Êsther 7:9 - Nau Brah Ndu Ngơi 2023

⁹ Y-Harbôna, du huê kôranh bu char dăch hađăch lah: “Ri, tơm si yông trô ko, prêh bar jât ma prăm met, Y-Haman hŏ ndâk rơm ndrăp tâm ngih păng nơm gay yông Y-Môrdêkai, jêng bunuyh hŏ mbơh gay rklaih nau rêh hađăch.” Hađăch lah: “Yông hom păng ta nây!”

Êsther 7:9 ပူးပေါင်းရင်းမြစ်များ

II Phung Hađăch 9:32

Y-Jêhu n'gơr măt hao ma mpeh mpông bloh jêh ri ôp: “Mbu nơm gŭ mpeh ma gâp? Mbu moh?” Geh bar mâu lah pe kôranh bu char uănh ma păng.

Êsther 1:10

Ta nar tal pơh, tơlah nuih n'hâm hađăch maak jêh ma ndrănh, hađăch ntĭnh ma Y-Mêhuman, Y-Bistha, Y-Harbôna, Y-Biktha, Y-Abaktha, Y-Sêthar jêh ri Y-Karkas, jêng pơh kôranh bu char pah kan tanăp hađăch Y-Asuêrus,

Êsther 5:14

Ur păng jêng H'Sêres jêh ri phung mĭt jiăng păng lah ma păng: “Ăn bu ƀư tơm si yông trô ko prêh bar jât ma prăm met, jêh ri ôi taơ, dăn hom hađăch ăn yông trô ko Y-Môrdêkai ta nây. Jêh nây may răm maak hăn râng nau sông sa ndrel hađăch.” Nau nchră nây ƀư maak ma Y-Haman, jêh ri păng ăn bu ƀư tơm si yông trô ko.

Êsther 6:14

Tơlah khân păng hôm e dôl nkoch bri đah Y-Haman, phung kôranh bu char hađăch tât ndal, jêh ri leo Y-Haman hăn tât ma nau sông sa H'Êsther nkra jêh.

Êsther 6:2

Tâm ndrom samƀŭt geh bu nchih nau Y-Môrdêkai gĭt nau tâm nchră Y-Bikthan jêh ri Y-Têres jêng bar hê kôranh bu char hađăch geh nau kan gak njrăng mpông pêr, ŭch nkhĭt hađăch Y-Asuêrus.

Êsther 8:7

Hađăch Y-Asuêrus lah ma hađăch bu ur H'Êsther jêh ri ma Y-Môrdêkai, phung Yuđa, pô aơ: “Aơ, gâp ăn jêh ma H'Êsther ngih Y-Haman, jêh ri bu yông trô ko păng yorlah păng hŏ yơr ti ƀư mhĭk ma phung Yuđa.

Êsther 9:14

Hađăch ntrŭnh nau ntăm ăn bu ƀư nau nây, jêh ri bu ăn du nau ntrŭnh tâm ƀon Susa. Bu yông trô ko phung jât nuyh kon bu klâu Y-Haman.

Êsther 9:25

Ƀiălah tơlah nau nây tât tôr hađăch, hađăch ăn samƀŭt nau ntrŭnh pô aơ lĕ nau nchră djơh mhĭk bơh Y-Haman mĭn ŭch ƀư mhĭk ma phung Yuđa mra mplơ̆ sĭt ma bôk păng nơm. Bu yông trô ko păng nđâp ma phung kon bu klâu păng ta tơm si yông trô ko.

Nau Mprơ Ơm 141:10

Ăn phung ƀai prah tâm nhuăl khân păng hŏ nthăng Bi gâp dơi klaih jêh.

Nau Mprơ Ơm 35:8

Ăn nau rai yot tât ndal, Ƀư ma khân păng geh văk nhuăl khân păng nơm nthăng; Jêh ri khân păng tŭp tâm ntŭk rai yot.

Nau Mprơ Ơm 73:19

Ri, bu ƀư rai khân păng tâm ƀât lât, Nau klach toyh ƀư ma khân păng roh rai.

Daniel 6:24

Tĭng nâm hađăch ntăm, jêh ri phung hŏ phong nchơt Y-Daniel ndrel ma ur kon khân păng bu djôt klŭp tâm ntu yau mŭr. Tơlah khân păng mâu hŏ tât tâm dâng ntu pôri yau mŭr hŏ nhŭp jêh ri hêk nkê̆ch lĕ nting khân păng.

Daniel 6:7

Lĕ rngôch phung kôranh toyh tâm ƀon bri hađăch, phung kôranh ntang, phung kôranh nkual, phung kôranh nchră jêh ri phung kôranh chiă uănh dăn da dê ma hađăch ƀư nau ntrŭnh jêh ri ăn du luh nau vay buay ktang mâu dơi ƀư tâm pe jât nar tơlah mbu nơm vơl ma brah mâu lah ma bunuyh êng padih may, ơ hađăch, nơm nây mra klŭp tâm trôm ntu yau mŭr.

I Samuel 17:51

Y-Đavit nchuăt tât ta săk jăn bu klâu Philistin, sŏk đao păng, tŏk luh bơh ndrop nkhĭt păng nơm, jêh nây sŏk đao koh bôk păng. Phung Philistin saơ kôranh janh ktang khân păng lĕ khĭt jêh, khân păng nchuăt du.