Êsther 7:4 - Nau Brah Ndu Ngơi 2023

⁴ Yorlah bu tăch jêh gâp jêh ri phung ƀon lan gâp, ŭch ƀư rai lơi, nkhĭt lơi, jêh ri ƀư rai lôch lơi. Tơlah tăch hên gay ăn ƀư dĭk, gâp hŏ gŭ rklăk, yorlah nau rêh ni phung ƀon lan gâp mâu dơi tâm ntĭt ôh nau uh ah hađăch.”

Êsther 7:4 ပူးပေါင်းရင်းမြစ်များ

Nêhêmi 5:5

Hên geh đŏng săk jăn nâm bu oh nâu hên jêh ri phung kon hên nâm bu phung kon khân păng, ƀiălah ăn hên nchâp phung kon bu klâu jêh ri phung bu ur hên ƀư dĭk. Phung bu ur hên geh nơm hŏ ƀư dĭk jêh, ƀiălah hên mâu geh nau dơi chuai tay khân păng ôh; yorlah tâm lŏ sre jêh ri đang krăk ƀâu hên hŏ jêng ndơ ma phung êng jêh.”

Êsther 3:13

Khân păng njuăl samƀŭt ma phung njŭn ma lĕ rngôch n'gor bri hađăch, ntăm gay ŭch ƀư rai, nkhĭt lơi, jêh ri ƀư roh lĕ rngôch phung Yuđa mâu gĭt bu ranh, mom ndăm, bu ur nđâp kon se, tâm du nar nây, jêng nar jât ma pe, khay jât ma bar jêng khay Adar jêh ri pit in lĕ ndô ndơ khân păng.

Êsther 3:9

Tơlah nau aơ di nau hađăch mĭn, dăn hađăch ăn bu nchih samƀŭt nau ntrŭnh ƀư rai lơi khân păng, jêh ri gâp mra chê̆ pe rhiăng prăm jât rbăn tân prăk tâm ti phung kôranh tâm ngih hađăch gay khân păng djôt leo tâm jay prăp hađăch.”

Êsther 7:5

Hađăch Y-Asuêrus ngơi đah hađăch bu ur H'Êsther: “Mbu moh nây? Ta ntŭk păng gŭ, nơm janh ƀư nau aơ?”

Êsther 7:6

H'Êsther plơ̆ lah: “Du huê rlăng jêh ri mhĭk jêng Y-Haman djơh aơ yơh!” Rnôk nây, Y-Haman klach ngăn tanăp hađăch jêh ri hađăch bu ur.

Êsther 8:11

Tâm samƀŭt nây, hađăch ăn nau dơi ma phung Yuđa gŭ tâm ăp n'gor, ăp ƀon hađăch Y-Asuêrus tâm rƀŭn gay king n'gang nau rêh khân păng nơm, ƀư rai, nkhĭt lơi, rai yot lĕ phung djôt ndơ tâm lơh rduh lơh khân păng, mâu kơp moh phung ƀon lan, moh n'gor, bu ur mâu lah phung kon se jê̆ jêh ri sŏk pit drăp ndơ khân păng.

Êsther 8:6

Yorlah mâm gâp uănh saơ nau mhĭk tât ma phung ƀon lan gâp? Mâu lah mâm gâp saơ nau ƀư rai phung ndŭl mpôl gâp?”

Êsther 9:25

Ƀiălah tơlah nau nây tât tôr hađăch, hađăch ăn samƀŭt nau ntrŭnh pô aơ lĕ nau nchră djơh mhĭk bơh Y-Haman mĭn ŭch ƀư mhĭk ma phung Yuđa mra mplơ̆ sĭt ma bôk păng nơm. Bu yông trô ko păng nđâp ma phung kon bu klâu păng ta tơm si yông trô ko.

Daniel 6:2

jêh ri klơ khân păng geh pe nuyh kôranh toyh, du huê tâm pe nuyh nây jêng Y-Daniel. Phung kôranh nkual mbơh kan ma pe nuyh kôranh toyh aơ gay lơi ăn geh nau mhĭk tât ma ngih hađăch ôh.

Yôel 3:6

khân may tăch jêh phung ƀon lan Yuđa jêh ri ƀon Yêrusalem ma phung Grek, mprơh khân păng du luh bơh bri khân păng nơm.

Amôt 2:6

Brah Yêhôva lah: “Yor nau tih mhĭk Israel ntop hôm ntop nau tih mhĭk Yor ri Gâp mâu rhuăt tay nau tâm rmal ma păng. Yorlah khân păng hŏ tăch bunuyh sŏng srăng sŏk prăk, Tăch phung ndĭt trơi sŏk du kôp jep.

Luka 12:45

Ƀiălah tơlah oh mon nây lah tâm nuih n'hâm păng: ‘Kôranh gâp ê hŏ plơ̆ sĭt ro ôh,’ pônây păng ntơm dong mbang oh mon bu klâu, oh mon bu ur, jêh nây sông sa nhêt nhŭl ndrănh.

Nau Vay Nkah Tay 28:68

Brah Yêhôva mra njŭn khân may plơ̆ tay ta n'gor Êjipt ma kumpăn, ma trong gâp hŏ tă lah jêh, khân may mâu hôm saơ păng ôh. Ta nây khân may mra tăch khân may nơm ƀư dĭk ma phung rlăng, ƀiălah mâu geh ôh nơm rvăt.”

Yôsuê 9:23

Yor ri, bu rak rtăp ma khân may jêh ri khân may mra jêng dĭk ƀaƀơ, chôk long, bâk dak ma ngih Brah Ndu gâp.”

I Samuel 22:23

Gŭ hom ndrel ma gâp, lơi klach ôh! Yorlah mbu joi nau ƀư mhĭk ma nau rêh may jêng joi nau ƀư mhĭk đŏng ma nau rêh gâp. Gŭ ndrel ma gâp, may mra dơi geh nau đăp mpăn.”