Êsther 8:15 - Nau Brah Ndu Ngơi 2023

¹⁵ Y-Môrdêkai hăn luh bơh ngih hađăch, nsoh ao hađăch ĭr jêh ri nglang, ndô du mlâm đon hađăch toyh ma mah jêh ri nsoh du ao jong ma bok mhay rhên chăng krăk. Phung ƀon lan ƀon Susa troh nter jêh ri răm rhơn.

Êsther 8:15 ပူးပေါင်းရင်းမြစ်များ

Nau Ntơm 41:42

Hađăch Pharaôn doh rgên bơh ti păng nơm jêh ri dok ta ti Y-Yôsep, păng ăn ma Y-Yôsep nsoh kho ao bok mhay rhên jêh ri ăn văn kông mah ta trô ko păng.

Êsther 1:6

Lam n'gar kao, bu yông bok tôk nching ƀư ma dêh, bok ĭr; kât ma rse mhay rhên nglang jêh ri bok rvanh chăng ndor prăk jêh ri n'gâng lŭ marbrơ. Geh tâm ban lĕ sưng bê̆ch ƀư ma mah jêh ri prăk, dơm ta klơ gre ƀư ma lĕ ntil lŭ marbrơ, chăng, nglang, êr, jêh ri krăk

Êsther 10:2

Lĕ rngôch kan nau dơi, nau ktang hađăch jêh ri nau hađăch n'hao jêh ma Y-Môrdêkai, mâu di hĕ lĕ rngôch nau n'hao nây bu nchih da dê tâm ndrom samƀŭt nau rêh jêng hađăch ma phung hađăch bri Mêdơ jêh ri Persi?

Êsther 3:15

Phung djôt leo samƀŭt hăn ma nau ndal tĭng nâm nau hađăch ntĭnh. Samƀŭt nau ntrŭnh nây bu njuăl đŏng ma ƀon bri hađăch Susa. Jêh nau nây, hađăch jêh ri Y-Haman gŭ nhêt ndrănh tâm nôk ƀon Susa geh nau uh ah rŭng răng.

Êsther 5:1

Ta nar tal pe, H'Êsther nsoh ao hađăch bu ur păng jêh ri păng dâk tâm trôm nhuang ngih hađăch. Hađăch dôl gŭ ta sưng hađăch tra ntŭk lăp jrô toyh hađăch.

Êsther 5:11

Y-Haman nkoch bri đŏng ma khân păng nau ndrŏng kuăng păng jêh ri âk kon bu klâu păng. Păng tâm mpơl đŏng lĕ rngôch nau hađăch ƀư ma păng, dơi geh bu yơk, jêh ri hađăch n'hao păng hao lơn ma phung kôranh jêh ri phung oh mon hađăch.

Êsther 6:11

Y-Haman njŭn leo seh jêh ri sŏk ao hađăch nsoh an ma Y-Môrdêkai, jêh nây leo păng ncho seh nsong jŭm nkual toyh tâm ƀon, jêh ri nter lah tanăp măt păng pô aơ: “Bu mra ƀư tâm ban pônây ma bunuyh hađăch ŭch yơk!”

Êsther 6:8

ăn păng nsoh ao hađăch, ao hađăch vay nsoh, ncho seh hađăch ncho, jêh ri geh đon hađăch ndô ta klơ bôk bunuyh nây.

Êsther 8:14

Pôri phung djôt leo samƀŭt ncho seh prăl, jêng seh mpôl êng ngăn bu prăp ta ngih hađăch. Bu mbơh đŏng nau vay nây ta ƀon Susa.

Nau Hôr 11:10

Lah bunuyh sŏng srăng geh nau ueh uĭn, lĕ rngôch toyh răm maak, Jêh ri lah phung ƀai rai yot pôri geh bâr troh rhơn.

Nau Hôr 28:12

Lah bunuyh sŏng srăng lĕ dơi jêh, pôri dơi geh nau chrêk rmah toyh, Nôk phung djơh mhĭk hao jêh, lĕ rngôch bunuyh du krap da dê.

Nau Hôr 29:2

Lah bunuyh sŏng srăng bĭk rơ̆ phung ƀon lan răm rhơn, Ƀiălah nôk phung djơh chiă uănh, phung ƀon lan lŭng nter.

Mathay 11:8

Moh ndơ khân may hăn uănh? Di lĕ uănh du huê bunuyh nsoh ao dŭt ueh? Ri, phung nsoh ao dŭt ueh gŭ tâm ngih hađăch.

Mathay 6:29

ƀiălah Gâp lah ma khân may, nđâp tơlah hađăch Salômôn lĕ nau chrêk rmah, mâu dơi đŏng nsoh ueh tâm ban nguay ma phung kao si ueh aơ.

Luka 16:19

“Geh jêh du huê bunuyh ndrŏng nsoh ao chăng krăk jêh ri ao bok mhay rhên, ăp nar nhêt sa răm maak ngăn.