Êsther 3:13 - Nau Brah Ndu Ngơi 2023

¹³ Khân păng njuăl samƀŭt ma phung njŭn ma lĕ rngôch n'gor bri hađăch, ntăm gay ŭch ƀư rai, nkhĭt lơi, jêh ri ƀư roh lĕ rngôch phung Yuđa mâu gĭt bu ranh, mom ndăm, bu ur nđâp kon se, tâm du nar nây, jêng nar jât ma pe, khay jât ma bar jêng khay Adar jêh ri pit in lĕ ndô ndơ khân păng.

Êsther 3:13 ပူးပေါင်းရင်းမြစ်များ

II Nau Rêh Jêng 30:6

Tĭng nau hađăch ntrŭnh, phung njŭn samƀŭt hađăch jêh ri phung kôranh hăn lam n'gor bri Israel jêh ri n'gor Yuđa. Samƀŭt kuăl: “Ơ phung kon sau Israel, plơ̆ sĭt hom ma Yêhôva Brah Ndu Y-Abraham, Y-Isăk jêh ri Israel, gay ma Păng plơ̆ sĭt tay ma phung hôm e klen tâm khân may, jêng phung dơi klaih jêh tă bơh phung hađăch Asiri.

Êsther 7:4

Yorlah bu tăch jêh gâp jêh ri phung ƀon lan gâp, ŭch ƀư rai lơi, nkhĭt lơi, jêh ri ƀư rai lôch lơi. Tơlah tăch hên gay ăn ƀư dĭk, gâp hŏ gŭ rklăk, yorlah nau rêh ni phung ƀon lan gâp mâu dơi tâm ntĭt ôh nau uh ah hađăch.”

Êsther 8:5

Păng lah: “Tơlah di nau hađăch mĭn, tơlah gâp geh nau yô̆ tanăp măt hađăch, jêh ri tơlah hađăch saơ nau aơ jêng di jêh ri tơlah gâp ƀư ueh ma măt hađăch, dăn ma hađăch ntrŭnh gay chalơi lĕ samƀŭt Y-Haman, kon bu klâu Y-Hamêdatha, bunuyh Agak, hŏ nchră nchih njuăl jêh gay ƀư rai lơi phung Yuđa gŭ tâm lĕ rngôch n'gor bri hađăch.

Êsther 9:1

Tâm khay jât ma bar jêng khay Ađar, ta nar jât ma pe khay nây, tơlah nau ntăm jêh ri samƀŭt nau ntrŭnh bơh hađăch dăch tât nar năng dơi ƀư, jêng nar phung rlăng tâm nal tŭn jot phung ƀon lan Yuđa, ƀiălah nau nây jêng tâm rgâl lơi, phung Yuđa geh nau dơi tŭn jot phung rlăng khân păng nơm.

Êsther 9:10

jêng phung jât nuyh kon bu klâu Y-Haman, sau Y-Hamêdatha, jêng phung rlăng đah phung Yuđa. Ƀiălah khân păng mâu pit in drăp ndơ ôh.

Êsther 9:5

Phung Yuđa sŏk đao lơh nkhĭt phung rlăng khân păng, nkhĭt lơi jêh ri ƀư rai lơi khân păng. Khân păng ƀư ma phung rmot khân păng tĭng nau mĭn khân păng ŭch.

Ndrom Samƀŭt bơh Yôp 9:25

Lĕ nar gâp rêh prăl rlau lơn ma du huê bunuyh ntuh bâr nau ndal; Khân păng lôch gơnh ngăn mâu dơi saơ nau ueh lăng.

Êsai 10:6

Gâp njuăl păng hăn tâm rdâng đah bri dak mâu blau yơk ma Brah Ndu ôh, Gâp ntăm păng hăn tâm lơh đah phung ƀon lan nsônh ăn Gâp ji nuih, Gay ntŭng ndô ndơ, pit sŏk Jêh ri jot khân păng tâm ban ma neh bŏk ta trong.

Yêrêmi 51:31

Tahan gak rmlak aơ tâm mâp ma rmlak ri, Lĕ nơm ntuh bâr aơ tât ma nơm ntuh bâr êng, Mbơh nau ăn ma hađăch Babilôn pô aơ Ƀon hađăch nây rai lĕ rngôch jêh.

Samƀŭt Pôl Njuăl Ăn Ma Phung Nsing Ta Ƀon Rôm 3:15

“Khân păng ngăch jâng gay ma ƀư nkhŭt mham,

Yakơ 2:13

Yorlah mbu nơm mâu tâm mpơl nuih n'hâm yô̆ nđach mra geh nau phat dôih tâm nau mâu yô̆ nđach; ƀiălah nau yô̆ dơi đah nau phat dôih.

I Samuel 15:3

Pôri aƀaơ, hăn hom tâm lơh đah phung Amalek jêh ri ƀư rai lĕ rngôch ndơ khân păng geh. May mâu mra yô̆ nđach ôh khân păng, nkhĭt lơi lĕ bu klâu, bu ur, phung kon se, lĕ ndrôk, biăp, seh samô jêh ri seh bri.’”

I Samuel 22:19

Y-Sôl sŏk đŏng đao nkhĭt phung ƀon lan Nôp, ƀon phung kôranh ƀư brah; ntơm bơh bu ur, bu klâu, kon se, phung kon hôm pu, lĕ ndrôk, seh bri, jêh ri biăp, lĕ rngôch păng nkhĭt ma đao da dê.