Êsther 9:15 - Nau Brah Ndu Ngơi 2023

¹⁵ Phung Yuđa gŭ tâm ƀon Susa tâm rgum tâm ban lĕ ta nar jât ma puăn, khay Adar, jêh ri lơh nkhĭt tay pe rhiăng nuyh ƀon Susa; ƀiălah khân păng mâu pit in ôh drăp ndơ.

Êsther 9:15 ပူးပေါင်းရင်းမြစ်များ

Êsther 8:11

Tâm samƀŭt nây, hađăch ăn nau dơi ma phung Yuđa gŭ tâm ăp n'gor, ăp ƀon hađăch Y-Asuêrus tâm rƀŭn gay king n'gang nau rêh khân păng nơm, ƀư rai, nkhĭt lơi, rai yot lĕ phung djôt ndơ tâm lơh rduh lơh khân păng, mâu kơp moh phung ƀon lan, moh n'gor, bu ur mâu lah phung kon se jê̆ jêh ri sŏk pit drăp ndơ khân păng.

Êsther 9:10

jêng phung jât nuyh kon bu klâu Y-Haman, sau Y-Hamêdatha, jêng phung rlăng đah phung Yuđa. Ƀiălah khân păng mâu pit in drăp ndơ ôh.

Êsther 9:12

Hađăch ngơi lah ma hađăch bu ur H'Êsther pô aơ: “Phung Yuđa hŏ lơh nkhĭt prăm rhiăng nuyh tâm ƀon Susa, jêh ri jât nuyh kon bu klâu Y-Haman. Moh nau khân păng ƀư jêh tâm lĕ rngôch n'gor hađăch? Aƀaơ moh nau ay ŭch dăn, gâp mra ăn. Moh nau ay hôm dăn đŏng, gâp mra ăn!”

Êsther 9:13

H'Êsther lah: “Tơlah di nau hađăch mĭn, tâm nar ôi taơ ăn hom ma phung Yuđa gŭ tâm ƀon Susa dơi ƀư tâm ban lĕ tĭng nâm nau ntrŭnh nar aơ; ƀiălah ăn yông trô ko jât nuyh kon bu klâu Y-Haman.”

Êsther 9:14

Hađăch ntrŭnh nau ntăm ăn bu ƀư nau nây, jêh ri bu ăn du nau ntrŭnh tâm ƀon Susa. Bu yông trô ko phung jât nuyh kon bu klâu Y-Haman.

Êsther 9:16

Phung Yuđa êng gŭ tâm lĕ n'gor hađăch tâm rgum tâm ban lĕ ŭch king n'gang nau rêh khân păng, tâm lơh đah phung rlăng khân păng, jêh ri nkhĭt pơh rmưn prăm rbăn nuyh phung tâm rmot ma khân păng. Ƀiălah khân păng mâu pit in ôh drăp ndơ.

Êsther 9:2

Phung Yuđa tâm rgum tâm lĕ ƀon khân păng lam lĕ n'gor hađăch Asuêrus, gay yơr ti rduh lơh ma phung ŭch ƀư roh lơi ma khân păng. Mâu geh bunuyh dơi tâm rdâng đah khân păng yorlah lĕ ntil mpôl bunuyh klach ngăn ma phung Yuđa.

I Têsalônik 5:22

ăn khân may der ngai lĕ rngôch nau djơh mhĭk.

ហេឞ្រើ 13:5

Lơi kơnh ir ma prăk ôh, maak hom nuih n'hâm ma drăp ndơ khân may geh jêh, yorlah Brah Ndu nơm lah jêh: “Gâp mâu mra lơi may ôh, mâu lah dun may ôh.”