Êsther 4:8 - Nau Brah Ndu Ngơi 2023

⁸ Tâm ban lĕ Y-Môrdêkai ăn ma kôranh bu char du pŏk samƀŭt kơt nchih samƀŭt nau ntrŭnh hŏ ntăm ta ƀon Susa gay ƀư rai lơi lĕ phung Yuđa, gay kôranh bu char mbơh samƀŭt nây ma H'Êsther jêh ri rblang samƀŭt nây ma păng, jêh ri ntrôl păng hăn lăp tanăp hađăch, vơh vơl ma hađăch yô̆ nđach ma phung ƀon lan păng nơm.

Êsther 4:8 ပူးပေါင်းရင်းမြစ်များ

Êsther 2:20

H'Êsther ƀư di tĭng nau Y-Môrdêkai hŏ ntĭnh păng, mâu ăn bu gĭt phung ƀon lan păng mâu lah phung mpôl băl păng nơm; yorlah H'Êsther tông bâr ma Y-Môrdêkai ntĭnh păng, nâm bu rnôk păng siăm rong tâm ngih păng.

Êsther 4:9

Y-Hathach plơ̆ sĭt nkoch đŏng ma H'Êsther lĕ rngôch nau Y-Môrdêkai lah jêh.

Êsther 8:6

Yorlah mâm gâp uănh saơ nau mhĭk tât ma phung ƀon lan gâp? Mâu lah mâm gâp saơ nau ƀư rai phung ndŭl mpôl gâp?”

Ndrom Samƀŭt bơh Yôp 9:15

Nđâp lah mâu geh nau tih, gâp mâu lĕ janh plơ̆ lah ma Păng; Ƀiălah gâp vơl dăn nau yô̆ nđach bơh Nơm Phat Dôih gâp.

Nau Mprơ Ơm 122:6

Mbơh sơm hom ma nau đăp mpăn ƀon Yêrusalem; Ăn phung rŏng ma may geh nau chăt jêng.

Nau Hôr 21:1

Nuih n'hâm hađăch tâm ti Brah Yêhôva nâm bu n'hor dak hoch; Păng ŭch ƀư nkêng nkăng ntŭk mpeh tĭng nau Păng ŭch.

Nơm Nti 10:4

Tơlah nơm chiă uănh hao ji nuih đah may lơi chalơi ôh, Yorlah nau rdơ̆ rbăn dơi der lĕ nau tih toyh jêh.

Kôranh Oh Mon 12:20

Rnôk nây, hađăch Hêrôt ji nuih hâu ngăn ma phung Tyre jêh ri phung Sidôn; yor ri, khân păng geh du ai nuih n'hâm hăn gŭ tanăp hađăch. Jêh nsŭk nsôr nơm kâp kơl ma hađăch jêng Y-Blastus, khân păng hăn tât ƀư nau đăp mpăn, yorlah n'gor khân păng geh ndơ sông sa bơh n'gor hađăch.

I Timôthê 6:13

Tanăp Brah Ndu jêng Nơm ăn nau rêh ma lĕ rngôch ndơ, jêh ri tanăp Brah Yêsu Krist jêng Nơm geh nau mbơh nkoch ueh nôk mbơh nkoch tanăp Pôns Pilat, gâp ntĭnh may

I Timôthê 6:17

Nti nkah hom ma phung ndrŏng gŭ tâm neh ntu aơ lơi sưr rlau jêh ri lơi dơm nau kâp gân ma drăp ndơ mâu nanê̆, ƀiălah dơm hom nau kâp gân tâm Brah Ndu, jêng Nơm ăp nar ăn ma lĕ rngôch ndô ndơ tâm nau rmeh ler gay ma he maak sŏk dơn.