Êsther 7:10 - Nau Brah Ndu Ngơi 2023

¹⁰ Pônây, bu yông trô ko Y-Haman ta tơm si yông trô ko păng nơm hŏ ndâk jêh ma Y-Môrdêkai. Jêh nây nau hađăch ji nuih aih jêh.

Êsther 7:10 ပူးပေါင်းရင်းမြစ်များ

Nau Ntơm 40:22

Ƀiălah hađăch đă yông trô ko kôranh ƀư piăng let, nâm nau Y-Yôsep hŏ rblang jêh.

Êsther 2:1

Jêh nau nây, tơlah nau hađăch Asuêrus ji nuih lĕ aih jêh, hađăch kah gĭt tay ma H'Vasti, ma nau kan păng hŏ ƀư jêh ri ma nau păng ntrŭnh gay sŏk sưng hađăch bu ur tă bơh H'Vasti.

Êsther 5:14

Ur păng jêng H'Sêres jêh ri phung mĭt jiăng păng lah ma păng: “Ăn bu ƀư tơm si yông trô ko prêh bar jât ma prăm met, jêh ri ôi taơ, dăn hom hađăch ăn yông trô ko Y-Môrdêkai ta nây. Jêh nây may răm maak hăn râng nau sông sa ndrel hađăch.” Nau nchră nây ƀư maak ma Y-Haman, jêh ri păng ăn bu ƀư tơm si yông trô ko.

Êsther 7:7

Hađăch hao ji nuih, dâk tă bơh sưng sông sa, hăn lăp tâm n'gar kao ngih hađăch. Bi Y-Haman, yorlah păng saơ jêh hađăch hŏ tâm nal jêh ƀư mhĭk ma păng, pôri păng gŭ gay vơl dăn hađăch bu ur H'Êsther gay rklaih nau rêh păng nơm.

Êsther 7:8

Tơlah hađăch tă bơh n'gar kao ngih hađăch plơ̆ sĭt lăp ma ntŭk sông sa, Y-Haman dôl chon mon ta sưng bê̆ch ntŭk H'Êsther dôl gŭ. Hađăch lah: “Tâm ngih hađăch tanăp măt gâp, mâm dĭng păng hôm janh ƀư bêk hađăch bu ur?” Nau ngơi mhe luh bơh trôm mbung hađăch, bu nkŭm muh măt Y-Haman.

Êsther 8:7

Hađăch Y-Asuêrus lah ma hađăch bu ur H'Êsther jêh ri ma Y-Môrdêkai, phung Yuđa, pô aơ: “Aơ, gâp ăn jêh ma H'Êsther ngih Y-Haman, jêh ri bu yông trô ko păng yorlah păng hŏ yơr ti ƀư mhĭk ma phung Yuđa.

Êsther 9:14

Hađăch ntrŭnh nau ntăm ăn bu ƀư nau nây, jêh ri bu ăn du nau ntrŭnh tâm ƀon Susa. Bu yông trô ko phung jât nuyh kon bu klâu Y-Haman.

Êsther 9:25

Ƀiălah tơlah nau nây tât tôr hađăch, hađăch ăn samƀŭt nau ntrŭnh pô aơ lĕ nau nchră djơh mhĭk bơh Y-Haman mĭn ŭch ƀư mhĭk ma phung Yuđa mra mplơ̆ sĭt ma bôk păng nơm. Bu yông trô ko păng nđâp ma phung kon bu klâu păng ta tơm si yông trô ko.

Ndrom Samƀŭt bơh Yôp 18:8

Yorlah jâng păng văk tâm dăk nhuăl, Jêh ri chuat hăn tâm dăk bu sân.

Ndrom Samƀŭt bơh Yôp 20:8

Păng mpăr nâm bu du nau mbơi, mâu geh ôh bunuyh dơi joi tay; Bu ntrŭt lơi nâm bu nau tâm saơ dôl măng.

Nau Mprơ Ơm 37:15

Ƀiălah đao khân păng mra ntâp tâm nuih n'hâm khân păng nơm Jêh ri na khân păng bu mra nkê̆ch pă.

Nau Mprơ Ơm 7:16

Nau tih mhĭk păng mra nkhŭt ta klơ bôk păng. Jêh ri nau rêh ni mra tŭp ta klơ ndăr kleng păng nơm.

Nau Mprơ Ơm 94:23

Păng mra har plơng ma khân păng yor nau ƀai khân păng, Jêh ri ƀư rai khân păng yor nau djơh mhĭk khân păng; Yêhôva Brah Ndu hên mra ƀư rai khân păng.

Nau Hôr 11:27

Mbu nơm joi nau ueh mra mâp nau yô̆, Mbu nơm tĭng joi nau mhĭk, nau mhĭk mra tât ma păng.

Nau Hôr 11:8

Bunuyh sŏng srăng dơi rklaih bơh nau rung răng, Bi bunuyh djơh mhĭk ntrok ntŭk păng.

Nau Hôr 26:27

Mbu nơm kuyh ntu mra tŭp tâm ntu nây; Mbu nơm rlă lŭ, lŭ plơ̆ tŭn tay.

Yêrêmi 34:17

Yor nây, Brah Yêhôva lah: pô aơ: ‘Khân may mâu tông ôh bâr Gâp, mâu geh du huê mbơh ôh nau kon me ma oh nâu jêh ri nơm chiau meng păng.’ Brah Yêhôva lah: ‘Aơ, Gâp mbơh “nau kon me” ma khân may, nâm bu ntĭt jao khân may mâp ma tak đao, nau ji tưp, sa sât ji ngot, mra ƀư ma khân may plơ̆ jêng tâm rmot ma lĕ rngôch bri hađăch ta neh ntu.

Êsêkiêl 5:13

Nau Gâp ji nuih mra dơi lôch jêh ri nau Gâp ji nuih ma khân păng kŏ tât mpay jêh ri aih jêh. Tơlah Gâp hŏ ƀư lĕ lôch jêh nau Gâp nuih ma khân păng pôri khân păng mra gĭt yor nuih n'hâm duh nđơr Gâp nơm yơh, Brah Yêhôva, hŏ lah jêh ma khân păng.

Daniel 6:24

Tĭng nâm hađăch ntăm, jêh ri phung hŏ phong nchơt Y-Daniel ndrel ma ur kon khân păng bu djôt klŭp tâm ntu yau mŭr. Tơlah khân păng mâu hŏ tât tâm dâng ntu pôri yau mŭr hŏ nhŭp jêh ri hêk nkê̆ch lĕ nting khân păng.

Daniel 6:25

Rnôk nây hađăch Darius nchih samƀŭt ma lĕ rngôch phung ƀon lan, lĕ bri dak, lĕ nau ngơi nau gŭ lam neh ntu: “Ăn nau ueh ma khân may dơi geh nau đăp mpăn âk rmeh!

Sakari 6:8

Jêh nây, tông mpăr kuăl gâp ma bâr huy jêh ri lah ma gâp: “Uănh hom, phung seh hăn tât bri mpeh pa lơ hŏ ƀư ăn ma Huêng Brah Gâp gŭ rlu tâm bri mpeh pa lơ.”

Phung Kôranh Phat Dôih 15:7

Y-Samsôn lah: “Tơlah khân may ƀư kơt nây gâp ton mra har plơng ma khân may jêh nau nây gâp mra gŭ mpăn.”