Êsther 7:6 - Nau Brah Ndu Ngơi 2023

⁶ H'Êsther plơ̆ lah: “Du huê rlăng jêh ri mhĭk jêng Y-Haman djơh aơ yơh!” Rnôk nây, Y-Haman klach ngăn tanăp hađăch jêh ri hađăch bu ur.

Êsther 7:6 ပူးပေါင်းရင်းမြစ်များ

Nêhêmi 6:16

Tơlah lĕ rngôch phung rlăng jêh ri lĕ ntil mpôl bunuyh êng gŭ jŭm hên, khân păng gĭt nau nây, pôri geh nau klach da dê jêh ri geh nau rdja nuih n'hâm yorlah khân păng gĭt saơ ma kan aơ dơi jêng yor tă Brah Ndu hên kâp kơl.

Êsther 3:10

Hađăch tŏk rgên bơh ti păng ro jêh ri ăn ma Y-Haman, kon bu klâu Y-Hamêdatha, phung Agak, nơm rlăng đah phung Yuđa.

Êsther 7:5

Hađăch Y-Asuêrus ngơi đah hađăch bu ur H'Êsther: “Mbu moh nây? Ta ntŭk păng gŭ, nơm janh ƀư nau aơ?”

Êsther 8:1

Tâm nar nây, hađăch Y-Asuêrus ăn ma hađăch bu ur H'Êsther ngih Y-Haman, jêng nơm rlăng đah phung Yuđa. Bi ma Y-Môrdêkai văch tanăp hađăch, yorlah H'Êsther mbơh păng jêng dăch deh đah păng nơm.

Nau Mprơ Ơm 27:2

Tơlah phung ƀai jêh ri phung rlăng hăn lơh gâp, Khân păng ŭch sa hêk rvăn nglay săk gâp Pôri khân păng chêh prah da dê.

Nau Hôr 16:14

Nau hađăch ji nuih nâm bu nơm mbơh nau khĭt. Ƀiălah bunuyh blau mĭn ƀư ma păng aih jêh.

Nơm Nti 5:8

Dôl may saơ tâm du n'gor geh phung o ach bu tŭn jot, nau sŏng jêh ri nau di bu jot rchal, lơi ta hih rhâl ôh ma nau nây; yorlah du hê kôranh toyh geh kôranh toyh lơn nking n'gang jêh ri ta klơ khân păng hôm e geh kôranh toyh lơn đŏng.

Êsai 21:4

Nuih n'hâm gâp uh ah, Nau klach krit ƀư ăn gâp hih rhâl; Gâp kâp gân tâm kêng măng Plơ̆ jêng nau klach krit ma gâp.

I Kôrintô 5:13

Brah Ndu mra phat dôih ma phung padih. “Ngluh lơi hom phung bunuyh djơh mhĭk luh bơh khân may.”

II Têsalônik 2:8

Rnôk nây phung djơh mhĭk mra tâm mpơl, jêh ri Kôranh Brah jêng Brah Yêsu mra nkhĭt ăn khĭt păng ma n'hâm bơh trôm mbung Păng, ƀư rai păng ma nau chrêk rmah nôk Păng plơ̆ văch.

I Samuel 24:13

Brah Yêhôva mra plơng bôk may jêh ri gâp; ƀiălah gâp mâu yơr ti ƀư ma may ôh.