Êsther 6:12 - Nau Brah Ndu Ngơi 2023

¹² Jêh nau nây, Y-Môrdêkai plơ̆ sĭt ta ntŭk mpông pêr ngih hađăch. Bi ma Y-Haman hăn sĭt ndal leo ta ngih păng nơm, rngot rvê jêh ri nkŭm bôk păng.

Êsther 6:12 ပူးပေါင်းရင်းမြစ်များ

II Samuel 15:30

Y-Đavit hăn hao klơ yôk Ôlive, nkre nhĭm nkre chuat, nkŭm bôk păng jêh ri chuat jâng dơm. Lĕ rngôch phung ƀon lan hăn tĭng hađăch nkŭm bôk khân păng, jêh ri nkre nhĭm nkre hăn.

II Samuel 17:23

Tơlah Y-Ahitôpel saơ bu mâu ƀư tĭng nau nchră păng, păng dăp ưn seh bri păng hăn trong plơ̆ sĭt ma ngih păng tâm ƀon păng nơm. Jêh păng ƀư lôch lĕ kan ma ngih vâl păng, păng nkhĭt săk nơm. Bu tâp păng tâm môch mbơ̆ păng.

I Phung Hađăch 20:43

Hađăch Israel plơ̆ sĭt ma ngih hađăch păng ta Samari, rngot ngăn jêh ri ji nuih ngăn.

I Phung Hađăch 21:4

Y-Ahap plơ̆ sĭt tâm ngih păng, rngot ngăn jêh ri ji nuih, yor nau Y-Nabôt, bunuyh Jesrêel hŏ lah ma păng pô aơ: “Gâp mâu ăn ôh ma may drăp ndơn bơh chô yau gâp.” Y-Ahap lâng bê̆ch ta sưng bê̆ch păng, nkêng muh măt păng, mâu ŭch sông sa nhêt.

I Phung Hađăch 21:6

Hađăch plơ̆ lah: “Yorlah gâp hŏ ngơi lah jêh ma Y-Nabôt bunuyh Jesrêel, jêh ri lah: ‘Ăn ma gâp đang krăk ƀâu may tâm rgâl ma rnoh prăk, mâu lah tơlah may ŭch, gâp mra rgâl ma may du đang krăk ƀâu êng.’ Ƀiălah păng plơ̆ lah pô aơ: ‘Gâp mâu mra ăn ôh ma may đang krăk ƀâu gâp.’”

II Nau Rêh Jêng 26:20

Kôranh ƀư brah toyh lơn Y-Asaria jêh ri lĕ rngôch phung kôranh ƀư brah êng, saơ păng geh ji phŭng ta ndăr kleng, bu mpâk ndal păng luh du tă bơh nây; jêh ri păng nơm hăn luh ndal đŏng, yorlah Brah Yêhôva rmal păng.

Êsther 2:19

Tơlah phung bu ur druh tâm rgum băl tal bar, Y-Môrdêkai gŭ ta mpông pêr ngih hađăch.

Êsther 6:11

Y-Haman njŭn leo seh jêh ri sŏk ao hađăch nsoh an ma Y-Môrdêkai, jêh nây leo păng ncho seh nsong jŭm nkual toyh tâm ƀon, jêh ri nter lah tanăp măt păng pô aơ: “Bu mra ƀư tâm ban pônây ma bunuyh hađăch ŭch yơk!”

Êsther 7:8

Tơlah hađăch tă bơh n'gar kao ngih hađăch plơ̆ sĭt lăp ma ntŭk sông sa, Y-Haman dôl chon mon ta sưng bê̆ch ntŭk H'Êsther dôl gŭ. Hađăch lah: “Tâm ngih hađăch tanăp măt gâp, mâm dĭng păng hôm janh ƀư bêk hađăch bu ur?” Nau ngơi mhe luh bơh trôm mbung hađăch, bu nkŭm muh măt Y-Haman.

Ndrom Samƀŭt bơh Yôp 20:5

Nau dơi phung ƀai jêng gleh dơm, Jêh ri nau răm maak phung mâu chroh knŏng ƀât lât?

Ndrom Samƀŭt bơh Yôp 9:24

Bri dak tŭp tâm ti phung ƀai Păng nkŭm lơi măt phung kôranh phat dôih; Tơlah mâu di Păng, mbu hôm đŏng?

I Samuel 3:15

Y-Samuel gŭ bê̆ch tât ôi, jêh nây păng pơk lĕ mpông ngih Brah Yêhôva. Y-Samuel klach mâu nănh nkoch tay nau tâm saơ nây ma Y-Êli.