Êsther 6:10 - Nau Brah Ndu Ngơi 2023

¹⁰ Hađăch lah ma Y-Haman: “Gơnh ndal hom djôt leo ao hađăch jêh ri seh, nâm bu nau may lah jêh, jêh ri ƀư pônây ma Y-Môrdêkai, bunuyh Yuđa, dôl gŭ ta mpông pêr ngih hađăch, lơi chalơi du ntil lĕ rngôch nau may hŏ lah.”

Êsther 6:10 ပူးပေါင်းရင်းမြစ်များ

II Phung Hađăch 10:10

Pônây, aƀaơ ri, ăn gĭt rah vah ngăn pô aơ: Tâm nau Brah Yêhôva hŏ lah ma ngih Y-Ahap mâu mra geh ôh du nau mâu mra ăn tât tĭng nâm Brah Ndu ngơi; nau nây Brah Yêhôva ngơi jêh di ma ngih Y-Ahap, yorlah Brah Yêhôva ƀư jêh nau Păng hŏ ngơi ma oh mon Păng Y-Êli.”

Êsther 6:11

Y-Haman njŭn leo seh jêh ri sŏk ao hađăch nsoh an ma Y-Môrdêkai, jêh nây leo păng ncho seh nsong jŭm nkual toyh tâm ƀon, jêh ri nter lah tanăp măt păng pô aơ: “Bu mra ƀư tâm ban pônây ma bunuyh hađăch ŭch yơk!”

Êsther 6:9

Ao hađăch jêh ri seh jao hom tâm ti kôranh toyh hađăch gay nsoh ma nơm hađăch ŭch yơk, jêh nây njŭn leo nơm nây ncho seh nsong jŭm nkual toyh tâm ƀon jêh ri mbơh pô aơ: ‘Bu mra ƀư tâm ban pônây ma bunuyh hađăch ŭch yơk.’”

Nau Mprơ Ơm 31:24

Hơi lĕ bunuyh gŭ kâp Brah Yêhôva, Ăn geh hom nuih n'hâm nâp!

Daniel 4:37

Aƀaơ aơ, gâp, Y-Nêbukatnetsar mprơ tâm rnê, mât ton jêh ri yơk ma hađăch tâm Trôk Yorlah lĕ nau kan Păng jêng nanê̆ ngăn da dê Jêh ri lĕ trong Păng jêng sŏng da dê. Mbu nơm hăn tâm nau sưr Păng mra ntrŭnh.

Luka 14:11

Yorlah mbu nơm n'hao êng păng nơm bu mra ntrŭnh, ƀiălah mbu nơm ntrŭnh êng păng nơm bu mra n'hao păng.”

Nau Tâm Mpơl 18:7

Păng tâm rnê êng ma păng nơm jêh ri gŭ rêh dŭt ndrŏng dŭt maak, Ri mơ ƀư hom ma păng dơn nau rêh ni jêh ri nau klâng ndrê kơt nây đŏng. Yorlah păng lah tâm nuih n'hâm pô aơ: ‘Gâp gŭ jêh tâm ban ma hađăch bu ur! Gâp mâu di jêng bu ur ndrô, Gâp mâu mra geh nau klâng rvê ôh.’