Êsther 4:11 - Nau Brah Ndu Ngơi 2023

¹¹ “Lĕ rngôch phung oh mon jêh ri phung ƀon lan tâm bri hađăch dơi gĭt da dê pô aơ ăp nơm, mâu gĭt bu ur mâu lah bu klâu, hăn lăp tâm nkual tâm trôm ngih hađăch mâu geh ôh nau jă kuăl, tĭng nâm nau vay hŏ ntrŭnh, bu mra nkhĭt lĕ rngôch, knŏng tơlah hađăch yơr mâng jra hađăch ma mah, nơm nây dơi hôm rêh. Ƀiălah hŏ geh pe jât nar ma aơ gâp mâu dơi ăn lăp tâm trôm nkual ngih hađăch.”

Êsther 4:11 ပူးပေါင်းရင်းမြစ်များ

Êsther 1:19

Yor ri, tơlah hađăch maak nuih n'hâm, ăn hađăch njuăl samƀŭt ntrŭnh nau ăn ma bu nchih tâm ndrom samƀŭt nau vay n'gor bri Persi jêh ri Mêdơ gay lơi ăn bu rgâl ôh, ma H'Vasti mâu mra dơi văch đŏng tanăp hađăch Asuêrus ôh. Ăn hađăch jao nau păng jêng hađăch bu ur ma nơm êng ueh lơn ma păng.

Êsther 2:14

Ta măng păng hăn tât, kêng ôi păng plơ̆ sĭt ta ngih hađăch bu ur tal bar tâm dâng nau chiă uănh Y-Sasgas jêng kôranh bu char ma hađăch, nơm mât uănh ur yông. Bu ur nây mâu dơi lăp tâm ngih hađăch ôh, knŏng tơlah hađăch ŭch păng jêh ri dơi kuăl amoh nơm nây.

Êsther 4:10

Rnôk nây H'Êsther prơh Y-Hathach hăn gay mbơh đŏng ma Y-Môrdêkai pô aơ:

Êsther 4:12

Bu nkoch tay ma Y-Môrdêkai lĕ nau H'Êsther ngơi jêh.

Êsther 6:4

Hađăch ôp: “Mbu nơm gŭ padih tâm nkual nhuang?” Rnôk nây, Y-Haman mhe hăn lăp tâm nkual nhuang, jêng tâm nkual padih ngih hađăch, gay dăn hađăch ntrŭnh nau yông trô ko Y-Môrdêkai ta n'gâng yông trô ko păng nkra jêh ma Y-Môrdêkai.

Êsther 8:4

Hađăch yơr mâng jra mah ma H'Êsther jêh ri păng dâk panăp hađăch.

Daniel 2:9

Tơlah khân may mâu tâm mpơl ôh ma gâp nau gâp mbơi saơ pôri geh knŏng du nau phat dôih prăp jêh ma khân may. Khân may tâm nchră ndrăng khân may nơm djôt lĕ nau ngơi mƀruh nkhơng ngơi ma gâp kŏ tât nau kan geh nau rgâl. Pôri, mbơh hom ma gâp nau gâp mbơi saơ jêh ri gâp mra gĭt khân may mra dơi rblang.”

I Pêtrôs 3:7

Phung bunuyh ƀư sai tâm ban lĕ, tâm mpơl hom nau gĭt rbăng nôk khân may gŭ rêh ndrel ma ur khân may nơm, yơk ur nâm bu đah phung rdja lơn, yorlah khân păng mra ndrel ma khân may dơn nau rêh bơh nau yô̆, gay mâu geh du ntil ndơ king nau khân may mbơh sơm.