Êsther 2:23 - Nau Brah Ndu Ngơi 2023

²³ Bu ôp sek nau nây jêh ri saơ jêng ngăn, pôri bu yông trô ko lĕ bar kôranh bu char nây. Bu nchih nau nây tâm ndrom samƀŭt nau rêh jêng hađăch tanăp măt hađăch.

Êsther 2:23 ပူးပေါင်းရင်းမြစ်များ

Nau Ntơm 40:19

Hôm pe nar, Pharaôn mra koh trô ko may jêh ri yông may ta tơm si. Sĭm och mra sa puăch may.”

Nau Ntơm 40:22

Ƀiălah hađăch đă yông trô ko kôranh ƀư piăng let, nâm nau Y-Yôsep hŏ rblang jêh.

Êsra 4:15

gay ma bu sek uănh joi tâm nau rêh jêng phung chô yau hađăch. Tơlah bu sek uănh joi tâm ndrom samƀŭt nau rêh jêng nây, hađăch mra gĭt pô aơ ƀon nây jêng du ƀon tâm rdâng, ƀư nau mhĭk ma phung hađăch jêh ri lĕ n'gor. Ntơm bơh rnôk kăl e, phung ƀon lan gŭ ta nây vay ƀư nau tâm rdâng jêh ri yor nau nây ƀon aơ bu hŏ ƀư rai jêh.

Êsther 10:2

Lĕ rngôch kan nau dơi, nau ktang hađăch jêh ri nau hađăch n'hao jêh ma Y-Môrdêkai, mâu di hĕ lĕ rngôch nau n'hao nây bu nchih da dê tâm ndrom samƀŭt nau rêh jêng hađăch ma phung hađăch bri Mêdơ jêh ri Persi?

Êsther 5:14

Ur păng jêng H'Sêres jêh ri phung mĭt jiăng păng lah ma păng: “Ăn bu ƀư tơm si yông trô ko prêh bar jât ma prăm met, jêh ri ôi taơ, dăn hom hađăch ăn yông trô ko Y-Môrdêkai ta nây. Jêh nây may răm maak hăn râng nau sông sa ndrel hađăch.” Nau nchră nây ƀư maak ma Y-Haman, jêh ri păng ăn bu ƀư tơm si yông trô ko.

Êsther 6:1

Măng nây, hađăch mâu hăk bê̆ch ôh. Hađăch ntĭnh bu njŭn tâm ndrom samƀŭt nau rêh jêng ma phung hađăch rŏ ma hađăch tăng.

Êsther 7:10

Pônây, bu yông trô ko Y-Haman ta tơm si yông trô ko păng nơm hŏ ndâk jêh ma Y-Môrdêkai. Jêh nây nau hađăch ji nuih aih jêh.

Malachi 3:16

Nôk nây, phung klach yơk ma Brah Yêhôva nkoch bri ndrăng khân păng nơm, jêh ri Brah Yêhôva rkêng tôr iăt nau khân păng. Bu nchih jêh du ndrom samƀŭt ăn kah gĭt tanăp Brah Yêhôva ăn ma phung klach yơk ma Păng jêh ri yơk ma amoh Păng.

Yôsuê 8:29

Păng yông hađăch ƀon Ai ta klơ tơm si jêh ri ăn ta nĕ tât mhaơ. Ƀiălah dôl nar nhâp, Y-Yôsuê ntĭnh bu n'hŭch săk jăn păng jŭr bơh tơm si jêh ri mƀăr păng ta ntŭk bu lăp mpông ƀon, jêh nây nkhŭt ta klơ păng du mbŭch rplay lŭ toyh, hôm tât ma nar aơ.