Êsther 7:7 - Nau Brah Ndu Ngơi 2023

⁷ Hađăch hao ji nuih, dâk tă bơh sưng sông sa, hăn lăp tâm n'gar kao ngih hađăch. Bi Y-Haman, yorlah păng saơ jêh hađăch hŏ tâm nal jêh ƀư mhĭk ma păng, pôri păng gŭ gay vơl dăn hađăch bu ur H'Êsther gay rklaih nau rêh păng nơm.

Êsther 7:7 ပူးပေါင်းရင်းမြစ်များ

Êsther 1:12

Ƀiălah hađăch bu ur H'Vasti dun hăn tĭng nâm hađăch ntĭnh ma kôranh bu char. Yor nây, hađăch hao ji nuih ngăn.

Êsther 1:5

Tơlah lĕ nar nây lôch jêh, hađăch nkra nau sông sa toyh ma lĕ rngôch phung ƀon lan gŭ ta nây tâm ƀon Susa, ntơm bơh bunuyh toyh lư tât ma bunuyh jê̆, tâm pơh nar ta ntŭk n'gar kao ngih hađăch.

Êsther 7:10

Pônây, bu yông trô ko Y-Haman ta tơm si yông trô ko păng nơm hŏ ndâk jêh ma Y-Môrdêkai. Jêh nây nau hađăch ji nuih aih jêh.

Nau Mprơ Ơm 112:10

Bunuyh ƀai saơ nau nây jêh ri ji nuih, Rket sêk jêh ri roh rai; Nau phung ƀai ŭch mra rai lôch.

Nau Hôr 14:19

Phung mhĭk mra chon mon tanăp măt phung ueh, Jêh ri phung djơh mhĭk gŭ kâp panăp mpông phung sŏng,

Nau Hôr 14:35

Hađăch prăp nau yô̆ ăn ma oh mon gŭ ngao blau mĭn, Ƀiălah păng mra ji nuih ma nơm ƀư nau bêk prêng.

Nau Hôr 16:14

Nau hađăch ji nuih nâm bu nơm mbơh nau khĭt. Ƀiălah bunuyh blau mĭn ƀư ma păng aih jêh.

Nau Hôr 19:12

Nau hađăch nuih nâm bu ngrông yau mŭr, Bi nau yô̆ hađăch nâm bu dak ngom klơ gơ̆ nđĭr.

Êsai 60:14

Phung kon bu klâu phung tŭn jot may Mra văch kŭnh bôk văch ma may; Lĕ rngôch phung tâm rmot ma may Mra chon mon tanăp jâng may. Khân păng mra rnha may jêng Ƀon Brah Yêhôva. Jêng Ƀon Siôn ma Nơm Kloh Ueh Israel.

Daniel 3:19

Rnôk nây, Nêbukatnetsar ji nuih pal muh măt, uănh ma Y-Sadrak, Y-Mêsăk, Y-Abetnêgô jêh ri đă su ŭnh năk duh pơh tơ̆ ktang lơn tĭng nâm bu vay ƀư.

Nau Tâm Mpơl 3:9

Aơ, Gâp ăn ma may phung ƀaƀă jêng phung ngih rƀŭn Satan, phung kơp êng săk khân păng nơm jêng phung Yuđa, ƀiălah nanê̆ mâu di, yorlah khân păng ngơi mƀruh. Aơ, Gâp mra ƀư ăn khân păng văch chon mon ta jâng may, jêh ri khân păng mra gĭt Gâp rŏng ma may jêh.

I Samuel 20:7

Tơlah păng plơ̆ lah: ‘Ueh jêh!’ pôri oh mon may mra dơi nau đăp mpăn. Bi tơlah păng ji nuih, gĭt hom pô aơ păng mĭn ŭch ƀư mhĭk ma gâp.

I Samuel 20:9

Y-Jônathan lah: “Dăn may lơi mĭn pônây ôh! Ƀiălah, tơlah gâp gĭt mbơ̆ gâp ŭch ƀư mhĭk ma may, mâm ƀư gâp mâu ăn ma may gĭt?”

I Samuel 25:17

Pôri aƀaơ, ăn ay gĭt mra ƀư moh nau, yorlah bu lĕ dăp nal jêh mra nkhŭt nau mhĭk ma kôranh hên jêh ri ma lĕ ngih vâl păng. Kôranh janh ƀai ngăn, mâu iăt nau ngơi bu ôh.”