Êsther 7:3 - Nau Brah Ndu Ngơi 2023

³ Hađăch bu ur H'Êsther plơ̆ lah: “Hơi hađăch, tơlah gâp geh nau yô̆ tanăp may jêh ri tơlah di nau hađăch mĭn, dăn may rklaih nau rêh gâp jêh ri nau rêh phung ƀon lan gâp.

Êsther 7:3 ပူးပေါင်းရင်းမြစ်များ

I Phung Hađăch 20:31

Phung oh mon Y-Ben-Hadat lah ma hađăch: “Hên tăng bu lah jêh phung hađăch ngih Israel geh nau ueh. Yor ri, dăn ăn ma hên sŏk nsrôt ƀau ta gang bŭt jêh ri mpân rse brăt ta bôk, jêh nây hên hăn ran ma hađăch Israel; klăp lah păng ăn ma hađăch rêh!”

II Phung Hađăch 1:13

Hađăch prơh đŏng du huê kôranh ma prăm jât nuyh tahan rơh pe djôt leo prăm jât bunuyh tahan păng hăn. Kôranh aơ hăn hao, jêh ri tơlah văch ta ntŭk, chon kômâk panăp Y-Êli, vơh vơl: “Hơi bunuyh Brah Ndu, gâp dăn ma may uănh khlay nau rêh gâp jêh ri nau rêh prăm jât bunuyh aơ, jêng phung oh mon may.

Êsther 4:8

Tâm ban lĕ Y-Môrdêkai ăn ma kôranh bu char du pŏk samƀŭt kơt nchih samƀŭt nau ntrŭnh hŏ ntăm ta ƀon Susa gay ƀư rai lơi lĕ phung Yuđa, gay kôranh bu char mbơh samƀŭt nây ma H'Êsther jêh ri rblang samƀŭt nây ma păng, jêh ri ntrôl păng hăn lăp tanăp hađăch, vơh vơl ma hađăch yô̆ nđach ma phung ƀon lan păng nơm.

Êsther 5:8

Tơlah gâp geh jêh nau yô̆ tanăp măt hađăch, jêh ri tơlah hađăch maak nuih n'hâm ăn ndơ gâp dăn jêh ri ndơ gâp ŭch, ăn hađăch jêh ri Y-Haman văch râng nau sông sa gâp mra nkra ta nar ôi taơ, jêh nây gâp mra ƀư tĭng nâm nau hađăch lah.”

Êsther 7:7

Hađăch hao ji nuih, dâk tă bơh sưng sông sa, hăn lăp tâm n'gar kao ngih hađăch. Bi Y-Haman, yorlah păng saơ jêh hađăch hŏ tâm nal jêh ƀư mhĭk ma păng, pôri păng gŭ gay vơl dăn hađăch bu ur H'Êsther gay rklaih nau rêh păng nơm.

Êsther 8:5

Păng lah: “Tơlah di nau hađăch mĭn, tơlah gâp geh nau yô̆ tanăp măt hađăch, jêh ri tơlah hađăch saơ nau aơ jêng di jêh ri tơlah gâp ƀư ueh ma măt hađăch, dăn ma hađăch ntrŭnh gay chalơi lĕ samƀŭt Y-Haman, kon bu klâu Y-Hamêdatha, bunuyh Agak, hŏ nchră nchih njuăl jêh gay ƀư rai lơi phung Yuđa gŭ tâm lĕ rngôch n'gor bri hađăch.

Ndrom Samƀŭt bơh Yôp 2:4

Satan plơ̆ sĭt lah ma Brah Yêhôva, “‘Sŏk ntâu ntrok ntâu!’ Khân păng rơm ndrăp jêh ăn lĕ rngôch ndơ păng geh gay tâm rklaih nau rêh păng.

Yêrêmi 38:26

ăn may plơ̆ lah hom: ‘Gâp hŏ vơl dăn jêh ma hađăch lơi ta nhŭp ôh gâp plơ̆ sĭt ma ngih Y-Jônathan, klach lah gâp khĭt ta nây.’”