Êsther 8:16 - Nau Brah Ndu Ngơi 2023

¹⁶ Ma phung Yuđa, aơ jêng nar nau ang, răm maak, nau hâk răm ngăn jêh ri nau chrêk rmah.

Êsther 8:16 ပူးပေါင်းရင်းမြစ်များ

Êsther 4:16

“Kuăl rgum hom lĕ rngôch phung Yuđa gŭ ta ƀon Susa, jêh ri yor ma gâp tâm ban lĕ, ât sông sa pe măng pe nar, mâu dơi sông sa mâu lah dơi nhêt. Gâp jêh ri phung oh mon bu ur gâp mra ver ât sông sa đŏng. Jêh nau nây, gâp mra lăp tanăp hađăch jêng nau mâu di nau vay; ƀiălah tơlah gâp khĭt ăn gâp khĭt yơh.”

Êsther 9:17

Bu ƀư nau nây ta nar jât ma pe khay Adar. Tât nar jât ma puăn khay nây khân păng gŭ rlu jêh ri njêng jêng du nar sông sa răm maak.

Nau Mprơ Ơm 112:4

Nau ang sol tâm nau ngo ma nơm sŏng, Jêng nơm hô ƀư nau ueh, geh nuih n'hâm yô̆ nđach jêh ri sŏng srăng.

Nau Mprơ Ơm 118:27

Yêhôva jêng Brah Ndu, May hŏ ăn nau ang ma hên. Kât mpa ƀư brah ma rse Ta lĕ nke nơng ƀư brah.

Nau Mprơ Ơm 18:28

Kôranh Brah mpoh ŭnh kađen gâp; Brah Yêhôva Brah Ndu gâp mra sol ang ntŭk nau ngo gâp.

Nau Mprơ Ơm 30:12

Yor nây, huêng gâp mprơ tâm rnê ma Kôranh Brah jêh ri mâu gŭ rklăk ôh. Ơ Brah Yêhôva Brah Ndu gâp, gâp mra tâm rnê lah ueh ma May ƀaƀơ n'ho ro.

Nau Mprơ Ơm 97:11

Nau ang sol phung sŏng srăng Jêh ri nau maak bêng ler tâm nuih n'hâm phung sŏng.

Nau Hôr 11:10

Lah bunuyh sŏng srăng geh nau ueh uĭn, lĕ rngôch toyh răm maak, Jêh ri lah phung ƀai rai yot pôri geh bâr troh rhơn.

Nau Hôr 28:12

Lah bunuyh sŏng srăng lĕ dơi jêh, pôri dơi geh nau chrêk rmah toyh, Nôk phung djơh mhĭk hao jêh, lĕ rngôch bunuyh du krap da dê.

Êsai 35:10

Phung Brah Yêhôva tâm chuai jêh mra plơ̆ sĭt, Khân păng mra văch ta Siôn tâm nau troh nter răm rhơn; Nau hâk răm n'ho ro mra gŭ ta klơ bôk khân păng. Khân păng mra bêng nau maak, Jêh ri nau rngot lŭng nter mra roh lĕ.