Êsther 2:6 - Nau Brah Ndu Ngơi 2023

⁶ Păng jêng bunuyh bu veng ndrel tă bơh Yêrusalem hăn ƀư bu nă du rơh ndrel Y-Jêkônia, hađăch Yuđa, nơm Y-Nêbukatnetsar, hađăch Babilôn hŏ nhŭp jêh khân păng ƀư dĭk.

Êsther 2:6 ပူးပေါင်းရင်းမြစ်များ

II Phung Hađăch 24:12

Y-Jêhôjakin, hađăch Yuđa, nđâp mê̆ păng, phung oh mon păng, phung kôranh tahan păng, jêh ri phung kôranh bu char, jao săk khân păng nơm ma hađăch Babilôn. Hađăch Babilôn nhŭp Y-Jêhôjakin tâm năm rơh pham bri hađăch Babilôn.

II Phung Hađăch 24:6

Y-Jêhôjakim khĭt hăn ndrel ma phung chô yau păng nơm; kon păng jêng Y-Jêhôjakin chiă uănh thoi ntrok păng.

II Nau Rêh Jêng 36:20

Đơ phung hôm klen bu nkhĭt ma đao, bu nhŭp lĕ rngôch djôt leo njêng bu nă tâm bri Babilôn, jêh ri khân păng jêng dĭk ma păng jêh ri ma kon sau păng, kŏ tât rnôk bu ndâk ƀon bri hađăch Persi.

Yêrêmi 22:24

Brah Yêhôva lah: “Nâm bu Gâp gŭ rêh mro mrăng, nđâp lah Y-Jêhôjakin, kon bu klâu Y-Jêhôjakim, hađăch Yuđa, jêng rgên chrăk ta ti ma Gâp, Gâp ăt doh lơi may.

Yêrêmi 22:28

Pônây di lĕ Y-Jêhôjakin aơ jêng yăng chah rai jêh lĕ bu mưch rmot hĕ? Yăng mâu geh nơm ŭch rŏng ôh? Mâm ƀư hađăch nây jêh ri lĕ rngôch noi deh păng bu mƀăr lơi, Bu klŭp mƀăr tâm du bri khân păng mâu gĭt năl ôh?

Yêrêmi 24:1

Brah Yêhôva ăn gâp saơ bar mlâm bĭ play rvi dơm panăp ngih Brah Yêhôva. Nau aơ tât geh jêh Nêbukatnetsar, hađăch Babilôn, nhŭp Y-Jêkônia kon bu klâu Y-Jêhôjakim, hađăch Yuđa, ndrel ma phung kôranh bri Yuđa, phung blau rhăk jêh ri phung chiăr luh bơh Yêrusalem, njŭn leo ma bri Babilôn ƀư jêng bu nă.