Êsther 5:1 - Nau Brah Ndu Ngơi 2023

¹ Ta nar tal pe, H'Êsther nsoh ao hađăch bu ur păng jêh ri păng dâk tâm trôm nhuang ngih hađăch. Hađăch dôl gŭ ta sưng hađăch tra ntŭk lăp jrô toyh hađăch.

Êsther 5:1 ပူးပေါင်းရင်းမြစ်များ

Êsther 1:11

leo hađăch bu ur H'Vasti hăn tât tanăp hađăch, ndô đon hađăch păng gay tâm mpơl nau ueh păng ma phung ƀon lan jêh ri ma phung kôranh chiă uănh yorlah păng ueh ngăn.

Êsther 2:5

Tâm ƀon bri hađăch Susa, geh du huê bunuyh Yuđa, amoh Y-Môrdêkai, kon bu klâu Y-Jar, sau Y-Simei, se Y-Kis, bunuyh Benjamin.

Êsther 4:11

“Lĕ rngôch phung oh mon jêh ri phung ƀon lan tâm bri hađăch dơi gĭt da dê pô aơ ăp nơm, mâu gĭt bu ur mâu lah bu klâu, hăn lăp tâm nkual tâm trôm ngih hađăch mâu geh ôh nau jă kuăl, tĭng nâm nau vay hŏ ntrŭnh, bu mra nkhĭt lĕ rngôch, knŏng tơlah hađăch yơr mâng jra hađăch ma mah, nơm nây dơi hôm rêh. Ƀiălah hŏ geh pe jât nar ma aơ gâp mâu dơi ăn lăp tâm trôm nkual ngih hađăch.”

Êsther 4:16

“Kuăl rgum hom lĕ rngôch phung Yuđa gŭ ta ƀon Susa, jêh ri yor ma gâp tâm ban lĕ, ât sông sa pe măng pe nar, mâu dơi sông sa mâu lah dơi nhêt. Gâp jêh ri phung oh mon bu ur gâp mra ver ât sông sa đŏng. Jêh nau nây, gâp mra lăp tanăp hađăch jêng nau mâu di nau vay; ƀiălah tơlah gâp khĭt ăn gâp khĭt yơh.”

Êsther 4:17

Y-Môrdêkai hăn luh jêh ri ƀư tĭng kơt lĕ nau H'Êsther ntĭnh jêh ma păng.

Êsther 6:4

Hađăch ôp: “Mbu nơm gŭ padih tâm nkual nhuang?” Rnôk nây, Y-Haman mhe hăn lăp tâm nkual nhuang, jêng tâm nkual padih ngih hađăch, gay dăn hađăch ntrŭnh nau yông trô ko Y-Môrdêkai ta n'gâng yông trô ko păng nkra jêh ma Y-Môrdêkai.

Êsther 8:15

Y-Môrdêkai hăn luh bơh ngih hađăch, nsoh ao hađăch ĭr jêh ri nglang, ndô du mlâm đon hađăch toyh ma mah jêh ri nsoh du ao jong ma bok mhay rhên chăng krăk. Phung ƀon lan ƀon Susa troh nter jêh ri răm rhơn.

Mathay 10:16

“Aơ, Gâp njuăl khân may hăn nâm bu biăp ta nklang phung so bri. Pôri ăn khân may blau mĭn nâm bu bêh, jêh ri mleh nâm bu plŭk.

Mathay 11:8

Moh ndơ khân may hăn uănh? Di lĕ uănh du huê bunuyh nsoh ao dŭt ueh? Ri, phung nsoh ao dŭt ueh gŭ tâm ngih hađăch.

Mathay 27:64

Yor ri, dăn kôranh đă bu chiă uănh môch ăn ueh tât ta nar tal pe, klach lah phung oh mon păng văch, sŏk ntŭng săk jăn, jêh nây lah ma lĕ rngôch bunuyh pô aơ ‘Păng dâk rêh tay jêh tă bơh nau khĭt,’ jêh ri nau mƀruh pakơi nây mra jêng mhĭk lơn nau mƀruh lor.”

Luka 22:30

pôri khân may mra sông sa ta sưng ndrel ma Gâp tâm ƀon bri hađăch Gâp jêh ri mra gŭ ta klơ sưng hađăch gay phat dôih jât ma bar ndŭl mpôl phung Israel.”

Nau Tâm Mpơl 3:21

Mbu nơm dơi, Gâp mra ăn păng gŭ ndrel ma Gâp ta sưng hađăch Gâp, nâm bu Gâp nơm hŏ dơi jêh, jêh ri gŭ ndrel ma Mbơ̆ Gâp ta sưng hađăch Păng.