Êsther 3:11 - Nau Brah Ndu Ngơi 2023

¹¹ Hađăch lah ma Y-Haman: “Gâp jao prăk nây nđâp phung ƀon lan nây ma may, tĭng nau mĭn may ŭch ƀư đah phung khân păng.”

Êsther 3:11 ပူးပေါင်းရင်းမြစ်များ

Êsther 3:10

Hađăch tŏk rgên bơh ti păng ro jêh ri ăn ma Y-Haman, kon bu klâu Y-Hamêdatha, phung Agak, nơm rlăng đah phung Yuđa.

Êsther 3:12

Tâm khay nguay, nar jât ma pe, bu kuăl rgum phung kôranh nchih samƀŭt hađăch văch tât. Tĭng nâm lĕ rngôch nau Y-Haman hŏ ntĭnh jêh, bu sŏk amoh hađăch Y-Asuêrus nchih samƀŭt nau ntrŭnh ăn ma phung kôranh oh mon hađăch, phung kôranh chiă uănh ăp n'gor jêh ri phung kôranh chiă uănh ma ăp ntil mpôl bunuyh, tĭng nâm nau ngơi ma ăp ntil mpôl bunuyh. Jêh nây khân păng tâp pŏng ma rgên hađăch.

Nau Mprơ Ơm 73:7

Măt khân păng luh mpơl tâm ngi; Nuih n'hâm khân păng bêng nau mĭn brŭt moih.

Yêrêmi 26:14

Bi gâp, aơ, gâp dôl gŭ tâm ti khân may. Khân may ƀư hom ma gâp tĭng nau khân may mĭn jêng di jêh ri khư ma nau ƀư.

Yêrêmi 40:4

Aƀaơ gâp doh nkông bơh ta ti may. Tơlah may saơ nau hăn ndrel gâp tât ma bri Babilôn jêng ueh pôri hăn hom jêh ri gâp mra mât mray may. Tơlah may saơ nau hăn ndrel gâp ma bri Babilôn jêng mâu di pôri lơi ta hăn ôh. Aơ, lam bri dôl gŭ panăp măt may, moh ntŭk may mĭn jêng ueh jêh ri moh ntŭk hăn jêng di, ăn may hăn yơh.”

Luka 23:25

Păng mƀơk nơm bu krŭng jêh khân păng dăn jêh, jêng nơm tâm rdâng jêh ri nkhĭt bunuyh, jêh ri păng jao Brah Yêsu ma khân păng tĭng nâm nau mĭn khân păng ŭch.