Êsther 6:11 - Nau Brah Ndu Ngơi 2023

¹¹ Y-Haman njŭn leo seh jêh ri sŏk ao hađăch nsoh an ma Y-Môrdêkai, jêh nây leo păng ncho seh nsong jŭm nkual toyh tâm ƀon, jêh ri nter lah tanăp măt păng pô aơ: “Bu mra ƀư tâm ban pônây ma bunuyh hađăch ŭch yơk!”

Êsther 6:11 ပူးပေါင်းရင်းမြစ်များ

Êsra 6:13

Y-Tatênai, kôranh mât uănh n'gor đah ri dak krong, Y-Sêthar-Bôsênai jêh ri phung pah kan ndrel khân păng srôih ƀư nau ntrŭnh bơh hađăch Darius hŏ ntăm.

Êsther 6:10

Hađăch lah ma Y-Haman: “Gơnh ndal hom djôt leo ao hađăch jêh ri seh, nâm bu nau may lah jêh, jêh ri ƀư pônây ma Y-Môrdêkai, bunuyh Yuđa, dôl gŭ ta mpông pêr ngih hađăch, lơi chalơi du ntil lĕ rngôch nau may hŏ lah.”

Êsther 6:12

Jêh nau nây, Y-Môrdêkai plơ̆ sĭt ta ntŭk mpông pêr ngih hađăch. Bi ma Y-Haman hăn sĭt ndal leo ta ngih păng nơm, rngot rvê jêh ri nkŭm bôk păng.

Êsther 8:15

Y-Môrdêkai hăn luh bơh ngih hađăch, nsoh ao hađăch ĭr jêh ri nglang, ndô du mlâm đon hađăch toyh ma mah jêh ri nsoh du ao jong ma bok mhay rhên chăng krăk. Phung ƀon lan ƀon Susa troh nter jêh ri răm rhơn.

Êsther 9:3

Lĕ rngôch phung kôranh n'gor, kôranh kuăn bôk, kôranh chiă uănh, jêh ri kôranh chiă uănh phung ta ngih hađăch, kâp kơl phung Yuđa da dê, yorlah khân păng klach yơk Y-Môrdêkai.

Nau Hôr 27:18

Mbu nơm mât mray tơm rvi mra sa play păng, Jêh ri mbu nơm pah kan ma kôranh păng mra geh nau yơk.

Êsai 60:14

Phung kon bu klâu phung tŭn jot may Mra văch kŭnh bôk văch ma may; Lĕ rngôch phung tâm rmot ma may Mra chon mon tanăp jâng may. Khân păng mra rnha may jêng Ƀon Brah Yêhôva. Jêng Ƀon Siôn ma Nơm Kloh Ueh Israel.

Luka 1:52

Păng n'glưh nsot sưng hađăch lĕ phung chiă uănh, Jêh ri hŏ n'hao phung bunuyh dêh rhêt hao.

Nau Tâm Mpơl 3:9

Aơ, Gâp ăn ma may phung ƀaƀă jêng phung ngih rƀŭn Satan, phung kơp êng săk khân păng nơm jêng phung Yuđa, ƀiălah nanê̆ mâu di, yorlah khân păng ngơi mƀruh. Aơ, Gâp mra ƀư ăn khân păng văch chon mon ta jâng may, jêh ri khân păng mra gĭt Gâp rŏng ma may jêh.