Êsther 9:25 - Nau Brah Ndu Ngơi 2023

²⁵ Ƀiălah tơlah nau nây tât tôr hađăch, hađăch ăn samƀŭt nau ntrŭnh pô aơ lĕ nau nchră djơh mhĭk bơh Y-Haman mĭn ŭch ƀư mhĭk ma phung Yuđa mra mplơ̆ sĭt ma bôk păng nơm. Bu yông trô ko păng nđâp ma phung kon bu klâu păng ta tơm si yông trô ko.

Êsther 9:25 ပူးပေါင်းရင်းမြစ်များ

I Phung Hađăch 8:32

pôri dăn ma May klơ trôk rkêng tôr iăt, ƀư an jêh ri phat dôih phung oh mon May, tâm rmal nơm geh nau tih, ƀư ăn păng tuy nau tih păng nơm, jêh ri dăn May Kơp nau sŏng srăng ma nơm Kơp nau sŏng srăng ma nau nkhôm tĭng nâm nau sŏng srăng păng.

Êsther 3:6

Ƀiălah Y-Haman mĭn yơr ti ƀư rai du huê Y-Môrdêkai knŏng jêng nau jê̆. Yor ri, tơlah Y-Haman gĭt Y-Môrdêkai jêng bunuyh Yuđa, păng joi nau mĭn plĕch nkhĭt lĕ rngôch phung Yuđa jêng ndŭl deh Y-Môrdêkai, gŭ tâm lam ƀon bri hađăch Asuêrus.

Êsther 7:10

Pônây, bu yông trô ko Y-Haman ta tơm si yông trô ko păng nơm hŏ ndâk jêh ma Y-Môrdêkai. Jêh nây nau hađăch ji nuih aih jêh.

Êsther 7:4

Yorlah bu tăch jêh gâp jêh ri phung ƀon lan gâp, ŭch ƀư rai lơi, nkhĭt lơi, jêh ri ƀư rai lôch lơi. Tơlah tăch hên gay ăn ƀư dĭk, gâp hŏ gŭ rklăk, yorlah nau rêh ni phung ƀon lan gâp mâu dơi tâm ntĭt ôh nau uh ah hađăch.”

Êsther 7:5

Hađăch Y-Asuêrus ngơi đah hađăch bu ur H'Êsther: “Mbu moh nây? Ta ntŭk păng gŭ, nơm janh ƀư nau aơ?”

Nau Mprơ Ơm 140:8

Ơ Brah Yêhôva, lơi May ăn phung ƀai dơi geh nau păng ŭch; Dăn lơi kơl nau nchră khân păng dơi jêng, klach khân păng n'hao êng ma khân păng nơm. (Sêla)

Nau Mprơ Ơm 140:9

Nau phung mhĭk ngơi mâu ueh ma gâp Ăn tŭp ta bôk khân păng nơm!

Nau Mprơ Ơm 141:10

Ăn phung ƀai prah tâm nhuăl khân păng hŏ nthăng Bi gâp dơi klaih jêh.

Nau Mprơ Ơm 7:16

Nau tih mhĭk păng mra nkhŭt ta klơ bôk păng. Jêh ri nau rêh ni mra tŭp ta klơ ndăr kleng păng nơm.

Nau Mprơ Ơm 7:17

Gâp mra nsĭt lah ma Brah Yêhôva ma nau sŏng srăng Păng, Gâp mra mprơ tâm rnê ma amoh Brah Yêhôva jêng Nơm Dŭt Prêh.

Nau Mprơ Ơm 94:23

Păng mra har plơng ma khân păng yor nau ƀai khân păng, Jêh ri ƀư rai khân păng yor nau djơh mhĭk khân păng; Yêhôva Brah Ndu hên mra ƀư rai khân păng.

Nau Hôr 26:27

Mbu nơm kuyh ntu mra tŭp tâm ntu nây; Mbu nơm rlă lŭ, lŭ plơ̆ tŭn tay.

Nau Hôr 5:22

Phung mhĭk mra tŭp tâm nau tih păng nơm, Jêh ri rse nau tih chăp păng nơm.

Êsai 22:25

Brah Yêhôva ma phung tahan lah: “Tâm nar nây, mâng nđăng nchăng jêh tâm ntŭk nâp mra rgloh lơi jêh ri tŭp jŭr; jêh ri ndơ jâk yông ta păng bu mra koh lơi.” Brah Yêhôva lah jêh nau nây.

Apdia 1:15

Yorlah nar Brah Yêhôva hŏ dăch tât jêh ma lĕ rngôch bri dak. Aƀaơ, bu mra ƀư ma may di nâm bu may hŏ tă ƀư; Lĕ nau kan may ƀư mra nkhŭt tay ta bôk may nơm.

Mathay 21:44

Mbu nơm prah jŭr ta klơ lŭ nây mra nchah rai, ƀiălah lŭ aơ tŭp di tâm mbu nơm mra rchiăt hăch bunuyh nây.”

I Samuel 25:39

Tơlah Y-Đavit gĭt ma Y-Nabal lĕ khĭt jêh, păng lah: “Tâm rnê ngăn ma Brah Yêhôva, yorlah Păng hŏ koh dŏng jêh gâp ma nau Y-Nabal ƀư bêk prêng ma gâp, jêh ri mât mray jêh oh mon Păng tă bơh nau ƀư mhĭk! Brah Yêhôva ƀư ăn jêh ma nau djơh mhĭk Y-Nabal nkhŭt tay klơ bôk păng nơm!” Jêh nau nây, Y-Đavit prơh bunuyh hăn ôp H'Abigêl gay ăn păng jêng ur păng.