Êsther 8:5 - Nau Brah Ndu Ngơi 2023

⁵ Păng lah: “Tơlah di nau hađăch mĭn, tơlah gâp geh nau yô̆ tanăp măt hađăch, jêh ri tơlah hađăch saơ nau aơ jêng di jêh ri tơlah gâp ƀư ueh ma măt hađăch, dăn ma hađăch ntrŭnh gay chalơi lĕ samƀŭt Y-Haman, kon bu klâu Y-Hamêdatha, bunuyh Agak, hŏ nchră nchih njuăl jêh gay ƀư rai lơi phung Yuđa gŭ tâm lĕ rngôch n'gor bri hađăch.

Êsther 8:5 ပူးပေါင်းရင်းမြစ်များ

Êsther 2:17

Hađăch rŏng kơnh ma H'Êsther âk lơn ma lĕ rngôch phung bu ur druh êng jêh ri păng geh nau yô̆ tanăp măt hađăch rlau lơn ma lĕ rngôch phung bu ur êng. Pôri hađăch ndô đon hađăch ta klơ bôk păng, njêng păng jêng hađăch bu ur ntrok ma H'Vasti.

Êsther 2:4

Mbu moh bu ur druh ƀư ăn ma hađăch maak nuih n'hâm, mra ƀư hađăch bu ur ntrok ma H'Vasti.” Nau nây maak nuih n'hâm ma hađăch, jêh ri păng ƀư pônây ro.

Êsther 3:1

Jêh lĕ nau nây, hađăch Asuêrus n'hao pah kan ma Y-Haman, kon bu klâu Y-Hamêdatha, jêng bunuyh Agak, jêh ri n'hao păng jêh ri ăn ma păng ntŭk prêh lơn phung kôranh chiă uănh tâm ngih hađăch.

Êsther 5:8

Tơlah gâp geh jêh nau yô̆ tanăp măt hađăch, jêh ri tơlah hađăch maak nuih n'hâm ăn ndơ gâp dăn jêh ri ndơ gâp ŭch, ăn hađăch jêh ri Y-Haman văch râng nau sông sa gâp mra nkra ta nar ôi taơ, jêh nây gâp mra ƀư tĭng nâm nau hađăch lah.”

Êsther 7:3

Hađăch bu ur H'Êsther plơ̆ lah: “Hơi hađăch, tơlah gâp geh nau yô̆ tanăp may jêh ri tơlah di nau hađăch mĭn, dăn may rklaih nau rêh gâp jêh ri nau rêh phung ƀon lan gâp.

Nau Ngluh Êjipt 33:13

Pôri aƀaơ, lah gâp geh jêh nau yô̆ tanăp măt May, dăn mpơl trong May ma gâp gay ma gâp dơi gĭt năl May jêh ri geh nau yô̆ tanăp măt May. Ăn May kơp phung ndŭl mpôl aơ jêng phung ƀon lan May!”

Nau Ngluh Êjipt 33:16

Tơlah May mâu hăn ndrel ma hên, mâm bu gĭt ngăn ma gâp jêh ri phung ƀon lan May geh nau yô̆ tanăp măt May? Geh May hăn ndrel, gâp jêh ri phung ƀon lan May mra dơi tâm nkhah bơh phung ƀon lan êng klơ neh.”

I Samuel 20:29

Păng lah: ‘Ăn gâp hăn, yorlah ndŭl mpôl gâp nhhơr mpa ƀư brah tâm ƀon jêh ri nâu gâp ntĭnh jêh ma gâp hăn sĭt ta nây, Pôri aƀaơ, tơlah gâp geh nau yô̆ tanăp măt may, ăn gâp hăn ro tât ta nây, gay tâm khâl ma phung nâu gâp.’ Yor ri, Y-Đavit mâu văch gŭ sông sa ôh ndrel ma hađăch.”