Êsther 9:20 - Nau Brah Ndu Ngơi 2023

²⁰ Y-Môrdêkai nchih prăp lĕ nau nây jêh ri njuăl samƀŭt ma lĕ rngôch phung Yuđa gŭ tâm lĕ rngôch n'gor tâm bri Hađăch Asuêrus, dăch mâu lah ngai,

Êsther 9:20 ပူးပေါင်းရင်းမြစ်များ

I Nau Rêh Jêng 16:12

Kah gĭt tay hom lĕ nau kan khlay Păng hŏ ƀư, Lĕ nau mbên jêh ri nau phat dôih bơh bâr mbung Păng,

Êsther 1:1

Aơ jêng nau tât geh tâm rnôk Y-Asuêrus jêng hađăch, nơm chiă uănh du rhiăng bar jât ma pơh n'gor ntơm bơh bri India tât ma bri Êthiôpi.

Êsther 1:22

Hađăch njuăl samƀŭt ntrŭnh nau ăn ma lĕ rngôch n'gor bri hađăch, tĭng nâm rplay samƀŭt nchih jêh ri nau ngơi tâm ăp n'gor jêh ri ăp ntil mpôl bunuyh, jêh ri lah ma ăp nơm bu klâu jêng kôranh tâm ngih vâl păng nơm jêh ri ntăm nti tĭng nâm nau ngơi me deh.

Êsther 3:12

Tâm khay nguay, nar jât ma pe, bu kuăl rgum phung kôranh nchih samƀŭt hađăch văch tât. Tĭng nâm lĕ rngôch nau Y-Haman hŏ ntĭnh jêh, bu sŏk amoh hađăch Y-Asuêrus nchih samƀŭt nau ntrŭnh ăn ma phung kôranh oh mon hađăch, phung kôranh chiă uănh ăp n'gor jêh ri phung kôranh chiă uănh ma ăp ntil mpôl bunuyh, tĭng nâm nau ngơi ma ăp ntil mpôl bunuyh. Jêh nây khân păng tâp pŏng ma rgên hađăch.

Êsther 8:9

Nar nây, tâm khay pe, jêng khay Sivan, ta nar bar jât ma pe, bu kuăl rgum phung kôranh nchih samƀŭt ma hađăch. Tĭng nâm nau Y-Môrdêkai ntĭnh, khân păng nchih samƀŭt tât ma phung Yuđa, jêh nây njuăl ma phung kôranh kuăn bôk, kôranh chiă uănh jêh ri phung kôranh bôk n'gor, ntơm bơh India tât ma Êthiôpi, jêng du rhiăng bar jât ma pơh n'gor. Lĕ n'gor tĭng nâm rplay samƀŭt nchih n'gor nây, ăp ntil mpôl bunuyh tĭng nâm nau khân păng ngơi, jêh ri nchih đŏng ma phung Yuđa tĭng nâm rplay samƀŭt jêh ri nau ngơi khân păng.

Êsther 9:19

Yor nây, phung Yuđa, gŭ tâm lĕ rngôch ƀon jê̆, prăp nar jât ma puăn, khay Adar jêng du nar răm maak, jêh ri nhêt sông, du năng nar tâm njŭn ndơ sông sa ma ndrăng khân păng.

Êsther 9:21

gay ntĭnh khân păng djôt prăp nar jât ma puăn jêh ri nar jât ma prăm, khay Adar ăp năm.

Êsther 9:26

Yor nây, bu ntơ nar nây Purim tĭng nâm nau ngơi Pur. Yor lĕ rngôch nau nchih jêh tâm samƀŭt nây jêh ri lĕ nau khân păng saơ tâm nau lĕ nau tât jêh ma khân păng

Êsther 9:27

pôri phung Yuđa njêng ma khân păng nơm, ma phung kon sau khân păng jêh ri ma lĕ rngôch phung tâm rnglăp ndrel ma khân păng jêng du nau vay: Ăp năm djôt prăp bar nar di tĭng nâm samƀŭt, tâm mông hŏ nal jêh ăp năm, mâu dơi chalơi ôh.

Êsther 9:29

Hađăch bu ur H'Êsther, kon bu ur Y-Abihai, jêh ri Y-Môrdêkai, phung Yuđa, nchih samƀŭt rơh bar ma lĕ nau dơi nanê̆ ngăn gay ntĭm phung Yuđa djôt mray nar nau rƀŭn Purim.

Nau Ngluh Êjipt 17:14

Brah Yêhôva lah ma Y-Môis: “Nchih hom nau aơ tâm ndrom samƀŭt gay ma ndray jêh ri nkoch ăn ma Y-Yôsuê gĭt nau aơ Gâp mra jut lĕ nau ndray ma phung Amalek tâm neh ntu aơ.”

Yêrêmi 29:1

Aơ jêng nau ngơi tâm samƀŭt nơm mbơh lor Y-Yêrêmi njuăl tă bơh Yêrusalem ăn ma phung bu ranh hôm klen tâm phung ƀư bu nă, ăn ma phung kôranh ƀư brah, ma phung nơm mbơh lor, jêh ri ma lĕ rngôch phung ƀon lan, hađăch Y-Nêbukatnetsar hŏ nhŭp tă bơh Yêrusalem leo ma bri Babilôn.