Êsther 9:19 - Nau Brah Ndu Ngơi 2023

¹⁹ Yor nây, phung Yuđa, gŭ tâm lĕ rngôch ƀon jê̆, prăp nar jât ma puăn, khay Adar jêng du nar răm maak, jêh ri nhêt sông, du năng nar tâm njŭn ndơ sông sa ma ndrăng khân păng.

Êsther 9:19 ပူးပေါင်းရင်းမြစ်များ

Êsther 8:17

Tâm ăp n'gor, tâm ăp rplay ƀon, ta ntŭk geh jêh nau ntăm jêh ri samƀŭt nau ntrŭnh bơh hađăch lĕ tât, pôri phung Yuđa răm maak jêh ri hâk răm ngăn, du nau nhêt sông toyh jêh ri sông sa tâm nau răm maak. Geh âk bunuyh tâm phung ntil mpôl bunuyh êng tâm n'gor chroh đŏng tĭng nâm phung Yuđa, yorlah khân păng klach krit ngăn ma phung Yuđa.

Êsther 9:20

Y-Môrdêkai nchih prăp lĕ nau nây jêh ri njuăl samƀŭt ma lĕ rngôch phung Yuđa gŭ tâm lĕ rngôch n'gor tâm bri Hađăch Asuêrus, dăch mâu lah ngai,

Êsther 9:22

Yorlah tâm nar jêh ri khay nây, phung Yuđa hŏ dơi rklaih jêh tă bơh phung rlăng khân păng; tâm nau rêh ni plăch jêng nau răm rhơn jêh ri nar rngot klâng plăch jêng nar nau sông sa. Păng lah ma khân păng njêng nar nau sông sa jêh ri hâk răm; ăp nơm njŭn ndơ sa ndrăng khân păng, jêh ri ndơ nhhơr kơl ma phung o ach.

Sakari 2:4

jêh ri lah ma păng: “Hăn nchuăt hom, ngơi lah đah bu klâu ndăm nây: ‘Yêrusalem mra jêng nâm bu ƀon mâu geh ôh mpêr ƀon jŭm, yor geh âk ngăn bunuyh jêh ri mpô mpa gŭ ta nklang păng.’

Luka 11:41

Ƀiălah mpơl hom nuih n'hâm tâm kơl moh ndơ may geh, pôri lĕ rngôch ndơ mra jêng kloh rsang ma khân may.

Nau Vay Nkah Tay 15:7

Tơlah ta nklang khân may geh bunuyh khân may o ach, gŭ tâm ăp ƀon toyh tâm n'gor Yêhôva Brah Ndu lĕ ăn ma khân may, lơi dăng nuih n'hâm mâu lah ĭr hŏ krêp mbeh ndơ ma phung o ach chiau meng khân may.

Nau Vay Nkah Tay 16:11

Ăn khân may nđâp ma phung kon bu klâu, kon bu ur, nơm kơl kan bu klâu jêh ri bu ur khân may, phung Lêvi gŭ tâm ƀon khân may, bu năch, kon đơi, jêh ri bu ur ndrô gŭ ta nklang khân may, răm maak hom văch rƀŭn ta ntŭk Yêhôva Brah Ndu mra săch gay ăn amoh Păng gŭ ta nây.

Nau Vay Nkah Tay 16:14

Tâm yan nau rƀŭn, ăn khân may nđâp ma kon bu klâu, kon bu ur khân may, nơm kơl kan bu klâu jêh ri bu ur, phung Lêvi, bu năch, kon đơi, jêh ri bu ur ndrô, răm maak da dê djôt nau rƀŭn nây.

Nau Vay Nkah Tay 3:5

Lĕ rngôch ƀon toyh nây nâp da dê, geh pêr prêh, mpông pêr geh mâng nđăng. Rlau ma nây geh âk ƀon jê̆ jê̆ mâu geh ôh pêr văr jŭm.

Nau Tâm Mpơl 11:10

Phung ƀon lan gŭ ta neh ntu răm maak ma khân păng, hâk maak njuăl ndơ ăn ma ndrăng khân păng; yorlah bar hê nơm mbơh lor nây ƀư rêh ni jêh phung gŭ tâm neh ntu.

I Samuel 25:8

Ôp hom phung oh mon may, khân păng mra nkoch ma may gĭt. Yorlah hên hăn tâm nar rƀŭn, ŭch ăn phung ndăm gâp geh nau ueh lăng tanăp măt may. Dăn ăn ma phung oh mon may jêh ri ma kon bu klâu may Y-Đavit ăp moh ndơ may geh tâm ti.’”