Êsther 9:21 - Nau Brah Ndu Ngơi 2023

²¹ gay ntĭnh khân păng djôt prăp nar jât ma puăn jêh ri nar jât ma prăm, khay Adar ăp năm.

Êsther 9:21 ပူးပေါင်းရင်းမြစ်များ

Êsra 6:15

Ngih brah aơ dơi ƀư lôch jêh ta nar rơh pe khay Adar, tâm năm rơh prao rnôk rô̆ hađăch Darius.

Êsther 3:7

Ta khay tal nguay jêng khay Nisan, tâm năm rơh jât ma bar tâm rnôk hađăch Asuêrus chiă uănh, bu nchroh Pur, nâm bu ntĭt nchroh n'hôr tĭng ăp nar ăp khay, tanăp măt Y-Haman. Chroh n'hôr di tâm khay jât ma bar, jêng khay Adar.

Êsther 9:17

Bu ƀư nau nây ta nar jât ma pe khay Adar. Tât nar jât ma puăn khay nây khân păng gŭ rlu jêh ri njêng jêng du nar sông sa răm maak.

Êsther 9:18

Ƀiălah phung Yuđa gŭ ta ƀon Susa tâm rgum tâm nar jât ma pe jêh ri jât ma puăn khay nây; jêh ri nar jât ma prăm khay nây khân păng gŭ rlu njêng jêng du nar sông sa răm maak.

Êsther 9:20

Y-Môrdêkai nchih prăp lĕ nau nây jêh ri njuăl samƀŭt ma lĕ rngôch phung Yuđa gŭ tâm lĕ rngôch n'gor tâm bri Hađăch Asuêrus, dăch mâu lah ngai,

Êsther 9:22

Yorlah tâm nar jêh ri khay nây, phung Yuđa hŏ dơi rklaih jêh tă bơh phung rlăng khân păng; tâm nau rêh ni plăch jêng nau răm rhơn jêh ri nar rngot klâng plăch jêng nar nau sông sa. Păng lah ma khân păng njêng nar nau sông sa jêh ri hâk răm; ăp nơm njŭn ndơ sa ndrăng khân păng, jêh ri ndơ nhhơr kơl ma phung o ach.

Êsther 9:27

pôri phung Yuđa njêng ma khân păng nơm, ma phung kon sau khân păng jêh ri ma lĕ rngôch phung tâm rnglăp ndrel ma khân păng jêng du nau vay: Ăp năm djôt prăp bar nar di tĭng nâm samƀŭt, tâm mông hŏ nal jêh ăp năm, mâu dơi chalơi ôh.

Êsther 9:29

Hađăch bu ur H'Êsther, kon bu ur Y-Abihai, jêh ri Y-Môrdêkai, phung Yuđa, nchih samƀŭt rơh bar ma lĕ nau dơi nanê̆ ngăn gay ntĭm phung Yuđa djôt mray nar nau rƀŭn Purim.