Êsther 8:14 - Nau Brah Ndu Ngơi 2023

¹⁴ Pôri phung djôt leo samƀŭt ncho seh prăl, jêng seh mpôl êng ngăn bu prăp ta ngih hađăch. Bu mbơh đŏng nau vay nây ta ƀon Susa.

Êsther 8:14 ပူးပေါင်းရင်းမြစ်များ

I Phung Hađăch 4:28

Ăp nơm ăt tĭng nâm nau kan păng nơm leo njŭn ba ôrgơ jêh ri rhe tât ma ntŭk hŏ tâm nal jêh ma seh ma seh uih ndeh seh jêh ri seh om ncho.

II Nau Rêh Jêng 30:6

Tĭng nau hađăch ntrŭnh, phung njŭn samƀŭt hađăch jêh ri phung kôranh hăn lam n'gor bri Israel jêh ri n'gor Yuđa. Samƀŭt kuăl: “Ơ phung kon sau Israel, plơ̆ sĭt hom ma Yêhôva Brah Ndu Y-Abraham, Y-Isăk jêh ri Israel, gay ma Păng plơ̆ sĭt tay ma phung hôm e klen tâm khân may, jêng phung dơi klaih jêh tă bơh phung hađăch Asiri.

Nêhêmi 1:1

Aơ jêng nau Y-Nêhêmi, kon bu klâu Y-Hakalia. Tâm khay Kislêvơ, năm rơh bar jât, nôk gâp dôl gŭ ta ƀon toyh Susa,

Êsther 1:2

Tâm rnôk nây tơlah hađăch Asuêrus gŭ ta klơ sưng hađăch păng tâm ƀon Susa, ƀon tơm păng.

Êsther 2:3

jêh ri dăn hađăch prơh phung kôranh tâm lam lĕ rngôch n'gor tâm ƀon bri hađăch, hăn tâm rgum lĕ rngôch phung bu ur druh ueh, văch tât ta nkual ngih hađăch bu ur tâm ƀon bri hađăch Susa. Jao hom ma Y-Hêgai, kôranh bu char, mât uănh ma phung bu ur, mât njrăng khân păng jêh ri tâm pă dak kôlônh gay jut lơi nau ƀơ̆ ma khân păng.

Êsther 3:13

Khân păng njuăl samƀŭt ma phung njŭn ma lĕ rngôch n'gor bri hađăch, ntăm gay ŭch ƀư rai, nkhĭt lơi, jêh ri ƀư roh lĕ rngôch phung Yuđa mâu gĭt bu ranh, mom ndăm, bu ur nđâp kon se, tâm du nar nây, jêng nar jât ma pe, khay jât ma bar jêng khay Adar jêh ri pit in lĕ ndô ndơ khân păng.

Êsther 3:14

Du pŏk samƀŭt tĭng kơt nchih samƀŭt nau ntĭnh nây bu njuăl ma ăp n'gor jêng nau tơih mbơh ma lĕ rngôch phung ƀon lan ăn bu rơm ndrăp jêh ma nar nây.

Êsther 3:15

Phung djôt leo samƀŭt hăn ma nau ndal tĭng nâm nau hađăch ntĭnh. Samƀŭt nau ntrŭnh nây bu njuăl đŏng ma ƀon bri hađăch Susa. Jêh nau nây, hađăch jêh ri Y-Haman gŭ nhêt ndrănh tâm nôk ƀon Susa geh nau uh ah rŭng răng.

Êsther 8:13

Du pŏk samƀŭt kơt nchih nau ntrŭnh bu ăn du luh jêng du nau vay jêh ri bu mbơh tâm ăp n'gor ma lĕ rngôch phung ƀon lan, jêh ri phung Yuđa dơi nkra ta nar nây gay plơng bôk ma phung rlăng khân păng nơm.

Êsther 8:15

Y-Môrdêkai hăn luh bơh ngih hađăch, nsoh ao hađăch ĭr jêh ri nglang, ndô du mlâm đon hađăch toyh ma mah jêh ri nsoh du ao jong ma bok mhay rhên chăng krăk. Phung ƀon lan ƀon Susa troh nter jêh ri răm rhơn.

Nơm Nti 9:10

Lĕ kan ti may dơi ƀư, ƀư hom lĕ nau ktang may; yorlah tâm ƀon phung khĭt, jêng ntŭk dôl may hăn tât, mâu geh nau kan, nau nchră, nau gĭt rbăng mâu lah jêng nau blau mĭn.

Daniel 8:2

Tâm nau tâm saơ, gâp saơ gâp dôl gŭ ta ƀon ngih hađăch Susa, tâm n'gor bri Êlam, jêh ri tâm ban lĕ nau tâm saơ, gâp saơ gâp dôl gŭ êp kêng dak krong Ulai.

I Samuel 21:8

Y-Đavit ôp ma Y-Ahimalek: “May mâu geh hĕ ta aơ du n'gâr tak mâu lah du n'gâr đao? Gâp mâu geh djôt leo đao ôh mâu lah ndơ tâm lơh ndrel ma gâp, yorlah nau ntăm hađăch ndal ngăn!”