Êsther 8:9 - Nau Brah Ndu Ngơi 2023

⁹ Nar nây, tâm khay pe, jêng khay Sivan, ta nar bar jât ma pe, bu kuăl rgum phung kôranh nchih samƀŭt ma hađăch. Tĭng nâm nau Y-Môrdêkai ntĭnh, khân păng nchih samƀŭt tât ma phung Yuđa, jêh nây njuăl ma phung kôranh kuăn bôk, kôranh chiă uănh jêh ri phung kôranh bôk n'gor, ntơm bơh India tât ma Êthiôpi, jêng du rhiăng bar jât ma pơh n'gor. Lĕ n'gor tĭng nâm rplay samƀŭt nchih n'gor nây, ăp ntil mpôl bunuyh tĭng nâm nau khân păng ngơi, jêh ri nchih đŏng ma phung Yuđa tĭng nâm rplay samƀŭt jêh ri nau ngơi khân păng.

Êsther 8:9 ပူးပေါင်းရင်းမြစ်များ

II Phung Hađăch 18:26

Y-Êliakim, kon Y-Hilkia, ndrel ma Y-Sêpna jêh ri Y-Jôa lah ma Y-Rabshakeh: “Dăn lah đah phung oh mon may tâm nau ngơi Aram, yorlah hên gĭt rbăng nau nây. Dăn lơi ngơi ôh ma hên nau ngơi phung Yuđa, klach lah phung ƀon lan gŭ ta klơ mpêr ƀon dơi tăng.”

II Nau Rêh Jêng 15:10

Tâm khay pe, năm rơh jât ma prăm rô̆ Y-Asa chiă uănh, khân păng tâm rƀŭn tâm ƀon Yêrusalem.

Êsther 1:1

Aơ jêng nau tât geh tâm rnôk Y-Asuêrus jêng hađăch, nơm chiă uănh du rhiăng bar jât ma pơh n'gor ntơm bơh bri India tât ma bri Êthiôpi.

Êsther 1:22

Hađăch njuăl samƀŭt ntrŭnh nau ăn ma lĕ rngôch n'gor bri hađăch, tĭng nâm rplay samƀŭt nchih jêh ri nau ngơi tâm ăp n'gor jêh ri ăp ntil mpôl bunuyh, jêh ri lah ma ăp nơm bu klâu jêng kôranh tâm ngih vâl păng nơm jêh ri ntăm nti tĭng nâm nau ngơi me deh.

Êsther 10:1

Hađăch Asuêrus nchâp phung ƀon lan tâm n'gor jêh ri lĕ gôl dak mƀŭt chê̆ pi.

Daniel 4:1

Hađăch Nêbukatnetsar njuăl ma lĕ rngôch phung ƀon lan, phung bri dak, lĕ nau ngơi tâm lam neh ntu: “Nau ueh khân may geh nau đăp mpăn âk râk!

Daniel 6:1

Hađăch Darius tâm nal sâm dơm ăn du rhiăng bar jât bunuyh kôranh nkual gay chiă uănh lam ƀon bri hađăch,

Daniel 6:25

Rnôk nây hađăch Darius nchih samƀŭt ma lĕ rngôch phung ƀon lan, lĕ bri dak, lĕ nau ngơi nau gŭ lam neh ntu: “Ăn nau ueh ma khân may dơi geh nau đăp mpăn âk rmeh!