Êsther 4:14 - Nau Brah Ndu Ngơi 2023

¹⁴ Tơlah ay gŭ rklăk tâm nôk aơ, nanê̆ phung Yuđa mra dơi geh nau kơl jêh ri nau tâm rklaih tă bơh ntŭk êng, ƀiălah ay jêh ri ngih mbơ̆ ay mra rai lôch lĕ. Ƀiălah mbu gĭt pô aơ yorlah mông kơt aơ ay dơi jêng hađăch bu ur lĕ?”

Êsther 4:14 ပူးပေါင်းရင်းမြစ်များ

Nau Ntơm 22:14

Y-Abraham kuăl ntŭk nây jêng “Brah Yêhôva Sâm Ăn.” Yor nây, nar aơ bu hôm lah: “Klơ yôk Brah Yêhôva nau nây mra dơi sâm ăn.”

II Phung Hađăch 13:5

Brah Yêhôva ăn ma phung Israel du huê nơm sâm rklaih gay klaih khân păng du luh bơh ti phung Aram. Yor nây, phung ƀon lan Israel dơi gŭ rêh tâm ngih bok khân păng nâm bu saơm.

II Phung Hađăch 19:3

Khân păng lah ma păng: “Hađăch Hêsêkia lah kơt aơ: ‘Nar aơ jêng nar rŭng răng, nau nduyh, jêh ri nau bêk prêng; tâm ban bu ur lĕ tât nôk deh kon jêh, ƀiălah mâu tŏng suan gay deh kon ôh.

Êsra 9:9

Yorlah hên jêng phung ƀư dĭk, ƀiălah Brah Ndu hên mâu chalơi phung kon ôh tâm nau ƀư dĭk nây. Păng hŏ ăn jêh ma hên geh nau yô̆ tanăp măt phung hađăch n'gor Persi, ƀư ăn hên dơi rêh đŏng gay plơ̆ sĭt ndâk tay ngih brah ma Brah Ndu phung kon, nkra đŏng lĕ ntŭk hŏ rlâm jêh, jêh ri ăn ma hên du ntŭk gŭ đăp mpăn tâm n'gor Yuđa jêh ri ƀon Yêrusalem.

Nêhêmi 6:11

Gâp lah: “Du huê bunuyh nâm bu gâp mra nchuăt du? Du huê bunuyh nâm bu gâp lăp tâm ngih brah gay dơi rêh lĕ? Gâp mâu lăp ôh!”

Êsther 2:15

Tơlah H'Êsther, kon bu ur Y-Abihai kônh păng Y-Môrdêkai, jêng bunuyh hŏ dơn păng ƀư jêng kon bu ur, hŏ tât nau dăp gay hăn lăp tanăp hađăch, H'Êsther mâu dăn du ntil ndơ ôh knŏng ndơ Y-Hêgai, kôranh bu char hađăch, jêng nơm mât uănh phung bu ur, hŏ veh jêh ma păng. H'Êsther dơi geh nau yô̆ tanăp măt lĕ rngôch bunuyh uănh saơ păng.

Êsther 2:17

Hađăch rŏng kơnh ma H'Êsther âk lơn ma lĕ rngôch phung bu ur druh êng jêh ri păng geh nau yô̆ tanăp măt hađăch rlau lơn ma lĕ rngôch phung bu ur êng. Pôri hađăch ndô đon hađăch ta klơ bôk păng, njêng păng jêng hađăch bu ur ntrok ma H'Vasti.

Êsther 2:7

Y-Môrdêkai hŏ siăm rong jêh kon bu ur kônh păng, bu ur druh nây amoh H'Hadasa jêng H'Êsther, yorlah H'Êsther mâu geh mê̆ mbơ̆. Bu ur druh nây ueh jêh ri ray ngăn. Tơlah mê̆ mbơ̆ păng hŏ khĭt jêh, Y-Môrdêkai dơn păng jêng kon bu ur păng nơm.

Êsther 4:13

Y-Môrdêkai ntĭnh ma khân păng plơ̆ sĭt lah ma H'Êsther pô aơ: “Lơi ay mĭn ôh gŭ tâm ngih hađăch ay mra klaih bơh nau mhĭk tât ma lĕ rngôch phung Yuđa êng.

