Êsther 5:11 - Nau Brah Ndu Ngơi 2023

¹¹ Y-Haman nkoch bri đŏng ma khân păng nau ndrŏng kuăng păng jêh ri âk kon bu klâu păng. Păng tâm mpơl đŏng lĕ rngôch nau hađăch ƀư ma păng, dơi geh bu yơk, jêh ri hađăch n'hao păng hao lơn ma phung kôranh jêh ri phung oh mon hađăch.

Êsther 5:11 ပူးပေါင်းရင်းမြစ်များ

Nau Ntơm 31:1

Y-Yakôb tăng nau phung kon bu klâu Y-Laban ngơi lah ndrăng khân păng nơm: “Y-Yakôb hŏ hăn sŏk jêh lĕ rngôch drăp ndơ mbơ̆ he, jêh ri bơh drăp ndơ mbơ̆ he yơh păng jêng ndrŏng.”

Êsther 1:4

Tâm du rhiăng pham jât nar, hađăch mpơl nau ndrŏng chrêk lơp ƀon bri hađăch păng jêh ri nau lit rnam jêh ri nau lơp rmal păng.

Êsther 3:1

Jêh lĕ nau nây, hađăch Asuêrus n'hao pah kan ma Y-Haman, kon bu klâu Y-Hamêdatha, jêng bunuyh Agak, jêh ri n'hao păng jêh ri ăn ma păng ntŭk prêh lơn phung kôranh chiă uănh tâm ngih hađăch.

Êsther 8:15

Y-Môrdêkai hăn luh bơh ngih hađăch, nsoh ao hađăch ĭr jêh ri nglang, ndô du mlâm đon hađăch toyh ma mah jêh ri nsoh du ao jong ma bok mhay rhên chăng krăk. Phung ƀon lan ƀon Susa troh nter jêh ri răm rhơn.

Nau Mprơ Ơm 49:6

Khân păng rnơm nsing ma drăp ndơ khân păng nơm, Ntưih êng nơm geh drăp ndơ âk rmeh.

Nau Mprơ Ơm 49:7

Mâu geh ôh du huê nơm dơi tâm chuai oh nâu păng Mâu lah nkhôm rnoh chuai bunuyh nây tâm Brah Ndu.

Nau Mprơ Ơm 52:9

Gâp mra tâm rnê lah ueh ma May ƀaƀơ Ma lĕ nau May ƀư jêh. Gâp mra mbơh amoh May tanăp phung răp jăp ma May Yorlah nau nây ueh lăng ngăn.

Êsai 10:8

Yorlah păng lah: “Mâu di hĕ phung kôranh tahan gâp jêng hađăch da dê?

Daniel 4:30

hađăch lah: “Mâu di hĕ aơ ƀon Babilôn dŭt toyh gâp nơm rdâk jêh ƀư ƀon hađăch ma nau dơi dŭt prêh gâp tâm rnê ma nau chrêk rmah chrat ang ma gâp ta nây lĕ?”

Markôs 10:24

Phung oh mon hih rhâl ma nau aơ. Ƀiălah Brah Yêsu lah đŏng: “Hơi phung kon, phung bunuyh rnơm nsing ma nau ndrŏng gay lăp tâm ƀon bri hađăch Brah Ndu dŭt jêr ngăn.

I Timôthê 6:17

Nti nkah hom ma phung ndrŏng gŭ tâm neh ntu aơ lơi sưr rlau jêh ri lơi dơm nau kâp gân ma drăp ndơ mâu nanê̆, ƀiălah dơm hom nau kâp gân tâm Brah Ndu, jêng Nơm ăp nar ăn ma lĕ rngôch ndô ndơ tâm nau rmeh ler gay ma he maak sŏk dơn.