Êsther 8:17 - Nau Brah Ndu Ngơi 2023

¹⁷ Tâm ăp n'gor, tâm ăp rplay ƀon, ta ntŭk geh jêh nau ntăm jêh ri samƀŭt nau ntrŭnh bơh hađăch lĕ tât, pôri phung Yuđa răm maak jêh ri hâk răm ngăn, du nau nhêt sông toyh jêh ri sông sa tâm nau răm maak. Geh âk bunuyh tâm phung ntil mpôl bunuyh êng tâm n'gor chroh đŏng tĭng nâm phung Yuđa, yorlah khân păng klach krit ngăn ma phung Yuđa.

Êsther 8:17 ပူးပေါင်းရင်းမြစ်များ

Nau Ntơm 35:5

Rnăk vâl Y-Yakôb hăn trong. Brah Ndu ăn nau klach ta lĕ rngôch ƀon jŭm nây, pôri mâu geh ôh du huê nuyh tâm phung nây nănh tĭng phung kon Y-Yakôb.

Nêhêmi 8:10

Y-Nêhêmi lah ma khân păng: “Hăn hom sa ndơ rmŏng-ngi, nhêt dak njŭng jêh ri njuăl du kô̆ ndơ nây ma nơm bu mâu geh nkra ôh; yorlah nar aơ jêng nar prăp êng kloh ueh ma Kôranh Brah he. Lơi ta rngot klâng ôh, yorlah nau răm maak bơh Brah Yêhôva jêng nau ktang khân may.”

Êsther 9:17

Bu ƀư nau nây ta nar jât ma pe khay Adar. Tât nar jât ma puăn khay nây khân păng gŭ rlu jêh ri njêng jêng du nar sông sa răm maak.

Êsther 9:19

Yor nây, phung Yuđa, gŭ tâm lĕ rngôch ƀon jê̆, prăp nar jât ma puăn, khay Adar jêng du nar răm maak, jêh ri nhêt sông, du năng nar tâm njŭn ndơ sông sa ma ndrăng khân păng.

Êsther 9:2

Phung Yuđa tâm rgum tâm lĕ ƀon khân păng lam lĕ n'gor hađăch Asuêrus, gay yơr ti rduh lơh ma phung ŭch ƀư roh lơi ma khân păng. Mâu geh bunuyh dơi tâm rdâng đah khân păng yorlah lĕ ntil mpôl bunuyh klach ngăn ma phung Yuđa.

Êsther 9:22

Yorlah tâm nar jêh ri khay nây, phung Yuđa hŏ dơi rklaih jêh tă bơh phung rlăng khân păng; tâm nau rêh ni plăch jêng nau răm rhơn jêh ri nar rngot klâng plăch jêng nar nau sông sa. Păng lah ma khân păng njêng nar nau sông sa jêh ri hâk răm; ăp nơm njŭn ndơ sa ndrăng khân păng, jêh ri ndơ nhhơr kơl ma phung o ach.

Êsther 9:27

pôri phung Yuđa njêng ma khân păng nơm, ma phung kon sau khân păng jêh ri ma lĕ rngôch phung tâm rnglăp ndrel ma khân păng jêng du nau vay: Ăp năm djôt prăp bar nar di tĭng nâm samƀŭt, tâm mông hŏ nal jêh ăp năm, mâu dơi chalơi ôh.

Êsther 9:3

Lĕ rngôch phung kôranh n'gor, kôranh kuăn bôk, kôranh chiă uănh, jêh ri kôranh chiă uănh phung ta ngih hađăch, kâp kơl phung Yuđa da dê, yorlah khân păng klach yơk Y-Môrdêkai.

Nau Mprơ Ơm 105:38

Phung Êjipt maak tơlah khân păng luh hăn, Yorlah nau krit phung Israel ƀư jêh ta khân păng.

Nau Mprơ Ơm 18:43

Kôranh Brah tâm rklaih jêh gâp bơh nau phung ƀon lan tâm rdâng; Ndâk gâp ƀư bôk lĕ bri dak; Du phung ƀon lan mâu gĭt năl mra pah kan ma gâp.

Nau Ngluh Êjipt 15:16

Nau klach jêh ri nau krit tât ma khân păng; Ơ Brah Yêhôva! Yor ti nau brah May, Khân păng jêng mlo nâm bu lŭ, kŏ tât phung ƀon lan May rgăn jêh; Kŏ tât phung ƀon lan May sâm chuai rgăn lăn jêh.

Nau Vay Nkah Tay 11:25

Mâu geh ôh du huê nuyh mra dơi tâm rdâng đah khân may. Yêhôva Brah Ndu khân may mra dơm nau bu klach jêh ri nau bu krit tâm lam n'gor khân may mra hăn rgăn, tĭng nâm Păng hŏ lah jêh ma khân may.

Nau Vay Nkah Tay 2:25

Nar aơ Gâp ntơm ƀư ma lĕ phung ƀon lan tâm neh ntu aơ mra krit jêh ri klach ma khân may. Lah tăng nau bu nkoch bri ma khân may, lĕ phung ƀon lan nây mra râm sâr jêh ri krit tanăp măt khân may.’”

Yôsuê 2:11

Tơlah hên tăng jêh nau nây nuih n'hâm hên uh ah, tâm phung hên mâu hôm geh nơm nâp tanăp khân may; yorlah Yêhôva Brah Ndu khân may jêng Brah Ndu nơm gŭ klơ trôk dŭt prêh jêh ri gŭ tâm dâng neh aơ.

Yôsuê 2:9

jêh ri lah ma khân păng: “Gâp gĭt Brah Yêhôva hŏ ăn n'gor aơ ma khân may; bu klach ngăn yorlah khân may hŏ trŭnh ndal ta hên kŏ tât lĕ rngôch phung ƀon lan tâm n'gor rdja nuih n'hâm nau mĭn tanăp khân may.

I Samuel 25:8

Ôp hom phung oh mon may, khân păng mra nkoch ma may gĭt. Yorlah hên hăn tâm nar rƀŭn, ŭch ăn phung ndăm gâp geh nau ueh lăng tanăp măt may. Dăn ăn ma phung oh mon may jêh ri ma kon bu klâu may Y-Đavit ăp moh ndơ may geh tâm ti.’”