Êsther 5:4 - Nau Brah Ndu Ngơi 2023

⁴ H'Êsther lah: “Tơlah di nau hađăch mĭn, dăn hađăch jêh ri Y-Haman văch nar aơ ma nau sông sa gâp nkra jêh ma hađăch.”

Êsther 5:4 ပူးပေါင်းရင်းမြစ်များ

Nau Ntơm 27:25

Jêh nây Y-Isăk đă: “Djôt ăn ma mbơ̆ puăch bri ndơ may geh nchron gay ăn mbơ̆ sa jêh ri ăn nau ueh uĭn ma may.” Y-Yakôb ndrăp ăn ma mbơ̆ păng sa jêh ri njŭn ndrănh ma mbơ̆ păng nhêt đŏng.

Nau Ntơm 32:20

jêh ri lah: ‘Ri, oh mon may Y-Yakôb, hăn pakơi hên.’” Yorlah Y-Yakôb mĭn êng: “Gâp njuăl lĕ ndơ ăn nây hăn lor ma gâp gay ƀư ma Y-Êsau bah ji nuih, jêh nây dĭng mâp muh măt; klăp lah păng mra vơt dơn gâp ueh.”

Êsther 1:9

Tâm nôk nây, hađăch bu ur H'Vasti nkra du nau nhêt sông toyh ma phung bu ur tâm ngih hađăch Y-Asuêrus.

Êsther 3:15

Phung djôt leo samƀŭt hăn ma nau ndal tĭng nâm nau hađăch ntĭnh. Samƀŭt nau ntrŭnh nây bu njuăl đŏng ma ƀon bri hađăch Susa. Jêh nau nây, hađăch jêh ri Y-Haman gŭ nhêt ndrănh tâm nôk ƀon Susa geh nau uh ah rŭng răng.

Êsther 5:3

Hađăch ngơi ma păng: “Moh nau tât, hơi hađăch bu ur H'Êsther? Moh nau ay ŭch dăn? Nđâp tơlah ay dăn kŏ tât du n'gul ƀon bri hađăch gâp, gâp mra ăn đŏng.”

Êsther 5:5

Hađăch lah: “Jă hom Y-Haman hăn tât gơnh, tĭng nâm nau hađăch bu ur hŏ lah.” Pôri hađăch jêh ri Y-Haman hăn ma nau sông sa H'Êsther nkra jêh.

Êsther 5:8

Tơlah gâp geh jêh nau yô̆ tanăp măt hađăch, jêh ri tơlah hađăch maak nuih n'hâm ăn ndơ gâp dăn jêh ri ndơ gâp ŭch, ăn hađăch jêh ri Y-Haman văch râng nau sông sa gâp mra nkra ta nar ôi taơ, jêh nây gâp mra ƀư tĭng nâm nau hađăch lah.”

Nau Mprơ Ơm 112:5

Ueh maak yơh ma nơm geh nuih n'hâm lŏng, ăn bu chan Jêh ri ƀĭt gai lĕ nau kan tâm nau sŏng.

Nau Hôr 29:11

Bunuyh rluk mpơl lĕ nau ji nuih păng nơm, Bi bunuyh blau mĭn nsrôih ât nau nuih păng.

I Kôrintô 14:20

Hơi phung oh nâu, ma nau gĭt rbăng, lơi jêng nâm bu kon se ôh; ƀiălah ma nau mhĭk, ăn jêng nâm bu kon se. Ma nau gĭt rbăng, ăn jêng nâm bu bunuyh văch ma toyh.