Êsther 5:14 - Nau Brah Ndu Ngơi 2023

¹⁴ Ur păng jêng H'Sêres jêh ri phung mĭt jiăng păng lah ma păng: “Ăn bu ƀư tơm si yông trô ko prêh bar jât ma prăm met, jêh ri ôi taơ, dăn hom hađăch ăn yông trô ko Y-Môrdêkai ta nây. Jêh nây may răm maak hăn râng nau sông sa ndrel hađăch.” Nau nchră nây ƀư maak ma Y-Haman, jêh ri păng ăn bu ƀư tơm si yông trô ko.

Êsther 5:14 ပူးပေါင်းရင်းမြစ်များ

II Samuel 16:21

Y-Ahitôpel lah ma Y-Apsalôm: “Hađăch hăn văch hom lăp gŭ ndrel phung ur yông mbơ̆ may, phung păng mât mray ngih hađăch. Tơlah phung Israel gĭt may hŏ tâm rmot jêh ma mbơ̆ may nây; pôri lĕ rngôch phung gŭ n'hanh may lơ jêng ktang lơn.”

I Phung Hađăch 21:25

Nanê̆ ngăn, mâu geh ôh bunuyh tâm ban ma Y-Ahap, tăch êng păng nơm gay ƀư nau mhĭk tanăp măt Brah Yêhôva, jêng nơm H'Jêsêbel ur păng hŏ nsŭk nsôr.

I Phung Hađăch 21:7

Hađăch bu ur H'Jêsêbel, lah: “Mâu di hĕ may chiă uănh phung Israel aƀaơ ri? Dâk hom, sông sa nhêt jêh ri geh nuih n'hâm maak. Gâp mra nkơ ma may đang krăk ƀâu Y-Nabôt, bunuyh Jesrêel.”

Êsther 6:4

Hađăch ôp: “Mbu nơm gŭ padih tâm nkual nhuang?” Rnôk nây, Y-Haman mhe hăn lăp tâm nkual nhuang, jêng tâm nkual padih ngih hađăch, gay dăn hađăch ntrŭnh nau yông trô ko Y-Môrdêkai ta n'gâng yông trô ko păng nkra jêh ma Y-Môrdêkai.

Nau Mprơ Ơm 37:14

Phung mhĭk tŏk đao jêh ri van na Gay ma nkhĭt nơm o ach jêh ri nơm pưt kƀah, Gay ma nkhĭt phung hăn tĭng trong sŏng di.

Nau Mprơ Ơm 37:32

Phung mhĭk rmoch kâp bunuyh sŏng srăng Jêh ri joi kô̆ nau gay nkhĭt bunuyh nây.

Nau Mprơ Ơm 9:15

Phung ƀon lan tŭp jêh tâm ntu jru khân păng hŏ kuyh jêh; Jâng khân păng văk tâm nhuăl khân păng nơm nthăng jêh.

Nau Hôr 1:18

Ƀiălah khân păng kâp dâp gay ƀư pling mham păng nơm, Rmoch ƀư rai nau rêh păng nơm.

Nau Hôr 4:16

Yorlah khân păng mâu nhêp măt tơlah ê hŏ ƀư nau mhĭk; Mâu đăp bê̆ch tơlah ê hŏ ƀư tŭp ma du huê bunuyh.

Samƀŭt Pôl Njuăl Ăn Ma Phung Nsing Ta Ƀon Rôm 1:32

Khân păng rlau ma gĭt nau vay Brah Ndu hŏ nal pô aơ ma mbu nơm ƀư lĕ nau tih pônây jêng khư khĭt. Pôri, mâu di knŏng khân păng nơm ƀư lĕ nau nây, ƀiălah khân păng tâm di ndrel ma phung êng ƀư tâm ban đŏng.

Samƀŭt Pôl Njuăl Ăn Ma Phung Nsing Ta Ƀon Rôm 3:15

“Khân păng ngăch jâng gay ma ƀư nkhŭt mham,

Nau Tâm Mpơl 11:10

Phung ƀon lan gŭ ta neh ntu răm maak ma khân păng, hâk maak njuăl ndơ ăn ma ndrăng khân păng; yorlah bar hê nơm mbơh lor nây ƀư rêh ni jêh phung gŭ tâm neh ntu.