saƀat mâu ƀư ƀơ̆ nar nây ôh, Jêh ri djôt prăp nâp nau Gâp tâm rnglăp,

Êsêkiêl 16:61

Tơlah sŏk dơn phung nur ay jêh ri oh ay, ay mra kah gĭt ma trong ay hăn mra bêk prêng ngăn. Rnôk nây, Gâp mra jao khân păng ƀư kon bu ur ay ƀiălah mâu tĭng ôh nau tâm rnglăp đah ay.

Sakari 2:11

Tâm nar nây, âk bri dak mra tâm rnglăp đah Brah Yêhôva, jêh ri mra jêng phung ƀon lan Gâp; Gâp mra gŭ ta nklang khân may.” Nôk nây, khân may mra gĭt Brah Yêhôva ma phung tahan hŏ njuăl jêh gâp hăn văch n'hanh khân may.

Sakari 8:23

Brah Yêhôva ma phung tahan lah: “Tâm âk nar nây, mra geh jât nuyh tă tâm ntil mpôl bunuyh nau ngơi êng êng, kuăn rdâng ta ntôr ao du huê Yuđa, jêh ri lah pô aơ: ‘Ăn hên hăn ndrel ma khân may, yorlah hên geh tăng pô aơ Brah Yêhôva gŭ ndrel ma khân may.’”

Nau Kơp Bunuyh 15:15

Tâm phung tâm rƀŭn, knŏng geh du nau vay dăp nsum gay dŏng ma khân may jêh ri ma lĕ phung gŭ njưh ƀât lât ta nklang khân may. Nây jêng du nau vay dăp n'ho ro tâm lĕ rngôch rô̆. Khân may jêh ri phung gŭ njưh ƀât lât da dê du ai tâm ban tanăp Brah Yêhôva.

Nau Vay Nkah Tay 5:3

Mâu di Yêhôva ƀư nau tâm rnglăp aơ đah phung chô yau he, ƀiălah đah he, jêng lĕ rngôch phung nar aơ dôl hôm rêh ta aơ.

Yôsuê 9:15

Y-Yôsuê ƀư nau đăp mpăn đah khân păng jêh ri ton nanê̆ ăn ma khân păng gŭ rêh, jêh ri phung kôranh chiă uănh phung ƀon lan sơm ton ma khân păng đŏng.

Phung Kôranh Phat Dôih 11:40

Ăp năm, phung kon bu ur Israel nhĭm nhhiăng ma kon bu ur Y-Jêptê, du huê bunuyh Gilêat, tâm puăn nar.

I Samuel 30:25

Ntơm bơh nar nây, Y-Đavit njêng nau nây jêng du nau vay dăp jêh ri nau vay ƀư ma phung Israel kŏ tât ta nar aơ.