Êsther 4:4 - Nau Brah Ndu Ngơi 2023

⁴ Phung oh mon bu ur H'Êsther jêh ri phung kôranh oh mon char păng văch nkoch lĕ nau nây ma păng; păng rngot rvê ngăn. Păng njuăl bok ao ma Y-Môrdêkai gay ma păng nsoh ntrok ma ao ƀau, ƀiălah păng mâu dơn ôh ao nây.

Êsther 4:4 ပူးပေါင်းရင်းမြစ်များ

Nau Ntơm 37:35

Lĕ rngôch phung kon bu klâu jêh ri kon bu ur hăn văch bonh leng păng da dê, ƀiălah păng dun lĕ nau bonh leng. Păng lah: “Gâp rngot klâng kŏ tât trŭnh tâm ƀon phung khĭt n'hanh kon gâp!” Pôri, mbơ̆ păng nhĭm ndăng yor klâng ma Y-Yôsep.

II Phung Hađăch 9:32

Y-Jêhu n'gơr măt hao ma mpeh mpông bloh jêh ri ôp: “Mbu nơm gŭ mpeh ma gâp? Mbu moh?” Geh bar mâu lah pe kôranh bu char uănh ma păng.

Êsther 1:12

Ƀiălah hađăch bu ur H'Vasti dun hăn tĭng nâm hađăch ntĭnh ma kôranh bu char. Yor nây, hađăch hao ji nuih ngăn.

Êsther 4:3

Tâm ăp n'gor, ta ntŭk nau hađăch ntrŭnh jêh ri samƀŭt nau ntrŭnh lĕ tât jêh, pôri tâm phung Yuđa geh nau nhĭm nhhiăng rngot ngăn, ver ât sông sa, nhhiăng nhĭm, rngot rvê, jêh ri geh đŏng âk phung nsoh kho ao ƀau bê̆ch klơ buh.

Êsther 4:5

Rnôk nây H'Êsther kuăl Y-Hathach, du kôranh bu char hađăch, nơm bu dơm jêh ăn kơl kan păng, văch tât Y-Môrdêkai gay gĭt moh nau hŏ tât geh, jêh ri mâm dĭng geh nau nây.

Nau Mprơ Ơm 77:2

Tâm nar rêh ni, gâp joi Kôranh Brah; Dôl măng, ti gâp yơr ăn sŏng mâu rgănh ôh; Ƀiălah huêng gâp mâu geh nau bonh leng.

Êsai 56:3

Phung bu năch plơ̆ sĭt ma Brah Yêhôva lơi dĭng ngơi pô aơ: “Nanê̆ ngăn Brah Yêhôva mra tâm nkhah gâp bơh phung ƀon lan Păng.” Bunuyh bu char mâu lĕ dơi ngơi: “Aơ, gâp jêng du tơm si kro.”

Yêrêmi 31:15

Brah Yêhôva lah: “Bu tăng ta ntŭk Rama, Bâr nhĭm vơl, nhĭm rngot ngăn. Nây jêng H'Rachel nhĭm vơl yor kon păng, Mâu ŭch geh nau bonh leng ma phung kon, Yorlah khân păng mâu rêh đŏng ôh!”

Kôranh Oh Mon 8:27

Y-Philip dâk jêh ri hăn. Ri, geh du huê kôranh char Êthiôpi, ƀư kôranh toyh ma H'Kandas, hađăch bu ur n'gor Êthiôpi, păng mât uănh lĕ jay prăp drăp ndơ khlay ma ay. Păng văch jêh ta ƀon Yêrusalem gay ma yơk mbah;

I Samuel 8:15

Hađăch mra sŏk pi du kô̆ tâm jât ba jêh ri đang krăk ƀâu khân may, gay ăn ma kôranh chiă uănh jêh ri phung oh mon păng.