Êsther 4:15

H'Êsther prơh bunuyh hăn plơ̆ lah ma Y-Môrdêkai pô aơ:

Ndrom Samƀŭt bơh Yôp 9:18

Păng mâu ăn ma gâp năn nsôr n'hâm, Ƀiălah nkrâm gâp tâm nau rngot hâu ngăn ngên.

Nơm Nti 3:7

Geh năng hêk sat, geh năng jĭm njĭr; Geh năng gŭ rklăk, geh năng ngơi;

Êsai 49:23

Phung hađăch mra jêng mbơ̆ rong siăm may, Phung hađăch bu ur mra jêng me sâm pu may. Khân păng mra kŭnh măt nđĭl ta neh tanăp may, Ler ndruyh neh ta jâng may. Jêh nây may mra gĭt Gâp jêng Brah Yêhôva; Jêh ri phung kâp gân Gâp mâu mra bêk ôh.

Êsai 54:17

Lĕ rngôch ndơ tâm lơh bu ƀư gay tâm rdâng đah may mâu dơi jêng ôh; May mra phat dôih ma lĕ mpiăt phong may. Aơ jêng drăp ndơn ma phung oh mon Brah Yêhôva, Jêh ri Gâp yơh ăn nau sŏng srăng ma khân păng.” Brah Yêhôva lah kơt nĕ.

Yêrêmi 30:11

Brah Yêhôva lah: ‘Yorlah Gâp gŭ ndrel ma may gay tâm rklaih may; Gâp mra ƀư rai lĕ bri dak Gâp hŏ nchah rai khân may tât ta nây, Ƀiălah đah may Gâp mâu ƀư rai lĕ ôh. May mâu mra der luh bơh nau tâm rmal Ƀiălah Gâp mra nduyh nkra may ma nau di.’

Yêrêmi 46:28

Brah Yêhôva lah: “Ơ phung Yakôb phung oh mon Gâp, lơi ta klach ôh, Yorlah Gâp gŭ ndrel ma may. Gâp mra ƀư rai lĕ rngôch bri dak Gâp hŏ mprơh may tât jêh; Bi ma may Gâp mâu mra ƀư rai lôch ôh, May mâu mra rklaih ôh bơh nau tâm rmal Ƀiălah Gâp mra nduyh nkra may ma nau di.”

Kan Lêvi 26:42

Gâp mra kah gĭt tay nau tâm rnglăp hŏ ƀư jêh đah Y-Yakôb, Gâp mra kah gĭt tay nau tâm rnglăp hŏ ƀư jêh đah Y-Isăk, tâm ban đŏng ma nau tâm rnglăp đah Y-Abraham, jêh ri Gâp mra kah gĭt tay ma n'gor aơ.

Mathay 16:18

Bi ma, Gâp mbơh ma may pô aơ: May jêng Y-Pêtrôs, Gâp mra rdâk Phung Ngih Brah Ndu Gâp ta klơ lŭ aơ, lĕ mpông ƀon phung khĭt mâu dơi đah Phung nây ôh.

Mathay 24:22

Tơlah lĕ nar nây mâu n'hŭch lơi, pôri mâu geh du huê bunuyh dơi rklaih ôh; ƀiălah yor phung bunuyh dơi săch lĕ nar nây mra n'hŭch lơi.

Nau Vay Nkah Tay 32:36

Ƀiălah tơlah Brah Yêhôva saơ n'hâm suan dăng bơh phung ƀon lan păng huănh hươi jêh, Bunuyh dĭk bu, nơm kon me lĕ roh jêh, Pôri Păng mra phat dôih tâm nau sŏng ma khân păng Jêh ri geh nau yô̆ ma phung oh mon Păng.

Phung Kôranh Phat Dôih 15:6

Phung Philistin ôp: “Mbu nơm ƀư nau aơ?” Bu plơ̆ lah: “Y-Samsôn ro yơh, klay du huê bunuyh ta Timna, yorlah păng sŏk ur păng ăn ma băl păng.” Pôri phung Philistin văch tât, su bu ur nây nđâp ma mbơ̆ păng ma ŭnh.

I Samuel 12:22

Brah Yêhôva mâu mra chalơi ôh phung ƀon lan Păng, yor amoh toyh Păng, jêh ri yorlah Brah Yêhôva hŏ maak nuih n'hâm ăn ma khân may njêng du phung ƀon lan ma Păng nơm.

I Samuel 17:29

Y-Đavit lah: “Ntŭk geh gâp ƀư? Mâm gâp mâu dơi ngơi?”