Êsther 4:3 - Nau Brah Ndu Ngơi 2023

³ Tâm ăp n'gor, ta ntŭk nau hađăch ntrŭnh jêh ri samƀŭt nau ntrŭnh lĕ tât jêh, pôri tâm phung Yuđa geh nau nhĭm nhhiăng rngot ngăn, ver ât sông sa, nhhiăng nhĭm, rngot rvê, jêh ri geh đŏng âk phung nsoh kho ao ƀau bê̆ch klơ buh.

Êsther 4:3 ပူးပေါင်းရင်းမြစ်များ

Êsther 1:1

Aơ jêng nau tât geh tâm rnôk Y-Asuêrus jêng hađăch, nơm chiă uănh du rhiăng bar jât ma pơh n'gor ntơm bơh bri India tât ma bri Êthiôpi.

Êsther 3:12

Tâm khay nguay, nar jât ma pe, bu kuăl rgum phung kôranh nchih samƀŭt hađăch văch tât. Tĭng nâm lĕ rngôch nau Y-Haman hŏ ntĭnh jêh, bu sŏk amoh hađăch Y-Asuêrus nchih samƀŭt nau ntrŭnh ăn ma phung kôranh oh mon hađăch, phung kôranh chiă uănh ăp n'gor jêh ri phung kôranh chiă uănh ma ăp ntil mpôl bunuyh, tĭng nâm nau ngơi ma ăp ntil mpôl bunuyh. Jêh nây khân păng tâp pŏng ma rgên hađăch.

Êsther 4:16

“Kuăl rgum hom lĕ rngôch phung Yuđa gŭ ta ƀon Susa, jêh ri yor ma gâp tâm ban lĕ, ât sông sa pe măng pe nar, mâu dơi sông sa mâu lah dơi nhêt. Gâp jêh ri phung oh mon bu ur gâp mra ver ât sông sa đŏng. Jêh nau nây, gâp mra lăp tanăp hađăch jêng nau mâu di nau vay; ƀiălah tơlah gâp khĭt ăn gâp khĭt yơh.”

Êsther 4:2

Păng hăn tât ta ntŭk lăp mpông pêr ngih hađăch; nđâp lah mâu geh mbu nsoh kho ao ƀau dơi vay lăp ta nây.

Êsther 4:4

Phung oh mon bu ur H'Êsther jêh ri phung kôranh oh mon char păng văch nkoch lĕ nau nây ma păng; păng rngot rvê ngăn. Păng njuăl bok ao ma Y-Môrdêkai gay ma păng nsoh ntrok ma ao ƀau, ƀiălah păng mâu dơn ôh ao nây.

Êsther 9:31

Lĕ samƀŭt nây gay ƀư n'hêl nê̆ ma lĕ nar Purim nây bu mra djôt prăp ta năng nar hŏ tâm nal jêh, di nâm Y-Môrdêkai, phung Yuđa, jêh ri hađăch bu ur H'Êsther ntĭnh jêh. Phung Israel ƀư di tĭng nâm Y-Môrdêkai jêh ri H'Êsther hŏ njêng ma khân păng jêh ri ma phung kon sau khân păng, ma nau ât sông sa jêh ri nau nhĭm nhhiăng.

Ndrom Samƀŭt bơh Yôp 2:8

Y-Yôp gŭ tâm nklang mbŭch buh, sŏk rlat rsong yăng chah kuach chiăt.

Êsai 22:12

Tâm nar nây, Kôranh Brah jêng Brah Yêhôva ma phung tahan Kuăl khân may ma nau nhĭm jêh ri klâng rngot, Poih bôk jêh ri nsoh ao ƀau;

Êsai 22:4

Yor nây, gâp lah: “N'gĭl hom măt bơh gâp! Ăn gâp nhĭm rngot ngăn; Lơi srôih joi nau bonh leng gâp ôh Ma nau ƀư rai kon bu ur phung ƀon lan gâp!”

Êsai 58:5

Di lĕ nây jêng nau ât sông sa Gâp săch jêh, Jêng nar bu ntrŭnh săk păng nơm? Di lĕ kŭnh bôk tâm ban ma du mlâm tơm rpho, Gŭ ta klơ ƀau jêh ri ndruyh ŭnh buh, Khân may rnha nau nây jêng ât sông sa, Jêng nar Brah Yêhôva dơi dơn lĕ?

Êsêkiêl 27:30

Khân păng mra nhĭm vơl ma may, Jêh ri nter huy rngot klâng yor ma may; Khân păng sui neh muy ta klơ bôk khân păng nơm, Jêh ri rlă tâm ŭnh buh.

Daniel 9:3

Gâp rle muh măt ma Kôranh Brah jêng Brah Ndu ŭch tĭng joi, mbơh sơm, vơl dăn ma nau ât sông sa, put bok ƀau jêh ri srih buh klơ bôk.

Yônais 3:6

Nau mhe mhan nây tât ma hađăch ƀon Ninive, pôri păng dâk tă bơh sưng hađăch păng doh lơi ao jâr păng, put ao ƀau jêh ri gŭ tâm ŭnh buh.

Mathay 13:42

jêh nây mƀăr khân păng tâm ŭnh năk, ta nây mra geh nau nhĭm nhhiăng jêh ri nau rket sêk.

Mathay 22:13

Hađăch ntăm ma phung oh mon: ‘Chăp hom jâng ti păng jêh ri klŭp păng tâm ntŭk ngo padih, ta ntŭk mra geh nau nhĭm nhhiăng jêh ri nau rket sêk.’

Mathay 25:30

Bi ma oh mon mâu khlay nây, klŭp mƀăr hom păng tâm ntŭk ngo padih, ta nây mra geh nau nhĭm nhhiăng jêh ri nau rket sêk.’”

Yôsuê 7:6

Y-Yôsuê nkhêk ao păng nơm jêh ri nđâp ma phung bu ranh Israel păn muh măt ta neh panăp Hip Nau Tâm Rnglăp Brah Yêhôva kŏ tât kêng măng jêh ri sui neh muy ta klơ bôk khân păng nơm.

I Samuel 11:4

Tơlah phung mbơh tât ta Gibêa, ƀon Y-Sôl, nkoch tay lĕ nau nây ăn phung ƀon lan tăng jêh ri lĕ rngôch bunuyh nhhiăng nhĭm da dê.