Êsther 4:16 - Nau Brah Ndu Ngơi 2023

¹⁶ “Kuăl rgum hom lĕ rngôch phung Yuđa gŭ ta ƀon Susa, jêh ri yor ma gâp tâm ban lĕ, ât sông sa pe măng pe nar, mâu dơi sông sa mâu lah dơi nhêt. Gâp jêh ri phung oh mon bu ur gâp mra ver ât sông sa đŏng. Jêh nau nây, gâp mra lăp tanăp hađăch jêng nau mâu di nau vay; ƀiălah tơlah gâp khĭt ăn gâp khĭt yơh.”

Êsther 4:16 ပူးပေါင်းရင်းမြစ်များ

Nau Ntơm 18:19

Gâp săch jêh păng gay ntĭm nti ma phung kon sau jêh ri noi deh păng nar kăndơ̆ gĭt djôt prăp trong Brah Yêhôva, ƀư nau sŏng srăng jêh ri nau di, gay ăn Brah Yêhôva ƀư n'hêl nê̆ nau Păng hŏ ton jêh đah Y-Abraham.”

Nau Ntơm 43:14

Dăn ma Brah Ndu Geh Lĕ Nau Brah ƀư ma khân may geh nau yô̆ tanăp măt nơm nây, gay ma Y-Simêôn jêh ri Y-Benjamin mra plơ̆ sĭt ndrel khân may. Kay gâp, tơlah ăn roh phung kon, gâp dơn anh dơm nau roh nây!”

II Samuel 10:12

Ktang hom jêh ri tâm lơh janh ktang yor phung ƀon lan he jêh ri yor lĕ ƀon Brah Ndu he. Dăn Brah Yêhôva ƀư tĭng nâm nau Păng mĭn ueh!”

II Phung Hađăch 7:4

Tơlah lăp tâm ƀon he mra khĭt ji ngot ta nây, yorlah tâm ƀon geh nau ji ngot toyh; bi tơlah gŭ ta aơ, he mra khĭt. Pôri aƀaơ, he hăn rlet ma pôih phung tahan Aram jêh ri hăn lăp mpeh khân păng. Tơlah khân păng ăn ma he gŭ rêh, pôri he mra rêh, jêh ri tơlah khân păng nkhĭt he, pôri he mra khĭt dơm.”

II Nau Rêh Jêng 20:3

Y-Jôsaphat klach, jêh ri tǐng joi Brah Yêhôva, jêh ri kuăl ma lĕ rngôch phung Yuđa ât sông sa.

Êsra 8:21

Ta nây, dăch kơh dak krong Ahava, gâp kuăl ver ât sông sa, gay he ntrŭnh săk panăp măt Brah Ndu hên jêh ri dăn vơh vơl ma Păng ntĭm ăn gâp trong di gay hên jêh ri phung kon sau hên hăn, nđâp ma drăp ndơ hên.

Êsther 4:15

H'Êsther prơh bunuyh hăn plơ̆ lah ma Y-Môrdêkai pô aơ:

Êsther 4:17

Y-Môrdêkai hăn luh jêh ri ƀư tĭng kơt lĕ nau H'Êsther ntĭnh jêh ma păng.

Êsther 4:3

Tâm ăp n'gor, ta ntŭk nau hađăch ntrŭnh jêh ri samƀŭt nau ntrŭnh lĕ tât jêh, pôri tâm phung Yuđa geh nau nhĭm nhhiăng rngot ngăn, ver ât sông sa, nhhiăng nhĭm, rngot rvê, jêh ri geh đŏng âk phung nsoh kho ao ƀau bê̆ch klơ buh.

Êsther 5:1

Ta nar tal pe, H'Êsther nsoh ao hađăch bu ur păng jêh ri păng dâk tâm trôm nhuang ngih hađăch. Hađăch dôl gŭ ta sưng hađăch tra ntŭk lăp jrô toyh hađăch.

Êsther 9:31

Lĕ samƀŭt nây gay ƀư n'hêl nê̆ ma lĕ nar Purim nây bu mra djôt prăp ta năng nar hŏ tâm nal jêh, di nâm Y-Môrdêkai, phung Yuđa, jêh ri hađăch bu ur H'Êsther ntĭnh jêh. Phung Israel ƀư di tĭng nâm Y-Môrdêkai jêh ri H'Êsther hŏ njêng ma khân păng jêh ri ma phung kon sau khân păng, ma nau ât sông sa jêh ri nau nhĭm nhhiăng.

