Êsther 2:9 - Nau Brah Ndu Ngơi 2023

⁹ Bu ur druh nây ƀư maak ma nuih n'hâm Y-Hêgai jêh ri geh nau yô̆ tanăp măt păng. Păng ăn gơnh ro ma păng dak kôlônh gay jut lơi nau ƀơ̆ jêh ri ndơ sông sa êng ngăn ma păng, nđâp pơh oh mon bu ur dơi săch jêh tâm ngih hađăch, jêh nây Y-Hêgai ăn păng ndrel phung oh mon bu ur trơn lăp tâm du jrô dŭt ueh tâm ngih phung bu ur.

Êsther 2:9 ပူးပေါင်းရင်းမြစ်များ

Nau Ntơm 39:21

Ƀiălah Brah Yêhôva kâp kơl ma Y-Yôsep. Păng mpơl nau ueh ma păng jêh ri ƀư ma păng geh nau yô̆ tanăp măt kôranh bu nă.

Nau Ntơm 39:4

Y-Yôsep geh nau yô̆ tanăp măt kôranh păng, jêh ri pah kan groi păng. Păng njêng Y-Yôsep jêng bunuyh mât ngih jêh ri jao lĕ rngôch drăp ndơ ma Y-Yôsep.

I Phung Hađăch 8:50

Dăn ma Kôranh Brah yô̆ an ma phung ƀon lan May jêng phung ƀon lan ƀư tih jêh đah May, jêh ri yô̆ an lĕ rngôch nau tih khân păng ƀư tih jêh đah May; dăn ma May ƀư ma lĕ bunuyh hŏ nhŭp khân păng jêng bu nă geh nau yô̆ nđach ma khân păng,

Êsra 7:6

Y-Êsra nây plơ̆ sĭt tă bơh bri Babilôn. Păng jêng du huê kôranh nchih samƀŭt gĭt rbăng tâm nau vay Y-Môis, Yêhôva Brah Ndu phung Israel hŏ ntăm nti jêh. Yorlah ti Yêhôva Brah Ndu kơl ma păng, pôri hađăch ăn ma păng lĕ ndơ păng ŭch dăn.

Nêhêmi 2:8

Dăn ăn đŏng du pŏk samƀŭt ntrŭnh njuăl ma Y-Asap, nơm mât bri krŏng ma hađăch, gay ma păng ăn ma gâp tơm si ƀư meh mpông ƀon ta meng ngih brah jêh ri ƀư mpêr ƀon nđâp ngih ma gâp mra gŭ ta nây.” Yorlah ti ueh bơh Brah Ndu gâp kơl an gâp, hađăch ăn ro ma gâp lĕ nau nây.

Êsther 2:12

Ăp bu ur druh tĭng tâm nal ăn ƀư nau ueh ma tâm jât ma bar khay: Prao khay dŏng dak si tăng kôlônh-mir, prao khay dŏng dak si ƀâu kah ndrel ma dak kôlônh gay jut lơi nau ƀơ̆ ma phung bu ur. Măng nar lôch jêh, ăp bu ur druh tĭng nau dăp gay hăn văch tât ta hađăch Asuêrus.

Êsther 2:3

jêh ri dăn hađăch prơh phung kôranh tâm lam lĕ rngôch n'gor tâm ƀon bri hađăch, hăn tâm rgum lĕ rngôch phung bu ur druh ueh, văch tât ta nkual ngih hađăch bu ur tâm ƀon bri hađăch Susa. Jao hom ma Y-Hêgai, kôranh bu char, mât uănh ma phung bu ur, mât njrăng khân păng jêh ri tâm pă dak kôlônh gay jut lơi nau ƀơ̆ ma khân păng.

Êsther 5:2

Tơlah hađăch saơ hađăch bu ur H'Êsther gŭ tâm trôm nhuang, păng geh nau yô̆ tanăp măt hađăch. Hađăch yơr mâng jra ma mah tâm ti hađăch nơm tât mpeh ma H'Êsther. H'Êsther hăn dăch jêh ri pah ta chiông mâng jra hađăch.

Nau Mprơ Ơm 106:46

Păng ăt ƀư ma bu geh nau yô̆ Tanăp phung nhŭp khân păng ƀư dĭk.

Nau Hôr 16:7

Lah Brah Yêhôva di nuih n'hâm đah nau rêh ueh ma mbu nơm, Pôri Păng ƀư ăn nơm rlăng gŭ đăp rmên ndrel ma bunuyh nây.

Daniel 1:9

Brah Ndu ƀư ma kôranh chiă uănh phung kôranh bu char geh nau rŏng jêh ri nau yô̆ ma Y-Daniel.

Kôranh Oh Mon 7:10

Brah Ndu rklaih păng bơh lĕ rngôch nau mhĭk, ăn nau yô̆, jêh ri nau blau mĭn ma păng tanăp Pharaôn, hađăch n'gor Êjipt; hađăch sâm dơm păng jêng kôranh chiă uănh n'gor Êjipt jêh ri lĕ phung ta ngih hađăch.