Êsai 22:12

Tâm nar nây, Kôranh Brah jêng Brah Yêhôva ma phung tahan Kuăl khân may ma nau nhĭm jêh ri klâng rngot, Poih bôk jêh ri nsoh ao ƀau;

Yêrêmi 36:9

Tâm khay sĭn, năm rơh prăm rô̆ Y-Jêhôjakim, kon bu klâu Y-Jôsia, hađăch Yuđa, lĕ rngôch phung ƀon lan tâm ƀon Yêrusalem jêh ri lĕ rngôch phung ƀon lan văch tă bơh lĕ ƀon tâm n'gor Yuđa hăn tât ma ƀon Yêrusalem, mbơh tâm năng ver ât sông sa tanăp Brah Yêhôva.

Daniel 2:18

jêh ri đă khân păng dăn nau yô̆ bơh Brah Ndu tâm trôk ma nau ndâp aơ, gay ma Y-Daniel jêh ri phung băl păng mâu geh khĭt ndrel ma phung njêh êng tâm n'gor bri Babilôn.

Mathay 12:40

Yorlah nâm bu Y-Yôna gŭ tâm ndŭl ka toyh pe nar pe măng, pônây lĕ, Kon Bunuyh mra gŭ tâm trôm neh pe nar pe măng.

Luka 9:24

Yorlah mbu ŭch rklaih nau rêh păng nơm mra roh, ƀiălah mbu yor Gâp roh nau rêh mra rklaih nau rêh păng nơm.

Yôhan 19:22

Pilat plơ̆ lah: “Nau gâp lĕ nchih, gâp hŏ nchih pônây yơh.”

Kôranh Oh Mon 10:7

Tơlah tông mpăr ngơi đah păng lĕ du jêh, Y-Kôrnei kuăl bar hê bunuyh tâm phung oh mon păng jêh ri du huê tahan klach yơk tâm dâng nau dơi păng,

Kôranh Oh Mon 20:24

Ƀiălah gâp mâu kơp nau rêh gâp khlay ôh, knŏng tơlah lôch jêh nau rlong jêh ri nau pah kan gâp sŏk dơn tă bơh Kôranh Brah jêng Brah Yêsu, ăn gâp mbơh Nau Mhe Mhan Ueh ma nau yô̆ Brah Ndu.

Kôranh Oh Mon 21:13

Ƀiălah Y-Pôl plơ̆ lah: “Mâm ƀư khân may nhĭm jêh ri ƀư ji nuih n'hâm gâp? Yorlah gâp rơm ndrăp jêh mâu di knŏng nau bu chăp ôh, ƀiălah nđâp ma nau khĭt ta ƀon Yêrusalem, yor amoh Brah Yêsu lĕ.”

Kôranh Oh Mon 27:33

Dôl trôk bơi ang, Y-Pôl đă lĕ rngôch bunuyh sông sa. Păng lah: “Khân may hŏ kâp gân jêh ƀaƀơ jât ma puăn nar, ji ngot mâu geh sông sa.

Kôranh Oh Mon 9:9

Tâm pe nar, păng mâu dơi saơ, mâu sông sa, jêh ri mâu lĕ nhêt dak.

Samƀŭt Pôl Njuăl Ăn Ma Phung Nsing Ta Ƀon Rôm 16:4

jêng bar hê khân păng sân săk khĭt gay tâm rklaih nau rêh gâp; mâu di knŏng geh gâp tuy nau yô̆ ma bar hê khân păng, ƀiălah lĕ rngôch Phung Ngih Brah Ndu phung bu năch tâm ban lĕ.

Philip 2:30

yor ma nau kan Brah Krist dĭng păng bơi ma khĭt, sân săk păng nơm gay ƀư rĭng lĕ nau kan khân may mâu dơi kơl gâp.

Yôsuê 24:15

Tơlah khân may mâu ŭch pah kan ma Brah Yêhôva ôh, nar aơ săch hom ma mbu nơm khân may ŭch pah kan, mâu lah phung brah phung chô yau khân may hŏ pah kan jêh ta kơh đah ri dak krong, mâu lah brah phung Amôrit tâm bri khân may gŭ. Ƀiălah gâp jêh ri phung tâm ngih gâp mra pah kan ma Brah Yêhôva.”

I Samuel 19:5

Păng sân săk jăn jêh ri nkhĭt jêh bu klâu Philistin, yor ri Brah Yêhôva ƀư du nau tâm rklaih toyh yor tă bơh păng ăn ma lĕ rngôch phung Israel. May lĕ saơ jêh ri răm rhơn nau nây. Pônây, mâm dĭng may ŭch ƀư tih đŏng đah mham mâu geh nau tih ôh, ŭch nkhĭt Y-Đavit dơm dam?”